ZEFANYA 3:4 - WUKE SUSI WATTI'U AL᷊AL᷊USASSA

⁴ Manga nabine tawe apendamma mandiaga wuṛṛu tawe apangimananna; manga iman mandal᷊eo apa apan niṛṛae su Mawu wuṛṛu mammal᷊elongngu manga titan Duata ipaddea'a auntunganni mangitou sassane.

ZEFANYA 3:4 ပူးပေါင်းရင်းမြစ်များ

YESAYA 9:15

Manga piaṛṛa'u walahannu udde buatte nangal᷊iwu wuṛṛu nanongkakku tumana'u soa.

YEREMIA 23:32

I Ya'u, Mawu, sarun mando'appa manga nabi apan mammasingkattu manga wal᷊iawane apan napenen awusu. I mangitou mangngal᷊iwun uma-U ringannu awusu wuṛṛu wawahia mangitou. I Ya'u tawe nandolokku manga nabi udde. I mangitou mangke tawe gunane su uma-U. I Ya'u, Mawu, buatte nabbisara.”

YEREMIA 5:31

manga nabi mangngawusu, manga imam mangngimbe tumuṛṛuttu apulun naungnge sassane wuṛṛu i yamiu uma-U mappulun inolaanna udde. Arawe apa apan sarun olaanni yamiu napawe nia'omante allo panginsueanne?”

YEREMIA 8:10

Ana waugu udde i Ya'u sarun mangonggollu wailla su manga mawun leta'a waine, wuṛṛu awingngi mangitou su taumata waine. I mangitou sarangkanambone, wahewalla addio'a, maddea'a auntungnganna ringannu lal᷊anne mammahia. Ewe'e lai manga nabi wuṛṛu imam mangngawusu taumata.

LAL᷊ALLU 2:14

Apan niapasingkattu manga nabi si'o, tumba'u aawusu wuṛṛu wawahia sassane. I mangitou taambe naasi'attu rosanu, na'oman sara ana waugu udde i'o maddiri mawal᷊u. Nawal᷊i'a i mangitou tumba'u mammasingkatta si'o manga wisara awusu apan maasarootta.

YEHEZKIEL 22:26

Manga imam Israel nilumawangnga manga tita-U wuṛṛu nalluhudda manga saranapa apan niṛṛa'e si Ya'u. I mangitou waggate ma'ellega suapa apan botongnge wuṛṛu apa apan isassingadda. Wuṛṛu lai i mangitou tawe mangaṛṛa'a tumanangnge tadea'u masingkatta ma'ellega suapa apan baresi wuṛṛu suapa apan dal᷊eo tumuṛṛuttu atorannu agama. I mangitou tate mangareggan allon Sabat. Ringannu aroddi i Ya'u nilobbosannu walahannu Israel.

YEHEZKIEL 22:6

Anambon piaṛṛa'u Israel mangngasakku atatohanne sassane wuṛṛu ma'ola'a pamamate.

YEHEZKIEL 44:23

Manga imam ṛinone mangaṛṛa'a uma-U tadea'u masingkatta mapaparala suapa apan niṛṛae si Ya'u wuṛṛu suapa tawe, suapa apan waresi tumuṛṛutu agama wuṛṛu suapa apan dal᷊eo.

HOSEA 9:7

Nia'omante pallaṛṛuumanna, tempo ipanengkamma wawal᷊issa wuassu al᷊awo'u inolaanna. Israel sarun mamendamma udde! I yamiu mabbisara, “Nabi apan tataṛṛinoannu ghaṛṛaho indi longonna! Nabbewate ito!” I yamiu mabbisara aroddi ana waugu i yamiu mabbinsi atonna si ya'u wuṛṛu rosanu tumaniten wahewalla.

MIKHA 2:11

I yamiu mappandumma nabi apan apulune mammahia wuṛṛu mallinga see mammasingkatta manungku i yamiu sarun maatahuanna anggore wuṛṛu ua'e apan maawu'anna nilumambalanna.”

