1 Korintus 11:3 - Taaz Weru Witu u Nunuwu'en Tombulu

³ Taan kapaazku ni kamu é mata'u un téntii: si Tonaas ni tuama é si Kristus wo si tonaas ni wéwéné é si tuama, wo si Tonaas ni Kristus é si Opo Empung.

1 Korintus 11:3 ပူးပေါင်းရင်းမြစ်များ

Matius 28:18

A si Yesus rumétéla ni séra ang kumuama, “Péléng ang kawasa witi kasendukan wo wia ung kaayahan é mémoiwéhé wia ni Aku.

Yohanes 14:28

Ni kamu én timalingamo ni Aku ing kimua wia ni kamu: ni Aku é mangé, taan ni Aku é méyé sumaup wia ni kamu. Sa ni kamu rumaraaté ni Aku, tantumo ni kamu é mahpaa-paaz pahpaan ni Aku é mangé wia si Ama'-Ku, pahpaan si Ama' é lumouspé'mé ni Aku.

1 Korintus 3:23

Taan ni ko én anu ni Kristus wo si Kristus én anu ni Opo Empung.

Efesus 4:15

Taan, karia i nimenté' in timion an tutuzu' ulit pahpaan i mahraa-raatéan, ni kita im wana am péléng kauréna éng kalekepna tanu si Kristus, ni Siamo si nimaéndo tanu un Ulu wia ni kita.

Kolose 1:18

Ni Sia én ulu wo sé jamaat én awak. Ni Sia si kataré-taré wo ni Sia si puuna méitoumé ni Opo Empung im wia sé nimaté, niitumo ni Sia si ipahpuu-puuna im wana péléng am péléng.

Kolose 2:10

Wo pahpaan i nimaesamo karia ni Kristus, ni kamu ém winéhan ung katou-touan nimawutul. Ni Siamo si tonaas péleng né roh sé mahpeperénta wo sé mahkakawasa.

Kolose 2:19

Ni séra kangkasii én zéi'mo mahkiit un tutuzu' ni Kristus si tanu ulu im witu un awak, wo un awak é sé tou-Na. Am witu un awak itii ém pahtu'tul-Na wo péléng nimaesa, tanu sé tou-Na in zéi'kan mata'u matampasan. Karia in téntu, kuramo un awak mahtu'amé mengiit ung kapaaz ni Opo Empung, téntumo um pa'émanen niou im wia si Opo Empung éng kaenté'na.

Kolose 3:18

É kamu im wéwéné makamahayo, mahtali-talingala wia si mahayomu, téntu ung kapaaz ni Mahpiara.

1 Petrus 3:1

Téntu kangkasii isésakuma wia ni kamu sé wéwéné makamahayo, ni kamu é léwo'zéi' i mahtali-talinga wia si mahayo niou si esa wo si esa. Karia in téntu, sa wéwéhan si mahayo zéi'kan ma'éman, maan ni séra zéi'kan nuwu'an nioula, ni séra é ma'éman u Nuwu' ni Opo Empung pahpaan i mahileka am pahwangunen niou.