1 Korintus 15:16 - Taaz Weru Witu u Nunuwu'en Tombulu

¹⁶ Sa ulit sé tou nimatémo én zéi'kan itou sumaup ni Opo Empung, si Kristus kangkasii én zéi'kan méitou-Namé sumaup.

1 Korintus 15:16 ပူးပေါင်းရင်းမြစ်များ

Roma 8:11

Si Roh ni Opo Empung, si timou sumaup si Yesus im wia sé nimaté é nimaesamo karia niou. Ni Sia si timou sumaup si Kristus Yesus im wia sé nimaté é méhé ung katou-touan witu un awak niou u maléwo' itii mengiité si Roh-Na si nimaesaan karia niou.

1 Korintus 15:15

Lumouspé'mé niitu, sa ulit sé tou nimatémo zéi'kan méitoumé sumaup ni Opo Empung, ni kai én timowomola tumoro si Opo Empung pahpaan ni kai é mahkua si Kristus é méitoumé sumaup ni Opo Empung. Sa si Opo Empung zéi'kan timou sumaup si Kristus, tantumo sé tou nimatémo én zéi'kan méitou-Namé sumaup.

1 Korintus 15:17

Sa si Kristus zéi'kan méitoumé sumaup ni Opo Empung, zéi'kan siapa torona um pa'émanen niou wia si Kristus wo a singkéla' niou én zéi'kan zéi'en im wia ni kamu.

1 Korintus 15:29

Im wia ni kamu ém wéwéhan sé mahkua, si tou nimatémo én zéi'kan itou sumaup. Sa ulit téntu, apa un torona sé tou sinarani i sumawel sé tou nimatémo? Sa sé tou nimatémo zéi'kan méitoumé sumaup ni Opo Empung, zéi'kan siapa torona sé tou sinarani i sumawel sé tou nimatémo.

1 Korintus 15:4

i ni Sia mémoileweng, wo witu un endo katelu ni Sia é méitoumé sumaup ni Opo Empung mengiit méipantik witu um Pinantik Lenas;