1 Korintus 15:14 - Taaz Weru Witu u Nunuwu'en Tombulu

¹⁴ Sa si Kristus zéi'kan méitoumé sumaup ni Opo Empung, u Nuwu' Lé'os tumoro ni Sia an ipahwoka' nai wia sé tou én zéi'kan siapa torona, téntu kangkasii um pa'émanen niou én zéi'kan siapa torona.

1 Korintus 15:14 ပူးပေါင်းရင်းမြစ်များ

1 Korintus 15:17

Sa si Kristus zéi'kan méitoumé sumaup ni Opo Empung, zéi'kan siapa torona um pa'émanen niou wia si Kristus wo a singkéla' niou én zéi'kan zéi'en im wia ni kamu.

1 Tesalonika 4:14

Ni kita é ma'éman i si Yesus é nimatémo wo méitoumomé sumaup ni Opo Empung im wia sé nimaté. Niitumo pa'émanenta kangkasii i sé tou ma'éman wia si Yesus wo nimatémo én itou sumaup ni Opo Empung im wia sé nimaté wo mahwali-wali karia-Na.

Yakobus 2:20

É tou lemou, paaz ko wé in tarékan i makaulité sa um pa'émanen zéi'kan kinaria um pahlé'osen én zéi'kan siapa torona?

Galatia 2:2

Ni aku nimangé wana éng kumiit u méipapata'u ni Opo Empung. Im witu ni aku nimahilekané wo sé tonaas né jamaat wo ni kai én timampasla i simirita. Wia sé tonaas itii, ni aku é nimapata'u u Nuwu' Lé'os tumoro si Yesus u méipahwoka'kumé wia sé tou zéi'kan Yahudi. Karia in téntu, am pinaayangkumomé wo um pahpaayangengku in tarékan ém wéwéhan torona.

Kisah Rasul-rasul 17:31

Niimek-Namo un oras i métumotoz wo meneksek ni kita. Méituzu'-Na si Tou esa i maéndo menonotoz zéi'kan mahsanaweka im wia ni kita péléng. Wo totoz kata'uanta sa niana péléng é mamuali téntu, si menonotoz itii é nimaté a Sia itoumé sumaup ni Opo Empung im wia sé nimaté.”

Matius 15:9

Zéi'kan siapa torona séra i mahragés wia ni Aku, pahpaan an tutuzu' ipahtuzu' néra ém perénta ni tou.’ ”

1 Korintus 15:2

Sa u Nuwu' Lé'os méipahwoka'ku itii én uli-ulit pa'émanen niou, ni kamu é méipiloté im witu un ukuman wana a singkéla'. Taan sa u Nuwu' Lé'os itii zéi'kan uli-ulit pa'émanen niou, um pa'émanen niou én zéi'kan siapa torona.

Yakobus 1:26

Sa si tou mahgenangla i ni sia é mahragés wia si Opo Empung, taan zéi'kan makaimek u lila'na, ni sia é mahtowomo witu un touna in esa. U raragésna wia si Opo Empung én zéi'kan siapa torona.

1 Korintus 15:13

Sa ulit zéi'kan siapa tou nimatémo sé méitoumé sumaup, si Kristus kangkasii én zéi'kan méitoumé sumaup ni Opo Empung.