1 Korintus 15:8 - Taaz Weru Witu u Nunuwu'en Tombulu

⁸ Wo si totoz kamurian im pinapailekan-Na un tou-Na é ni aku. Ni aku é mengompo' umané i niéndo aatu-Na. Ni aku én tanumokan si taré itoumé zéi'kampé' orasna.

1 Korintus 15:8 ပူးပေါင်းရင်းမြစ်များ

Kisah Rasul-rasul 18:9

I sana wengi, si Paulus wéwéhan um pina'ilek. Im witu um pina'ilekna, si Mahpiara éng kimua wia ni sia, “Tia'mo ko maindé'! Tia'mo kumana' i mahwoka' u Nuwu' Lé'os wo tia'mo ko menes uman.

Kisah Rasul-rasul 22:14

A sia kumuamé, ‘Si Opo Empung né nimaopota tou Israel é niméléngo ni ko i mata'u ung kapaaz-Na wo i milek si Yesus si Ulit, wo kasii tumalinga un ikua-Namé.

Kisah Rasul-rasul 22:18

An ilekengkuma si Tuang si kimuamé téntii wia ni aku, ‘Mahrewekola, itula'umoma u Yerusalem, pahpaan un ipahkuamu tumoro ni Aku éng kasoo néra.’

Kisah Rasul-rasul 22:6

Taan i lolamboto i ni aku melelezoma un Damsyik, kumompo'mé ém wéwéhan u sena' witi langit un totoz merahra simena'mé wia ni aku.

Kisah Rasul-rasul 26:12

A si Paulus kumua kasii, “Pahpaan ung ginenang itii, ni aku nimangé witi Damsyik karia i nimahalima um pinantik né tonaas né walian sé niméhémé ung kawasa wia ni aku.

Kisah Rasul-rasul 26:16

Taan in tarékan, tumoozé wo rumendaiomé. Ni Aku é nimapailek un tou-Ku wia ni ko, in tumotoz ni ko maéndo tou si mahpaayang wia ni Aku wo si tou si mahkua tumoro péléng an niilekmu wo an tinalingamu wia ni Aku wo tumoro an ipapailek-Ku wia ni ko in tumondong.

Kisah Rasul-rasul 9:17

A si Ananias mangé witi walé pahento'an ni Saulus a muntepa witu. I nimahilekanola karia ni Saulus, si Ananias zimeta'ma u lengenna wia si Saulus ang kumua, “Saulus, katuariku, si Yesus Mahpiara si nimatu ni aku i méyé wia ni ko. Ni Sia si nimapailek un tou-Na wia ni ko witi lalan i mahéyé wia'i. Ni Sia si nimatumé ni aku i méyé wia ni ko wo ko toro milek sumaup wo mawuta-wuta ung kawasa ni Roh Lenas.”

1 Korintus 9:1

Katuari-katuari, ni aku én toro mahwangun péléng ang kapaazku. Ni aku én uli-ulit aatu ni Yesus Kristus. Ni aku é nimileko si Yesus, si Mahpiarata. Ni kamu ém wua'na am pinaayangku wia si Opo Empung.