1 Korintus 2:5 - Taaz Weru Witu u Nunuwu'en Tombulu

⁵ Karia in téntu, um pa'émanen niou én zéi'kan mahéré' uman witu ung katulapan ni tou, taan mahéré' uman witu ung kawasa ni Opo Empung.

1 Korintus 2:5 ပူးပေါင်းရင်းမြစ်များ

2 Korintus 4:7

Ni kai é nimakaileko u sangkum um wia si Opo Empung a méyé. Taan ni kai én tanu uman un tampayang u liné'osan u sangkum totoz mahal u mengataraz umanla. Karia in téntu ikatuzu'mé sa ung kawasa zéi'kan kakuaan ém wia si Opo Empung a méyé, zéi'kan wia ni kai a méyé.

2 Korintus 12:9

Taan winingkot umané ni Opo Empung, “Ung kamang méitambér-Ku wia ni ko én toromo. Pahpaan, i ni ko zéi'kan enté' ung kawasa-Ku totoz nimalekep.” Niitumo, ni aku mahpaa-paaz i mahlooz un touku in zéi'kan enté', wo kapenda-pendanangku ung kawasa ni Kristus é memali-mali kariaku.

2 Korintus 6:7

Ni kai é mahtuzu' uman an ulit karia ung kawasa ni Opo Empung. Un ulit pahwangunen nai niitu masuat wo u nimaéndo ipahkoro' i mahsaru sé tou kaapa ing kumelung un tou nai.

1 Korintus 1:17

Pahpaan ni aku i méiatu ni Kristus én zéi'kan i sumarani sé tou, taan mahwoka' u Nuwu' Lé'os tumoro ni Sia. Ni aku i mahwoka' u Nuwu' Lé'os itii én zéi'kan karia ung katulapangku i mahnuwu', pahpaan sa sé tou ém paaz uman ung katulapangku i mahnuwu', tantumo ung kawasa si Kristus i nimaté witu u salip én zéi'kan siapa torona.

1 Korintus 3:6

Ni aku si timanem, si Apolos si mahsirang. Si mangun a méitanem itii i mahtou é si Opo Empung.

Kisah Rasul-rasul 16:14

Si esaané im wia sé wéwéné itii é makangaran Lidia. Ni sia ém witi wanua tua'na Tiatira a méyé, memamangkér a roko' tina' wo meraragés wia si Opo Empung. Si Mahpiara é nimangun ni sia nimatulap makaz ni sia én totoz mahwéhé genang wana an ipahkua ni Paulus.