1 Korintus 4:1 - Taaz Weru Witu u Nunuwu'en Tombulu

¹ Kapaazku ni kamu mahgenangla i ni kai én ata ni Kristus, sé winéhan um paayangen i mahtuzu' ang ginenang ni Opo Empung an zéi'kampé' kata'uan né tou wia ung kaayahan.

1 Korintus 4:1 ပူးပေါင်းရင်းမြစ်များ

Matius 13:11

A si Yesus mingkotla, “Im wia ni kamu én tinambéran ung kamang in toro makatulap u méikawunipé' tumoro ung Kakolanoan ni Opo Empung, taan im wia ni séra én zéi'kan.

Matius 24:45

Kuano kasii ni Yesus, “Sa téntu, séi si ata mahtali-talinga wo tulap si éndon ni tuangna i maéndo tonaas né ata walina wo mahwéhé ung kanen wia ni séra witu un oras tinotozo?

Markus 4:11

A mingkotla si Yesus, “Ni kamu éng kinuaanoma u méikawunipé' tumoro ung kakolanoan ni Opo Empung. Taan im wia sé tou walina, ém pahtuzu'an karia un aandéan,

Lukas 1:2

Am pinantik néra itii é masuat wo a méisirita wia ni kita, né tou sé rengané ing kataré-taré nimilek karia am weren néra a nimamuali itii wo mahtuzu' u Nuwu' ni Opo Empung.

Lukas 12:42

Si Yesus mingkotla, “Séi si ata mahtali-talinga wo tulap si éndon ni tuangna i maéndo tonaas né ata walina wo mahimek ung kanen né ata itii in orasnamo ing kuman?

Lukas 8:10

Ang kuan-Na, “Ni kamu én tinambéran ung kamang in toro makatulap u méikawunipé' tumoro ung Kakolanoan ni Opo Empung, taan im wia sé tou walina én ipahtuzu' karia an aandéan. Karia in téntu, ‘zozo' ni séra mahilek, taan zéi'kan makana'u wo zozo' ni séra mahtalinga taan zéi'kan makatulap.’

Roma 11:25

Katuari-katuari, tia' kamu mahgenangla i ni kamu é mata'umo péléng am péléng. Kapaazku ni kamu é mata'uma un ipahwuni-wunipé' kenu: lakez im wia sé tou Israel én tampezéi' taan niitu é mamuali uman akaz sé tou zéi'kan Yahudi sé ma'éman si Opo Empung lekepo.

Roma 16:25

U sigi' wo looz wia si Opo Empung! Ni Sia ém wéwéhan kawasa i menté' um pa'émanen niou mengiit u Nuwu' Lé'os tumoro si Yesus Kristus u méipahwoka'ku mengiit u méipapailek ni Opo Empung, u rengan ing kataré-taré méikawuni im wia sé tou.

1 Korintus 2:7

Taan an ipahwoka' nai itii éng katulapan ni Opo Empung a méikawunipé' wo zéi'kampé' kata'uan. Ang katulapan ni Opo Empung itii é niimek-Namo puunala ung kaayahan kenu im winangun. Niitu ém winangun ni Opo Empung wo kita sigi'en wo loozen.

1 Korintus 3:5

Séi wé si Apolos? Séi wé si Paulus? Ni kai é méiatu uman ni Opo Empung i sumawang ni kamu wo toro ma'éman wia si Kristus. Ni kai é maayang uman a méiatu ni Opo Empung wia si esa wo si esa.

1 Korintus 4:13

Sa wéwéhan tou mahtawuruk ni kai, ni kai é mahnuwu' wangun wia ni séra. Makaz in tarékan ni kai én tanu an ileken nérala i rimberek wuul im wia ung kaayahan, masuat wo a makazi'zisen im wia péléng sé tou.

1 Korintus 4:2

Niitumo, un totoz pahaléien wia sé mahpaa-paayang-Na én uli-ulit mahpaayang am paayangen néra.

