1 Korintus 3:1 - Taaz Weru Witu u Nunuwu'en Tombulu

¹ Katuari-katuari, i makasa, ni aku i mahnuwu' wia ni kamu én zéi'kan tanu i mahnuwu' wia sé tou pahahkiten ni Roh Lenas, pahpaan ni kamu é mahkiitpé' a lelo wia ung kaayahan. Um pa'émanen niou tumoro si Kristus én tanupé' sé taré itoumé.

1 Korintus 3:1 ပူးပေါင်းရင်းမြစ်များ

Ibrani 5:13

Pahpaan sé tou zéi'kampé' mata'u mahtotoz wisa un ulit wo wisa u simala', ni séra én tanu si koki' mahelepé' u susu.

1 Korintus 2:6

Zozo' in téntu, im wia sé tou totozo lutu' i ma'éman, ni aku éng kimuamoma ung katulapan. Ung katulapan itii é méyé zéi'kan wia ung kaayahan kaapa wia sé mahkawasa wia ung kaayahan kenu sé mazéi'en.

1 Korintus 14:20

Katuari-katuari, tia' um pakahgena-genang niou én tanu um pakahgena-genang né koki'. Im wana a léwo'an masarola um pakahgena-genang né koki' sé zéi'kampé' mata'u a léwo'an. Taan um pakahgena-genang niou é masarola um pakahgena-genang né tu'amo!

Roma 7:14

Kata'uanta un ukum Torat itii ém wia si Roh ni Opo Empung a méyé. Taan ni aku én tou uman si mahkiit uman ung kapaaz ung kaayahan. Ni aku én tanu méiwangkéro i maéndo ata u singkéla'.

1 Yohanes 2:12

É kamu sé koki', ni aku é mantika ang kenu wia ni kamu, pahpaan a singkéla' niou é niampungano pahpaan u ngaran ni Yesus Kristus.

Galatia 6:1

Katuari-katuari, sa im wia ni kamu ém wéwéhan sé kinata'uan i mahmuali u singkéla', ni kamu sé mahkiit um paaz ni Roh Lenas é léwo'zéi' mahkit si tou itii witu u lalan kaulitan. Wangunela niitu karia in eluz uman wo mile-ilek én taa un toumu in esa ikakiit i mahsingkéla' tanu si tou itii.

Matius 16:23

A si Yesus merena wia si Petrus, ang kuan-Na, “Mingkasa ko tonaas né sétang! Ni ko ém watu pahkasangkilan im wia ni Aku pahpaan ni ko én zéi'kan mahgenang ung ginenang ni Opo Empung, taan mahgenang uman ung ginenang ni tou.”

1 Korintus 14:37

Sa wéwéhan tou mahkua i ni sia é nabi, kaapa tinambéran ni Roh Lenas, ni sia é léwo'zéi' mata'u sa péléng am pinantikku kenu ém perénta ni Mahpiara.