1 Korintus 15:44 - Taaz Weru Witu u Nunuwu'en Tombulu

⁴⁴ Un awak méileweng én awak in tou uman. Taan un awak itoumé sumaup én awak winéhan ni Roh ni Opo Empung ung katou-touan. Sa wéwéhan un awak in tou uman téntu kangkasii ém wéwéhan un awak um wia si Roh ni Opo Empung.

1 Korintus 15:44 ပူးပေါင်းရင်းမြစ်များ

1 Korintus 15:50

Katuari-katuari, kenu un ikuaku wia ni kamu: Un awakta in tarékan én zaha' wo lé'ona u maléwo'. Niitumo, ni kita én zéi'kan toro muntep witi Kakolanoan ni Opo Empung ing Kolano. Un awakta u maléwo' én zéi'kan toro muntep witu pahpaan im witu én zéi'kan siapa a maléwo'.

Lukas 24:31

In toro niitukan a séra mata'umé tou a Sia na'u nérala, taan ni Sia rengan i nimazéi'ma im witu un unez néra.

Yohanes 20:26

Waluna endo in tumondongé sé pahtuzu'en ni Yesus é riméwok witi walé itii sumaup wo si Tomas éng kimaria ni séra. Im péléng am pepenet kinusi', kumompo'mé si Yesus niméyé wo rimendai witu un unez néra a mahkua, “Ung kaluasan witu un até é menaté-natér ni kamu!”

Yohanes 20:19

In Duminggu wengi itii sé pahtuzu'en ni Yesus é nimaréwok witu um walé, am pepenet um walé itii éng kinusi' pahpaan ni séra é maindé' wia sé tonaas né tou Yahudi. In toro niitu a méyé si Yesus wo rimendai witu un unez néra ang kumua, “Ung kaluasan witu un até é menaté-natér ni kamu!”

1 Korintus 2:14

Taan si tou zéi'kan siapa Roh ni Opo Empung é soo tumalinga an ipahtuzu' ni Roh ni Opo Empung, pahpaan niitu ém pahkuana ing kalemouan. An ipahkua ni Roh ni Opo Empung én zéi'kan kata'uanna, niitu é makata'uannamokan sa si Roh ni Opo Empung sumawang ni sia i mata'u niitu.