1 Korintus 10:7 - Taaz Weru Witu u Nunuwu'en Tombulu

⁷ wo kita zéi'kan mahongkot wia sé opo-opo, tanu am pahwangunen né woopira sé wia ni séra. Witu um Pinantik Lenas é méipantik in téntii, “Sé tou itii, rimumez mahkan wo mahelep mahwali-wali, a séra rumendaié wo mahpaa-paaz.”

1 Korintus 10:7 ပူးပေါင်းရင်းမြစ်များ

Kisah Rasul-rasul 15:20

Taan ni kita é léwo'zéi' i mantika um pinantik iwéhé wia ni séra, wo séra tia' mahkan ang kakanen a mémoiragés wia sé opo-opo, mahseza' a lé'ona né binatang nimaté ing kinezangan wo un zaha'. Ni séra kasii én zéi'kan toro mahsamek.

1 Korintus 10:14

Pahpaano niitu, katuari-katuari ikararaatéku, tia' kamu mahongkot wia sé opo-opo!

1 Korintus 5:11

Ung kalakoan a méikuaku itii én tia' mahkari-karia sé tou mahkua ing katuari esa pa'émanen, taan ni sia é mahsamek, kaapa ni sia én angkum, kaapa mahsigi' sé opo-opo, kaapa mahtawuruk sé tou walina, kaapa matetewelen, kaapa tantowo. Maan i mahkan mahwali-wali karia néra én tia'.

1 Korintus 6:9

Kaapa zéi'kan kata'uan niou wé, i sé tou zéi'kan ulit én zéi'kan iwéhé ni Opo Empung i maéndo tou witi Kakolanoan-Na? Tia' kamu ikalulu! Sé tou: memua-muali a sinéro' im pahmualin né zéi'kampé' kimawéng, mahsigi' sé opo-opo, samek, sé tuama mahsamek karia né katuama néra, sé mahwangun a makaizangen wia sé kasuat néra,

1 Korintus 8:7

Maan in téntu, zéi'kan péléng sé tou ma'éman é mata'u sa sé opo-opo itii én zéi'kan siapa torona. Wéwéhan sé tou im puuna é mahongkot wia sé opo-opo taan in tarékan ma'émano wia si Yesus. Taan makaz in tarékan ni séra mahgenangpé' sa a lé'ona mémoiragés wia sé opo-opo, niitu éng kakanen né opo-opo. Sa séra kumanla niitu, witu ung genang néra, ni séra é nimangunola a singkéla', pahpaan ni séra é ma'émanpé' wia sé opo-opo wo um pa'émanen néra wia si Yesus én zéi'kampé' enté'.

1 Yohanes 5:21

É kamu in oki'ku, zumou'la im wia péléng sé opo-opo.