1 Korintus 2:4 - Taaz Weru Witu u Nunuwu'en Tombulu

⁴ A méipahwoka'ku én zéi'kan tanu a méipahwoka' né tou tulap i mahenou ni kamu, taan an ipahwoka'ku éng karia ung ketez méiwéhémé ni Roh Lenas.

1 Korintus 2:4 ပူးပေါင်းရင်းမြစ်များ

Kisah Rasul-rasul 20:27

Pahpaan ni aku én zéi'kan kawisa wo zéi'kan mahwoka' péléng ang ginenang ni Opo Empung wia ni kamu.

Kisah Rasul-rasul 26:28

Ang kuan ni kolano Agripa wia si Paulus, “Woanokan an ni aku wangunennula maéndo tou Sarani!”

Roma 15:13

Mengalé-ngaléi uman si Opo Empung, si mahwéhémé am pahéré'an é méhémé malake-lakez wia ni kamu u mahpaa-paaz wo ung kaluasan witu un até pahpaan ni kamu ma'éman wia ni Sia. Wo karia ung kawasa ni Roh Lenas, um pahéré'an niou é malake-lakez wia si Opo Empung.

Roma 15:19

karia a makakompo'en wo an zéi'kan kakuaan pahpaan ung kawasa ni Roh ni Opo Empung. U Nuwu' Lé'os tumoro si Yesus Kristus é mémoipahwoka'kumé wia sé tou, rengané im witi Yerusalem makaz witi Ilirikum.

Roma 16:18

Pahpaan sé tou téntu én zéi'kan mahpaayang wia si Kristus, si Mahpiarata, taan ni séra é mahpaayang i mahwuwutul uman am pemandungen néra. Karia an eenou wo a nunuwu'en tariis im pahtalingan, ni séra é mahtowo wia sé tou sé zéi'kan siapa kata'uan.

1 Korintus 1:17

Pahpaan ni aku i méiatu ni Kristus én zéi'kan i sumarani sé tou, taan mahwoka' u Nuwu' Lé'os tumoro ni Sia. Ni aku i mahwoka' u Nuwu' Lé'os itii én zéi'kan karia ung katulapangku i mahnuwu', pahpaan sa sé tou ém paaz uman ung katulapangku i mahnuwu', tantumo ung kawasa si Kristus i nimaté witu u salip én zéi'kan siapa torona.

1 Korintus 2:1

Katuari-katuari. I ni aku nimangémé wia ni kamu a mahwoka' un zéi'kampé' kata'uan niou tumoro si Opo Empung, ni aku én zéi'kan mahnuwu' wia ni kamu karia a nuwu' tariis pahtalingan kaapa karia ung katulapan né tou.

1 Korintus 2:13

Ni kai i mahtuzu' wia ni kamu sé wéwéhano si Roh Lenas an tumoro si Opo Empung én zéi'kan mahkiit ung katulapan né tou, taan mahkiit uman ung katulapan ni Roh ni Opo Empung.

1 Korintus 4:20

Pahpaan sa kita uli-ulit nimaéndomo tou witi Kakolanoan ni Opo Empung, im wana am pahwangunenta ni kita mapailek wia sé tou ung kawasa ni Opo Empung, zéi'kan wana am pakahnuwu'ta.

2 Korintus 6:6

Ni kai nimangun niitu karia ung genang weresi wo ung katulapan, ung kaezenan wo u lé'os uman wia sé tou. Ni kai kasii é mahéré' uman wia si Roh Lenas wo uli-ulit rumaraaté.

Galatia 1:10

Niitumo in tarékan, apa sé tou wé sé wangunengku i mahpaa-paaz kaapa si Opo Empung? Kaapa, apa um pahpenérongku é mangun sé tou mahpaa-paaz? Sa ni aku mahtututu'pé' i mangun uman sé tou mahpaa-paaz, ni aku én zéi'mo ata ni Kristus.

Kolose 2:4

Niia é méipapata'ukuma, wo zéi'kan siapa im wia ni kamu si toro towoan né tou walina pahpaan a nuwu' eenou néra.

1 Tesalonika 1:5

Pahpaan u Nuwu' Lé'os tumoro si Yesus un ipahtuzu' nai wia ni kamu én zéi'kan uman karia u nunuwu'en, taan karia ung kawasa ni Roh Lenas wo karia ung kaulitan u Nuwu' Lé'os un totoz kata'uan nai. Kata'uan niouo kura ni kai mahpaayang i mahsawang ni kamu, i ni kai memali-mali karia niou.

1 Petrus 1:12

Sé nabi itii éng kinuaan sa am pahtata'un néra én zéi'kan méipapata'u in tumulung uman un tou néra in esa, taan in tumulung ni kamu. Sé nabi itii éng kinawasa ni Roh Lenas si witi kasendukan a méyé i mapata'u u Nuwu' Lé'os tumoro si Yesus wia ni kamu. A méipahtuzu' nérama itiimo ang kapaaz né malaekat im pahtata'un.

2 Petrus 1:16

Pahpaan ni kai i mahtuzu' wia ni kamu tumoro si Yesus Kristus Mahpiarata i mawurimé sumaup tanu si Kolano karia ung kawasa-Na, zéi'kan mahkiit a sirita towo am winangun uman né tou, taan ni kai sé nimilek wo sé timalinga ung kawangko'an-Na.

2 Petrus 2:18

Pahpaan ni séra é menuwu-nuwu' am wera' wo an zéi'kan siapa torona. U lelo léwo' un awak ém pahpakén néra i mahenou sé tou taré ikapiloté im witu ung katou-touan né tou méikalulu.