1 Korintus 15:3 - Taaz Weru Witu u Nunuwu'en Tombulu

³ Pahpaan un totoz ipahpuu-puuna ung kinailekangku é mémoipapaayokuma wia ni kamu, i si Kristus é nimatémo pahpaan a singkéla' pahwangunenta. Niitu é mémoipantik witu um Pinantik Lenas,

1 Korintus 15:3 ပူးပေါင်းရင်းမြစ်များ

1 Petrus 2:24

Ni Sia nimasaan a singkéla'ta karia un tou-Na in esa, i ni Sia nimaté witu u salip. Karia in téntu, ni kita sé nimatémo wana a singkéla'ta én toro ikapiloté im witu ung kawasa a singkéla'ta i menou-nou mahkiit ung kapaaz ni Opo Empung. Wo pahpaan am péla'-Na ni kita é nimalé'os.

Galatia 1:4

Karia um paaz ni Opo Empung si Ama'ta, si Yesus Kristus nimayo un tou-Na in tumubus ni kita im wana a singkéla' pahwangunenta wo milot ni kita im wia ung kaayahan léwo' kenu in tarékan.

1 Yohanes 2:2

Ni Sia nimaté nimaéndo raragés, wo a singkéla'ta én ampungan. Zéi'kan uman a singkéla'ta, taan maan a singkéla' péléng né tou sé wia ung kaayahan.

Galatia 1:12

U Nuwu' Lé'os tumoro si Yesus itii én zéi'kan kinailekangku wia sé tou wo zéi'kan sé tou sé timuzu' niitu wia ni aku, taan si Yesus Kristus in esa si nimapata'u a méikawunipé' itii wia ni aku.

Wahyu 1:5

wo um wia si Yesus Kristus si toro pa'émanen i mahkua ang kata'uan-Na tumoro si Opo Empung. Ni Sia si kataré-taré méitoumé sumaup im wia sé nimaté. Wo ni Sia kasii si mahkawasa im wia sé kolano wia ung kaayahan kenu. Ni Sia é rumaraaté ni kita wo nimilot ni kita im wana a singkéla'ta karia un zaha'-Na,

Roma 4:25

Ni Sia é méiayo im wunu'en pahpaan a singkéla'ta. Ni Sia é méitou sumaup ni Opo Empung wo kita niéndo ulit ni Opo Empung.

Efesus 5:2

wo menou-noula karia i mahraa-raatéan tanu si Kristus Yesus rimaraatémo ni kamu. Ni Sia nimayomo un tou-Na wia ni kita, nimaté witu u salip i maéndo tanu u raragés wo sé tatamun kineriz in ipahragés a mahwou tariis, u nimangun un até ni Opo Empung mahpaa-paaz.

2 Korintus 5:21

Si Kristus én zéi'kan nimahwangu-wangunla a singkéla', taan winangun ni Opo Empung, si Kristus masaan a singkéla' winangunta. Téntu um winangun ni Opo Empung wia si Kristus, wo séi uman si ma'éman wia si Kristus, si tou itii én éndon ulit ni Opo Empung witu u sinaru-Na.

1 Korintus 11:23

Pahpaan a méikuakuma wia ni kamu éng kinailekangkumé wia si Mahpiara. Im wengi puunala si Yesus Mahpiara i méiayo wia sé mahkawasa, Sia méndomé u roti,

Kisah Rasul-rasul 3:18

Taan karia in téntu si Opo Empung é limekepola u méikua-Na im puuna mengiité sé nabi, i si Mesias é léwo'zéi' mazézéha.

Yohanes 1:29

Masandonamé, si Yohanes nimilek si Yesus méyé wia ni sia. A si Yohanes kumuala, “Ilekena si Anak ni Domba ni Opo Empung, si zuméi' a singkéla' né tou wia ung kaayahan.

1 Petrus 1:11

A méipapata'u itiimo am pinahtata'uma né nabi, sawisa wo kura niitu i mamuali. Si Roh ni Kristus si wia sé nabi itii é nimapata'u i si Kristus é masungkul an zézéha. Mengiité an zézéha itii, si Kristus é makailek u sigi' wo looz.

