1 Korintus 7:7 - Taaz Weru Witu u Nunuwu'en Tombulu

⁷ Kapaazku péléng sé tou é masarla ni aku in zéi'kan kimawéng, taan zéi'kan péléng sé tou én tinambéran in zéi'kan kumawéng. Pahpaan wia si esa wo si esa ém wéwéhan u méitambér ni Opo Empung. Wia si esa tinambéran ang kenu, wia sé walina én tinambéran ang kenuma.

1 Korintus 7:7 ပူးပေါင်းရင်းမြစ်များ

Kisah Rasul-rasul 26:29

Ang kuan ni Paulus wia ni sia, “Ni aku é mengaléi wia si Opo Empung wo ni ko karia péléng sé tou wia un tampa kenu wo sé timalinga a méikuakuma, niitu i rewek kaapa i mauré-uré é masuat kariaku. Taan, tantu katuu én zéi'kan rinanté tanu ni aku in tarékan.”

Roma 12:6

Ni kita ém winéhan un tatambér ni Opo Empung nimahwali-walinaan. Un tatambér itii éng kamang tatambér-Na. Sa kita tinambéran un toro mahkua a méikuamé ni Opo Empung in esa, wangunenola niitu mengiit um pa'émanenta.

1 Korintus 12:11

Péléng an tatambér itii é méiwéhé ni Roh Lenas. Si Roh Lenas itii én esa uman zéi'kan siapa walina. A méitambér wia si esa wo si esa é nimahwali-walinaan mengiit ung kapaaz ni Roh Lenas.

1 Korintus 12:4

An tatambér ni Roh Lenas wia sé tou é nimahwali-walinaan, taan si Roh Lenas én esa uman si timambéré péléng an tatambér itii.

1 Korintus 7:8

Taan in tarékan, ikuakuma wia sé zéi'kampé' kimawéng wo wia sé wéwéné mahesa-esamokan, tawimo ni kamu zéi'kan kimawéng tanu ni aku.

1 Korintus 9:15

Taan zéi'kan kawisa ni aku nimahaléi u léwo'zéi' ing kailekangku itii. Ni aku i nimantik ang kenu én zéi'kan i mekisawang. Tawimo aku matéla taan u nimaéndo kaloozangku mazéi'ma.

1 Korintus 9:5

Zéi'kan toro wé kai lumampang mahwali sé mahayo nai sé ma'émano, tanu sé aatu ni Yesus walina, sé katuari ni Yesus si Mahpiara wo si Kefas?