1 Korintus 7:2 - Taaz Weru Witu u Nunuwu'en Tombulu

² taan wo zéi'kan mangun u samek, tawimo si tuama ém wéwéhan mahayo, téntu kangkasii si wéwéné ém wéwéhan mahayo.

1 Korintus 7:2 ပူးပေါင်းရင်းမြစ်များ

Matius 5:32

Taan ikua-Kuma wia ni kamu: Séi uman si tuama tuma'sala si mahayona, taan si mahayona zéi'kan simamek, si mahayona itii ém winangunnamola i mahsamek. Wo séi si kumawéngla si wéwéné tina'sala itii, ni sia kangkasii é mahsamek.”

1 Korintus 6:18

Ma'katla im wana ang kasamekan! Pahpaan si tou mahsamek, ni sia é mahwangun a singkéla' u maluméwo' un touna. Taan sa mahwangun a singkéla' walina, niitu é nimamuali zéi'kan witu un untep un awakna.

1 Korintus 7:1

In tarékan tumoro a méipantik nioué wia ni aku, i si tuama ém wangun in zéi'kan kimawéng. Kiit ung genangku niitu ém wangun,

1 Korintus 7:3

Si tuama én totoz mahwangunla wia si mahayona un toro uman pahwangunen né sana séndé'. Téntu kangkasii si wéwéné im wia si mahayona.

1 Korintus 7:9

Taan sa séra zéi'kan makaezen u lelo un awak néra, tawimo séra ing kumawéngla. Pahpaan tawimo séra ing kimawéng én taa séra zézéhan u lelo néra itii.

Efesus 5:28

Téntu kangkasii si mahayo é léwo'zéi' i rumaraaté si wéwéné mahayona tanu ni sia i rumaraaté un awakna in esa. Si tou rumaraaté si wéwéné mahayona ni sia kangkasii é rumaraaté un touna in esa.

Efesus 5:33

Taan ung kenu kangkasii én tumoro ni kamu sé sana séndé'mo: Iraraatéla si wéwéné mahayomu tanu ni ko i rumaraaté un toumu in esa, wo wia si wéwéné makamahayo, pahsigi'ela si mahayomu.

1 Tesalonika 4:4

Ni kamu in tuama é méndola si wéwéné esa i maéndo mahayomu in esa, wangunela ung katou-touan niou weresi im witu u sinaru ni Opo Empung wo wangunela ung katou-touan niou im pahsigi-sigi'en né tou.

1 Timutius 4:3

Ni séra é mahséro' sé tou in zéi'kan toro kumawéng, wo wéwéhan kasii ang kakanen sinéro' néra im pahkanen. Taan un ulitna péléng ang kakanen ém winangunomé ni Opo Empung in toro kanen. Sa sé tou ma'éman wia si Yesus wo mata'umo an tutuzu' ulit ni Opo Empung kuman niitu, un ipahpuu-puuna éng kumuapé'la u makasé wia si Opo Empung taré séra kuman ang kakanen itii.