Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Korintus 13:2 - Taaz Weru Witu u Nunuwu'en Tombulu

2 Wo kasii zozo' ni aku tinambéran u makawawa i mahkua wia sé tou a méikuamé ni Opo Empung wia ni aku, wo zozo' ni aku makawawa i makatulap péléng ang ginenang-Na un zéi'kampé' kata'uan né tou walina. Zozo' ni aku i mata'u péléng am péléng wo zozo' um pa'émanengku én enté' makaz ung kentur én toro iatuku mérama im witu, taan sa ni aku zéi'kan rumaraaté sé tou walina, ni aku én zéi'kan siapa torona.

အခန်းကိုကြည့်ပါ။ ကော်ပီ




1 Korintus 13:2
38 ပူးပေါင်းရင်းမြစ်များ  

A si Yesus mingkotla, “Im wia ni kamu én tinambéran ung kamang in toro makatulap u méikawunipé' tumoro ung Kakolanoan ni Opo Empung, taan im wia ni séra én zéi'kan.


Ang kuan-Na wia ni séra, “Pahpaan ni kamu én zéi'kan uli-ulit ma'éman. Uli-ulit ikua-Kuma wia ni kamu: Sa kamu uli-ulit ma'éman zozo' um pa'émanen niou itii én tanu uman katua'na um watuna totoz rintek wia ung kaayahan, ni kamu én toro kumuama ung kentur kenuma in téntii, ‘Mérama witi kenuma!’ Ung kentur itii én ikaéra witi kenuma wo zéi'kan siapa an zéi'kan mamuali wia ni kamu. [


An ileken-Nama ung kai ara witu ruruh u lalan, a Sia mangé witu ung kai itii i menéro wua'na. Taan ni Sia én zéi'kan méikaileké wua'na im witu akaz uman an zani'na. Ang kuan-Na witu ung kai itii, “Ni ko én zéi'mo mahwua-wua'la makaz ing kauré-uré!” In toro niitukan ung kai ara itii é rengan i nimaperama.


A mingkotla si Yesus wia ni séra, “Uli-ulit ikua-Kuma wia ni kamu, sa kamu ma'éman wo zéi'kan mahzua-zua genang, ni kamu én zéi'kan uman toro mangun tanu um winangun-Kuma witu ung kai ara itii, taan ni kamu kangkasii én toro kumuama witu ung kentur kenu, ‘Mawutwuta wo ikalombo'ma witi tasik!’ niitu é mamuali.


In toro niitu, im wia sé jamaat witi Antiokhia ém wéwéhan sé woopira nabi wo méster. Ni séra é si Barnabas, si Simeon pahkuan in Zemdem, si Lukius tou Kirene, si Menahem si rengané ing koki' ém piniara karia ni kolano Herodes, wo kasii si Saulus.


Katuari-katuari, tia' kamu mahgenangla i ni kamu é mata'umo péléng am péléng. Kapaazku ni kamu é mata'uma un ipahwuni-wunipé' kenu: lakez im wia sé tou Israel én tampezéi' taan niitu é mamuali uman akaz sé tou zéi'kan Yahudi sé ma'éman si Opo Empung lekepo.


Katuari-katuariku, kata'uangku i ni kamu é mawuta-wutamo karia am wangun wo péléng ang kata'uan wo makawawa i sumésa wia si esa wo si esa.


U sigi' wo looz wia si Opo Empung! Ni Sia ém wéwéhan kawasa i menté' um pa'émanen niou mengiit u Nuwu' Lé'os tumoro si Yesus Kristus u méipahwoka'ku mengiit u méipapailek ni Opo Empung, u rengan ing kataré-taré méikawuni im wia sé tou.


Sa si tuama mengaléi kaapa mahkua wia sé tou a méikuamé ni Opo Empung wia ni sia, un uluna éng kinungkungan, ni sia é nimapaiza-izangola si Kristus, si tonaasna.


Wo wia ni kamu sé jamaat, sé woopira im wia ni kamu ém pinéléng ni Opo Empung i maéndo: kataré, sé tou niéndo aatu ni Yesus, kazua, sé tou niéndo nabi, katelu, sé tou niéndo méster mahtuzu' an tutuzu' ni Mahpiara, wéwéhan sé tou tinambéran u makawawa i mangun u makakompo'en, wéwéhan sé tou tinambéran u makawawa i lumé'os sé tou saki, wéwéhan sé tou tinambéran u makawawa i mahsawang sé tou walina, wéwéhan sé tou tinambéran u makawawa i maéndo tonaas, wo kasii wéwéhan sé tou tinambéran u makawawa i mahnuwu' karia a nunuwu'en walina un akaz uman si Roh Lenas si mata'u.


Zozo' ni aku toro mahnuwu' karia a nunuwu'en né tou wo a nunuwu'en né malaekat, taan sa ni aku zéi'kan rumaraaté sé tou walina, ni aku én tanu uman an zanina an tambor wo an téténgkoren um wayaan uman téngkoren, zéi'kan siapa torona.


