1 Korintus 7:6 - Taaz Weru Witu u Nunuwu'en Tombulu

⁶ U méikuakuma én zéi'kan perénta, taan sésésa wia ni kamu.

1 Korintus 7:6 ပူးပေါင်းရင်းမြစ်များ

2 Korintus 8:8

Ni aku i mahkuama niitu én zéi'kan mahperénta ni kamu, taan mahwa'wa' uman u raraatéan niou wia sé tou. Niitumo ni aku kimua wia ni kamu, kura sé tou walina i mahtututu' mahsawang sé tou.

1 Korintus 7:25

In tarékan u méipantikku én tumoro sé tou zéi'kampé' kimawéng. Tumoro niitu, ni aku én zéi'kan nimakailek um perénta ni Mahpiara. Taan zozo' in téntu, ni aku si tou toro pa'émanen niou pahpaan u raraatéan ni Opo Empung é méhéma u sésésa wia ni séra.

1 Korintus 7:12

In tarékan én ikuakuma wia sé walina, zéi'kan si Mahpiara si kimua: sa wéwéhan si tuama ma'éman wia si Kristus makamahayo si wéwéné zéi'kampé' ma'éman, taan si mahayona itii ém paaz mahwali-wali kariana, si tuama itii én zéi'kan toro tuma'sa si mahayona itii.

2 Korintus 11:17

In tarékan ni aku é mahlooz un touku, taan zéi'kan méiatu ni Mahpiara ni aku i mahkua un téntu. I ni aku mahlooz un touku tanu niitu, ni aku é mahasa-asar sé tou lemou.

1 Korintus 7:10

Wia sé tou kimawéngo, wéwéhan um perénta, zéi'kan peréntaku taan perénta ni Mahpiara, “Tia' si wéwéné makamahayo tuma'sa si mahayona.”

1 Korintus 7:40

Taan sa ikiit ung ginenangku, u mahpaa-paaz ni wéwéné mahesa-esamokan itii é lumouspé'mé sa sia zéi'kan kumawéng sumaup. Ni aku simésa téntu pahpaan ni aku éng kinawasa ni Roh ni Opo Empung.