1 Korintus 4:7 - Taaz Weru Witu u Nunuwu'en Tombulu

⁷ Séi si nimangun i ni kopé' si ipahpuu-puuna taan sé tou walina? Zéi'kankuaa péléng an anumu é méitambér umané ni Opo Empung wia ni ko? Kaa ko mahloo-looz an anumu, tanumokan niana péléng éng kinailekannu in esa?

1 Korintus 4:7 ပူးပေါင်းရင်းမြစ်များ

Yohanes 3:27

A si Yohanes Menanarani mingkotla, “Zéi'kan siapa zozo' in esa si tou toro makailek apa sa niitu zéi'kan méiwéhémé ni Opo Empung.

1 Petrus 4:10

Ni kamu si esa wo si esa ém winéhan un tatambér ni Opo Empung. Niitumo ni kamu sé tou lé'os mengimek an tatambér itii, pahimekela lé'os a méitambéré itii i mahsawang sé tou walina.

Yakobus 1:17

Péléng am pahkailekanta am wangun wo an zéi'kan siapa pahséro'an ém witi kasendukan a méyé, pahtumpamé ni Ama' si mahwanguné péléng a mahsena' witi langit a satorona é marimbengbenga. Taan ni Sia én zéi'kan tanu niitu, ni Sia én zéi'kan mahwali-walinala wo u lé'os-Na én zéi'kan mazéi-zéi'la.

Roma 12:6

Ni kita ém winéhan un tatambér ni Opo Empung nimahwali-walinaan. Un tatambér itii éng kamang tatambér-Na. Sa kita tinambéran un toro mahkua a méikuamé ni Opo Empung in esa, wangunenola niitu mengiit um pa'émanenta.

Yohanes 1:16

Pahpaan u raraatéan-Na én zéi'kan ikana', wo im witu u raraatéan-Na ni kita mahkaileké ung kamang un zéi'kan ipahkana-kana'la im pahtambéré.

Lukas 19:13

Puunala sia i nimangé, ni sia timawahmé sé ata mapulu' a séra wéhannala tata'saan un zoit mas ang kuan-Na wia ni séra, ‘Pakéla un zoit kenu i mahwangké-wangkér takaz ni aku mawurimé sumaup.’

1 Korintus 15:10

Taan si Opo Empung timambéré ung kamang wia ni aku makaz ni aku in tarékan é niéndo aatu ni Yesus, makaz ung kamang méitambér-Na wia ni aku ém wéwéhan torona. Lumouspé'mé niitu, im wia sé aatu-Na, ni aku si totoz nima'ulit i mahpaayang taan sé aatu walina. Taan am pinaayangku itii, zéi'kan pahpaan ung ketezku in esa, taan pahpaan ung kamang méitambér ni Opo Empung wia ni aku makaz ni aku makawawa i maayang am paayangen itii.

1 Korintus 7:7

Kapaazku péléng sé tou é masarla ni aku in zéi'kan kimawéng, taan zéi'kan péléng sé tou én tinambéran in zéi'kan kumawéng. Pahpaan wia si esa wo si esa ém wéwéhan u méitambér ni Opo Empung. Wia si esa tinambéran ang kenu, wia sé walina én tinambéran ang kenuma.

Roma 12:3

Ung kamang tatambér ni Opo Empung é méiwéhémomé wia ni aku. Niitumo ni aku sumésama wia ni kamu: Ni kamu én tia'mo megena-genang lumousé séi un ulitna ni kamu, taan tawimo ni kamu gumenangola lumé'o-lé'os mengiit um pa'émanen niou tanu a méitambér-Namo wia ni kamu si esa wo si esa.

Roma 1:5

Mengiité ni Sia, ni aku nimakailek ung kamang tatambér i maéndo aatu ni Opo Empung wo ni aku toro mahkit sé tahsasana wanua wo séra ma'éman wo mahtali-talinga si Yesus Kristus.

1 Korintus 5:6

Ni kamu én zéi'kan wangun im wera'. Kata'uan niouo ung kukuan kenu, “U ragi toyo' é mangun um wangunen roti i sumegahmé.”

1 Korintus 3:5

Séi wé si Apolos? Séi wé si Paulus? Ni kai é méiatu uman ni Opo Empung i sumawang ni kamu wo toro ma'éman wia si Kristus. Ni kai é maayang uman a méiatu ni Opo Empung wia si esa wo si esa.