1 Korintus 4:9 - Taaz Weru Witu u Nunuwu'en Tombulu

⁹ Pahpaan pahgenangengkula, un totoz wawa', niitu u méiwéhé ni Opo Empung wia ni kai in aatu-Na. Ni kai é nimaéndomo tanu sé tou tinotozo im wunu'en wo maéndo iileken makaké'ké'en né tou wia ung kaayahan wo né malaekat.

1 Korintus 4:9 ပူးပေါင်းရင်းမြစ်များ

Kisah Rasul-rasul 19:29

Péléng am witi wanua tua'na Efesus é nimarikoka'. Sé tou lakez é nimahwalima i matimion si Gayus wo si Aristarkhus an ipahwalima witi tampa peréréwokan né tou lakez. Ni séra zua én tou Makedonia wo kawali ni Paulus.

Kisah Rasul-rasul 19:31

Sé woopira tonaas witi Asia sé mahkaria wo si Paulus kangkasii é nimatumé tou i mékumua wia ni sia in tia'mo mahuuntep witi tampa peréréwokan né tou lakez itii.

Roma 8:36

Tanu u méipantik witu um Pinantik Lenas, “Pahpaan ni Ko, sekez in endo ni kai makalakez nimasaruan karia um patéan. Ni kai én tanumokan sé domba sé mamokerizen.”

1 Korintus 15:19

Sa um pahéré'anta wia si Kristus én akaz uman witu ung katou-touanta wia ung kaayahan kenu, ni kitamo sé totoz makararaatén im wia péléng sé tou.

2 Korintus 11:23

Ni séra é mahkua i ni séra én aatu ni Kristus? Ni aku é lumouspé'mé ni séra! (Ni aku i mahkua téntu én tanumo si tou pahléla'en). Ni aku i mahpaayang é lumouspé'mé um pakahpaayang néra. Ni akupé' si makalakez méiuntep bui taan ni séra. Ni akupé' si makalakez sinaluk taan ni séra. Ni aku makalakez én tawimo maté.

2 Korintus 6:9

Ni kai éng kata'uan, taan pahwangunen tanu an zéi'kan kata'uan. Ni kai én tawimo maté taan menou-nou. Ni kai ém pahzézéhan taan zéi'kan maté.

1 Tesalonika 3:3

Karia in téntu, ni kamu én zéi'kan mazéi' i ma'éman wia si Yesus zozo' in zézéha. Ni kamu in esa é mata'umo sa sé tou ma'éman wia si Yesus én tinotozo i mengali an zézéha itii.

Ibrani 1:14

Sa téntu, séi ndéén sé malaekat kenu wé? Ni séra é roh sé mahsawang si Opo Empung. Ni séra méiatu ni Opo Empung i mésumawang sé tou ma'éman sé méipilot im witu un ukuman wana a singkéla'.

Ibrani 10:33

Wéwéhan orasna i ni kamu pahséro'an wo pahzézéhan witu u sinaru né tou lakez. Wéwéhan kasii un orasna ni kamu mendan an zézéha itii tanu an zézéha pahpendanen né katuari esa pa'émanen.

Ibrani 11:36

Wéwéhan kasii sé pahséro'an wo pa'uliten im pahsaboken, niapus karia u ranté wo méiuntep bui.