Zozo' péléng an anuku ipeméténgkula wia sé tou zéi'kan siapa apa, wo zozo' un awakku iwéhéla i la'ungen, taan sa ni aku zéi'kan rumaraaté sé tou walina, péléng niana én zéi'kan siapa torona.


U rumaraaté itii én zéi'kan mazéi'. Taan un tatambér u makawawa i mahkua wia sé tou a méikuamé ni Opo Empung é mazéi'. Téntu kangkasii un tatambér u makawawa i mahnuwu' karia a nunuwu'en un akaz uman si Roh Lenas si mata'u ung kalakoan niitu é mazéi'. Wo un tatambér i lakez ang kata'uan é mazéi'.


Téntu kasii sé tou mahwoka' a méikuamé ni Opo Empung. Tawimo im wia ni séra, sé zua kaapa telu tou sé mahkua wia sé tou a méikuamé ni Opo Empung wia ni séra wo pahtata'un né walina an ipahkua itii, ulit kaapa zéi'kan.


Niitumo, katuari-katuariku, mahtututu'la wo kamu makailek un tatambér mahkua a méikuamé ni Opo Empung. Tia' pahséro'en niou sé tou tinambéran u makawawa i mahnuwu' karia u nunuwu'en un akaz uman si Roh Lenas si mata'u.


Wo si tou tinambéran u makawawa i mahnuwu' karia a nunuwu'en un akaz uman si Roh Lenas si mata'u, ni sia é mahenté' uman un touna. Taan si tou tinambéran u makawawa i mahkua wia sé tou a méikuamé ni Opo Empung wia ni sia, ni sia é mahenté' um pa'émanen né jamaat.


Totoz wéhan nioula genang! Ikuakuma wia ni kamu u méiwunipé' in téntii: zéi'kan péléng sé tou é maté, taan péléng sé tou é mawalinan.


Si tou zéi'kan rumaraaté si Mahpiara é makailek un epa'. Maranata, ung kalakoana, “Méyémo o Mahpiara!”


Kapaazku ni kamu mahgenangla i ni kai én ata ni Kristus, sé winéhan um paayangen i mahtuzu' ang ginenang ni Opo Empung an zéi'kampé' kata'uan né tou wia ung kaayahan.


Pahpaan sinunat kaapa zéi'kan sinunat én zéi'kan siapa torona. Um wéwéhan torona é mahkiit a méiperénta ni Opo Empung.


In tarékan ni aku é mingkot am peligauen né katuari in téntii, “Toro wé ing kuman a lé'ona mémoiragés wia sé opo-opo?” Tanu ung kata'uantamo, “Zéi'kan siapa sé opo-opo wia ung kaayahan, wo si Opo Empung én esa uman, zéi'kan siapa walina.”


Ni aku é nimalemouola pahpaan ni kamu sé nimangun ni aku nimaténtu. Un ulitna, ni aku si totoz loozen niou. Pahpaan zozo' wéwéhan sé mahkua ni aku in zéi'kan siapa torona, taan im wana am péléng, sé aatu towo itii én zéi'kan lumousé ni aku.


Um pahkukuakuma wia ni kamu én téntii: Ung katou-touan niou é mahkiitla um paaz ni Roh Lenas, karia in téntu ni kamu én zéi'kan kumiit u lelo un awak i mahwangun a léwo'.


Taan sé tou mahkiit um paaz ni Roh Lenas é mahwangun ang kenu: rumaraaté, mahpaa-paaz, mahlé'o-lé'osan, ezen, lé'os uman, paaz mahsawang si kasuat tou, enté' witu um pa'émanen,


Pahpaan sa si tou mahgenangla i ni sia é lumousé sé tou walina, taan ndéén zéi'kan, ni sia é mahtowomo witu un touna in esa.


Um pinantik kenu im baca nioua én toro kata'uan niou ung kinatulapangkumola u méikawunipé' tumoro si Kristus,


Ipengaléipé' kasiimé ni aku wo ni aku i mahnuwu' wia sé tou, si Opo Empung é mahwéhémé u nunuwu'en ulit wia ni aku, wo zéi'kan maindé' i mahwoka' u Nuwu' Lé'os tumoro si Yesus a méikawunipé' im wia ni séra.


Niitumo u méiwunipé' ni Opo Empung wia sé tou pinaatusan ta'uno wo pinahpuyunano, taan in tarékan é mémoipapata'u wia sé tou sé linenas-Na.


Totoz ulit an tutuzu' ulit ni Opo Empung é mémoipapailek-Na witu um pa'émanenta karia ung kawangko'an-Na: “Ni Sia é nimapailek un tou-Na tanu in tou uman, kinua in ulit ni Roh ni Opo Empung wo nimapailek un tou-Na wia sé malaekat. Tumoro ni Sia é méiwoka' wia péléng sé tahsasana wanua. Ni Sia ém pa'émanen im wia ung kaayahan wo winénéta mangé witi kasendukan karia u sigi' wo looz.”


Séi si zéi'kan rumaraaté, ni sia én zéi'kan mata'u si Opo Empung, pahpaan si Opo Empung é rumaraaté.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