ZEFANYA 3:17 - WUKE SUSI WATTI'U AL᷊AL᷊USASSA

¹⁷ I yamiu lal᷊u'arannu Mawu Ruatannu apan matohassa. I yamiu naauntungnga ana waugu taṛṛino-Ne. Mawu lullassa wuṛṛu lullala'a ana waugu i yamiu, sulal᷊ummu darangngu-Ne i yamiu mabbiakka wakku. Ana waugu i yamiu, i Tou mangngantari lulluassa.

ZEFANYA 3:17 ပူးပေါင်းရင်းမြစ်များ

PANDARIADDI 1:31

Ruata na'ellega al᷊awo'a apan buatte niolang-Nge udde, wuṛṛu i Tou tumaniten mal᷊uassa. Ṛabbi nal᷊iudda wuṛṛu marua allote. Eteudde allo aiannumme.

PANDARIADDI 17:1

Napawe i Abram uukke sioten pul᷊o sio su tonnane, Mawu naipasilon batanganne si tou wuṛṛu nabbisara, “Ete i Ya'u Ruata Apan Lembontaṛṛino. Paatuṛṛutte si Ya'u wuṛṛu sidutu pa'ola'e apulu-U.

PANDARIADDI 18:14

Apa piadu sambau apan maatiangnga su Mawu? Ere buatte niwisara'u tanginna, sio wul᷊anna lai ya'u sarun mabelengnga isindi. Wuṛṛu su tempo udde i Sara sarun manungkangngu ana'a esakka.”

PANDARIADDI 2:2

Su allo appitune Ruata suete nanginsue manara-Ne udde, ana see i Tou nangillol᷊ote.

DARALO 147:11

Mawu mal᷊uassa su taumata apan ma'imanna, su taumata apan sidutu mangngantimma darangngu-Ne.

DARALO 149:4

Mawu maapulun al᷊aṛṛanang-Nge; i Tou nangonggolu auntunganna su taumata apan naungnge mawawo.

DARALO 78:65

Ne Mawu dirumarisikke ere taumata napu'o wua natiilla, naal᷊ihidda taumata matohassa wua na'inumma anggore.

YESAYA 12:2

Atonna, Ruata udde Mananal᷊ama'u, i Ya'u mangngimanna si Tou. I Ya'u tawe mata'utta, ana waugu i Tou mannohassa si ya'u. Mananal᷊ama'u uddewe Ruata, ete si tou i ya'u mangngantari.

YESAYA 12:6

Paggiote ei manga tumana'u Sion, pangantarite ringannu lulluassa. Ruata na'ukassu Israel mangke mawantuga, i Tou uatana'a su pattangnganni yamiu.”

YESAYA 18:4

Mawu nabbisara si ya'u, “Wuassu atatanaang-Ku al᷊iurosone, i Ya'u sarun mangintanno inawa ringannu matammudda wuṛṛu matilangnga, ere atatammuddu wal᷊angngukka apan naola'a sutempo ṛabbi apan masal᷊ihangnga sutempon pangangitingnga, wuṛṛu ere asemakku matannallo sutempo allo.

YESAYA 63:1

“Isaite i tou apan nirumanta wuassu Bozra su Edom? laungnge maṛṛamu, peddenne maṛṛamaga; i tou u'amatta ringannu waṛṛani matohassa.” “Ete i Ya'u Mawu apan botongnge manal᷊amatta wuṛṛu nirumanta ringannu uaapiddu watti'u auntunganna.”

YESAYA 63:12

Suapate Mawu apan uaringanna si Musa ringannu lima-Ne apan tumanite matohassa, wuṛṛu nama'a ua'e su saruanni mangitou tadea'u aran-Ne tumelengnga sarangkal᷊o'enge?

YESAYA 65:19

I Ya'u sassane sarun lumuassa ana waugu Yerusalem, wuṛṛu lumala'a ana waugu tumanangnge. Su soa udde tate lai lal᷊uai, wuṛṛu tate lai aintul᷊i ma'iontolla.

