1 Korintus 3:4 - Taaz Weru Witu u Nunuwu'en Tombulu

⁴ Sa wéwéhan si mahkua, “Ni aku ém wia sé sana réwok tou ni Paulus,” wo sé walina é mahkua, “Ni aku ém wia sé sana réwok tou ni Apolos”, nianamo an tumuzu'mé i ni kamu én totozpé' mahkiit ang kinanaram wia ung kaayahan.

1 Korintus 3:4 ပူးပေါင်းရင်းမြစ်များ

1 Korintus 1:12

Ung kalakoana ém, “Wéwéhan sé wia ni kamu é mahkua in téntii, ‘Ni aku é mahkiit si Paulus.’ Sé walina é mahkua, ‘Ni aku é mahkiit si Apolos’, wo sé walina é mahkua, ‘Ni aku é mahkiit si Petrus.’ Wo sé walina kasii é mahkua, ‘Ni aku é mahkiit si Kristus.’ ”

1 Korintus 3:3

Pahpaan ung katou-touan niou é mahkiit uman a lelo wia ung kaayahan, i ni kamu é mahtétéutéuan wo mahéndo-éndoan. Am pemangu-mangunen niou é mahkiitpé' a lelo wia ung kaayahan wo am pemangu-mangunen né tou zéi'kampé' ma'éman.

1 Korintus 4:6

Katuari-katuari, ni aku é nimantik un tumoro ni aku wo si Apolos i maéndo kékéréan niou. Ni kai zua nimaéndo kékéréan niou in tumuzu' ni kamu wo kamu toro mata'u ung kukuan kenu, “Mahkiitla am méipantik witu um Pinantik Lenas”, wo tia' im wia ni kamu wéwéhan sé meloo-looz un touna karia i mahpuu-puuna si tou esa im wia sé tou walina.

Galatia 1:11

Katuari-katuari, totoz ing kata'uan nioula, u Nuwu' Lé'os tumoro si Yesus un ipahwoka'ku wia ni kamu én zéi'kan u nuwu' lé'os tumoro si Yesus um wia sé tou a méyé.