2 Korintus 11:23

Ni séra é mahkua i ni séra én aatu ni Kristus? Ni aku é lumouspé'mé ni séra! (Ni aku i mahkua téntu én tanumo si tou pahléla'en). Ni aku i mahpaayang é lumouspé'mé um pakahpaayang néra. Ni akupé' si makalakez méiuntep bui taan ni séra. Ni akupé' si makalakez sinaluk taan ni séra. Ni aku makalakez én tawimo maté.

2 Korintus 12:6

Sa ni aku paaz lumooz un touku, ni aku én zéi'kan tou lemou pahpaan ni aku é mahkua an ulit. Taan ni aku nimenes umanla wo sé tou zéi'kan mahgenangla i ni aku é lumousé a niilek néra, kaapa an tinalinga néra wia ni aku.

2 Korintus 4:5

An ipahwoka' nai én zéi'kan tumoro ni kai, taan tumoro si Yesus Kristus Mahpiara. Ni kai nimaéndo ata niou, pahpaan ni kai é mahpaayang ang kapaaz ni Yesus.

2 Korintus 6:4

Taan, im wana am péléng, ni kai é mapailek i mahpaayang uman u méiatu ni Opo Empung. Niitu méipapailek nai i ni kai ezen im wana: an zézéha, am pengalin wo ang kasusaan,

Efesus 1:9

Si Opo Empung nimapata'umo ung ginenang-Na u méikawunipé' wia ni kita. Ung ginenang-Na rengané im puuna mengiit um paaz-Na én tinotoz-Na i lekepen mengiité si Kristus.

Efesus 6:19

Ipengaléipé' kasiimé ni aku wo ni aku i mahnuwu' wia sé tou, si Opo Empung é mahwéhémé u nunuwu'en ulit wia ni aku, wo zéi'kan maindé' i mahwoka' u Nuwu' Lé'os tumoro si Yesus a méikawunipé' im wia ni séra.

Kolose 2:2

Ni aku nimangun un téntu wo un até néra én toro maenté' wo mahesa-esaan pahpaan i mahraa-raatéan. Karia in téntu, ni séra péléng én uli-ulit makatulap wo totoz mata'ula un im puuna zéi'kampé' méipapata'u ni Opo Empung. Un zéi'kampé' méipapata'u itii é si Kristus in esa.

Kolose 4:3

Ipahpengaléipé' kasiimé kai, wo si Opo Empung mukamé lalan wia ni kai i mangé mahwoka', wo kai toro makumua u méikawunipé' tumoro si Kristus. Pahpaano i mahwoka' niitu, ni aku in tarékan ém wiapé' um bui.

1 Timutius 3:16

Totoz ulit an tutuzu' ulit ni Opo Empung é mémoipapailek-Na witu um pa'émanenta karia ung kawangko'an-Na: “Ni Sia é nimapailek un tou-Na tanu in tou uman, kinua in ulit ni Roh ni Opo Empung wo nimapailek un tou-Na wia sé malaekat. Tumoro ni Sia é méiwoka' wia péléng sé tahsasana wanua. Ni Sia ém pa'émanen im wia ung kaayahan wo winénéta mangé witi kasendukan karia u sigi' wo looz.”

1 Timutius 3:6

Zéi'kan toro si tonaas né jamaat é si tou taré ma'émanla wia si Opo Empung, én taa sia mawera' a makailek un ukuman tanu u nimamuali wia si tonaas né sétang im puuna.

1 Timutius 3:9

uli-ulit mahkiit an tutuzu' tumoro um pa'émanen wia si Kristus u mémoipapailek ni Opo Empung wia ni kita wo mahwangun niitu karia ung genang weresi.

Titus 1:7

Si tonaas né jamaat é mahimek um walé ni Opo Empung, niitumo ni sia é léwo'zéi' in zéi'kan siapa pahséro'an, zéi'kan wera', zéi'kan raranguan, zéi'kan matetewelen, zéi'kan tangkoro'en wo zéi'kan uman megena-genang an zoit,

1 Petrus 4:10

Ni kamu si esa wo si esa ém winéhan un tatambér ni Opo Empung. Niitumo ni kamu sé tou lé'os mengimek an tatambér itii, pahimekela lé'os a méitambéré itii i mahsawang sé tou walina.