YESAYA 9:6

I Tou mamarenta maola'a sangkatou ratu papulunni Daud, taṛṛinone tumaniten bahewalla. Wanuane sidutu su paddarame wuṛṛu su lal᷊umanna'a; pamamarentane nirapappakka su tita wuṛṛu atatul᷊idda orassa indi maddatingngu mal᷊annu-l᷊annu. Mawu Apan Lembontaṛṛino sarun manuungngu udde.

YEREMIA 32:41

I Ya'u sarun mal᷊uassa ma'ola'a apapia si mangitou, wuṛṛu ma'ola'a si mangitou matatana'a su wanua indi saran mal᷊annu-l᷊annu.

HOSEA 14:4

Asyur tawe mapanal᷊amatta si yami, wuṛṛu awal᷊on pangalo tawe maaontolla si yami. I yami tate lai maggahatton manga paal᷊uanna apan niola'i yami sassane manungku i mangitou Ruatan kami. Oh Mawu, I'o niumakkannu manga taumata apan tawe uatahuanna sisai-sai apan wotongnge ipangasakki mangitou.”

YOEL 2:21

Arie paata'utta, ei wawail᷊ainna, paal᷊uasse naungngu; naungete inolaanna wahewalla apan manarannu Mawu si'o!

ZEFANYA 3:15

Ana waugu Mawu nangillol᷊ote makkuumanni yamiu; i Tou buatte nallimbuakka al᷊awo'u seennu. I yamiu lal᷊u'arannu ratun Israel, Mawunu sassane. Orassa indi i yamiu ariete mata'utta apia.

ZEFANYA 3:5

Arawe Mawu ta'e su soa udde; i Tou sidutu ma'ola'a apapia wuṛṛu taweddu massal᷊a. Suapan marua allo i Tou sarun mangonggollu atatul᷊idda su uman-Ne. Arawe, taumata apan tawe maaillal᷊a atatul᷊idda su soa udde sidutu ma'ola'a al᷊al᷊eo ringannu tawe masili.

REENGANNA 14:8

Amungkangngu Mawu mamalan kite, i Tou sarun mangapiddi ite poiaroddi wuṛṛu mangonggolu leta'a apan ala wuṛṛu masuwukka udde si ite.

LUKAS 15:32

Arawe i ite sarun ma'andeangnga wuṛṛu lumuassa ana waugu tuarinu udde natete, arawe orassa indi nabbiakke apia; i tou nawul᷊ite, arawe orassa indi nawelengke apia.’ ”

YOHANES 13:1

Allo massallo tantal᷊anna taambe nia'omanna Allo Wahewam Paskah, Mawu Yesus naasingkatte manungku temponete i Tou manantangngu runia indi mabelengnga ringannu Iamang-Nge. I Tou mandangngu manga taumata apan tatahuanan-Ne su runia, wuṛṛu i Tou sidutu mandangngu si mangitou ma'oman sara panginsueanne.

YOHANES 15:11

Sarangkanambone indi Ta'u iapaasingkatta si yamiu, tadea'u al᷊al᷊ua-U mangke pia sulal᷊ummu naungngu, wuṛṛu al᷊al᷊uannu maola'a masuungnga.

TAHIUL᷊E 23:15

“Amungkangngu sangkatou allangnga nassal᷊iu nanantangngu mawune ana see rumanta ringanni yamiu maiontolla, arie mandollokki tou iapapul᷊e.

TAHIUL᷊E 30:9

Mawu Ruatanu sarun ma'ola'a inasaharannu mangke mahessi; yamiu sarun maatahuanna anna manambo, wuṛṛu winatangnga apan manambo; manga wawail᷊annu sarun mangonggolu hessine manambo-nambo. Mawu ringannu naungnga mal᷊uassa ma'ola'a si yamiu ala, ere lai i Tou mal᷊uassa nangonggolu pa'a'ala su iupungngu al᷊amonanu.

IBRANI 7:25

Ana waugu udde saran mal᷊annu-l᷊annu Mawu Yesus wotongnge manal᷊amatta manga taumata apan nirumanta ringannu Ruata sulal᷊ummi Tou, ana waugu i Tou mabbiakka saran mal᷊annu-l᷊annu ipangapiddu sasal᷊ande su Ruata, hunane su manga taumata udde.