MIKHA 3:11

Manga tembonannu soa mammarenta ringannu maasomba roitta aonggolla, manga imam mangngaṛṛa'u titan Mawu tadea'u maasomba lal᷊antakke, wuṛṛu manga nabi maddorongnga tatantiro wuassu Ruata tadea'u maasomba roitta – ana see i mangitou sarangkanambone massunna manungku Mawu uasamba'a si mangitou. I mangitou nabbisara, “Mawu udde su pattangnganni ite; i ite sarun tawe aṛṛiannu asasilaka.”

MALEAKHI 1:6

Mawu Apan Lembontaṛṛino nabbisara su manga imam, “Sangkatou ana'a mangngaddatta iamangnge, wuṛṛu sangkatou mangangimbe mangngaddatta mawune. I Ya'u indi Iamangngu; anio i yamiu tawe mangaddatta si Ya'u? I Ya'u indi Tuangngu; anio i yamiu tawe mata'u-U? I yamiu mallobbossa si Ya'u, arawe i yamiu ma'iwal᷊o, ‘Ringannu olangnge ereapa i yami mallobbossa Si'o?’

MALEAKHI 2:7

Atonna manaran manga imam mangngaṛṛa'u apan naṛṛino su ola'i Ya'u, Mawu Apan Atanggaṛṛanne. Ete si mangitou tumanangnge ṛinone maiwal᷊o apa apan ipaapullu-U, ana waugu i mangitou udde daroloṛṛang-Ku.

MALEAKHI 2:8

Arawe orassa indi, i yamiu, manga imam, buatte nanewadda wuassu lal᷊anna apan naṛṛino. Manga al᷊aṛṛangngu buatte namol᷊engnga manambo taumata ma'ola'a pasasal᷊a. I yamiu buatte nanggohakka paaire apan Ta'u niola'a ringanni yamiu.

MATIUS 7:15

“Paatehamma su manga nabi awusu. I mangitou nirumanta ringanni yamiu, lihide ere domba, arawe i mangitou ṛinone ere serigala apan mal᷊aṛṛaga.

2 KORINTUS 11:13

Manga taumata ere udde, uddewe rasul awusu. I mangitou mammamanara mangngawusu taumata wuṛṛu mattingkaola'a naal᷊ihida ere manga rasul wuassi Kristus.

1 YOHANES 4:1

Manga tuṛṛangnga apan arangnguanna! Arie pangimanna anambon taumata apan mangnga'u Ghaṛṛahon Duata, arawe annama'a asuene i mangitou tanne ghaṛṛaho mangitou udde niarantanne wuassu Ruata ara'e tawe. Ana waugu manambonabi awusu apan u'amatta su al᷊awo'u tampa.

SONDAPPA 19:20

Ne winatangnga udde niasametta suadio'a ringannu nabi awusu apan suete na'ola'a manga al᷊aṛṛindu'a su saruannu winatangnga udde. (Ringannu manga al᷊aṛṛindu'a uddewe winatangnga udde nangawusu manga taumata apan uatahuanna tatialam binatangnga udde, wuṛṛu manga taumata apan massubba paal᷊uannu winatangnga udde.) See winatangnga udde wuṛṛu nabi awusu udde niramme ta'e wiakka sulal᷊ummu tahal᷊oangngu putungnga apan lukkenggama ringannu belerangnga.

MAL᷊AṚṚUUNGNGA 9:4

Wua'udde i mangitou nangonggolu pitu pul᷊o roitta sal᷊a'a apan nianu wuassu wal᷊en passubbanna su Baal-Berit. Ringannu roitta udde i Abimelekh nanewa sangkammul᷊anna manga taumata taṛṛa wawul᷊o maammulla ringanni tou,

1 SAMUEL 2:22

I Eli timmadete atonna. I tou sidutu ma aringikka aalae su ola'u pallal᷊aghu al᷊aṛṛanangnge su saruannu taumatan Israel. I Eli lai masingkatta manungku al᷊aṛṛanangnge udde mattiilla ringannu manga wawine apan mammanara su ngaran Dasanna Darantan Mawu.