Efesus 1:7

Pahpaan mengiité si Yesus ni kita én tinubus im wana a singkéla' karia un zaha'-Na. Ni kita winéhan un ampungan im wana a singkéla' mengiit ung kamang méitambér-Na an totoz lakez.

Galatia 3:13

Pahpaan ni kita én zéi'kan makawawa i mahkiit péléng un ukum Torat, niitumo ni kita é makailek un epa' ni Opo Empung. Taan si Kristus timubuso ni kita im witu un epa' itii, karia i nimayo un tou-Na sinalip i sumawel ni kita. Pahpaan witu um Pinantik Lenas méipantik téntii, “Si tou niukum sinalip é makailek un epa' ni Opo Empung!”

Roma 3:25

Si Kristus Yesus én tinotozo ni Opo Empung i muka u lalan wo sé tou mawurian sumaup karia ni Opo Empung pahpaan ma'éman un zaha'-Na u méikasaroi i sinalip. Niia un tumuzu'mé i si Opo Empung én zéi'kan mahsanaweka. Ni Sia im puuna én ezen im wana a singkéla' né tou taka-takazan ni Sia zéi'kan nimukum ni séra.

Matius 26:28

Pahpaan ung kenumo un zaha'-Ku, un zaha' nimenté' um pinataazan ni Opo Empung, un isaroi wia sé tou lakez i méhé un ampungan wana a singkéla' néra.

1 Petrus 3:18

Pahpaan si Kristus kangkasii é nimaté makasa uman in ziméi' a singkéla'ta. Ni Sia si mahwangun an ulit é nimaté in timubus sé tou mahwangun an zéi'kan ulit, wo kita toro ipahwali-Na wia si Opo Empung. Ni Sia ém winunu' i ni Sia in tou uman, taan ni Sia é méitoumé sumaup ni Roh Lenas im wia sé nimaté.

Ibrani 5:3

Wo pahpaan ni sia in esa én zéi'kan enté', niitumo ni sia é léwo'zéi' i méhé a raragés wia si Opo Empung zéi'kan uman pahpaan a singkéla' né tou taan kangkasii pahpaan a singkéla'na in esa.

Ibrani 5:1

Péléng sé Walian Wangko' ém pinéléng im wia sé tou i sumawel sé tou lakez, mapaayo péléng an ipapaayo néra wia si Opo Empung wo maayang i méhé a raragés wo mahali sé tatamun sé kinerizo, sé iragés né tou wia si Opo Empung i mahaléi ampungan wana a singkéla'.

1 Korintus 11:2

Ni aku é mahlooz ni kamu in jamaat ni Opo Empung wia ang Korintus pahpaan ni kamu sekezé é mahgenang am pahwangunengku wo mahkiit péleng an tutuzu' méipahtuzu'ku wia ni kamu.

Matius 26:24

Si Oki' ni Tou é maté tanu u méipantik tumoro ni Sia witu um Pinantik Lenas. Taan ikaléwo'la si tou nimayo si Oki' ni Tou. Tawimo si tou itii in zéi'kan méitoumé.”

Lukas 24:25

Ang kuan ni Yesus wia ni séra, “É ni kamu in tou lemou, tahlous ngerez un até niou i ma'éman péléng a mémoikuamé né nabi!

Kisah Rasul-rasul 8:32

Um pinantik pahbacan ni tonaas itii, én téntii, ‘Ni Sia én tanu si domba si pinahali witi tampa pahkerizan, ni Sia kasii én tanu si anak ni domba si memene-menes uman im pahguntingan né tou am wuukna.

Kisah Rasul-rasul 17:2

Si Paulus nimuntepa witu um walé peraragésan itii tanu ung kinanaram pemamangunenna. Teluna endo Sabat mahtotondongan ni sia mahsirita karia né tou witu tumoro am wéwéténgan witu um Pinantik Lenas.