YOSUA 22:27 - WUKE SUSI WATTI'U AL᷊AL᷊USASSA

²⁷ arawe udde maola'a tatiala si ite ruan ba'a, wuṛṛu su papapulunni ite su allo addantane, manungku atonna yami indi mattaṛṛamawu Mawu su Rasannu Daranta-Ne ringannu uaapiddu sasamba itattambunna, manga sasamba wuṛṛu sasamba pagahahawe. Ringannu aroddi papapulunni yamiu tawe mabbisara manungku papapulunni yami tawe pa'a'aukku ringannu Mawu.

YOSUA 22:27 ပူးပေါင်းရင်းမြစ်များ

YOSUA 24:27

Wua'udde i Yosua nabbisarate anambon taumata udde, “Watu indi maola'a tialan kite. Anambon bisara apan niwisaran Mawu si ite, buatte niwisara su saruannu watu indi. Nariadi ete watu indi apan maola'a tiala su saruanni yamiu, mapaanaungngi yamiu tadea'u tawe lumawanna Ruatanu.”

PANDARIADDI 31:48

Unnu i Laban si Yakub, “Ombon batu indi sarun maola'a pananaunganna siaddua.” Ana waugu udde tampa udde nissago Galed.

YOSUA 22:34

Panginsueanne ṛuanganni Ruben wuṛṛu i Gad udde nabbisara, “Meddan sasamba indi maola'a tatialan kite sarangkanambone manungku Mawu eteudde Mawu Ruata.” Ne i mangitou nanagon mezbah udde “Tatiala”.

TAHIUL᷊E 12:11

Wua'udde Mawu Ruatanu sarun mamile sambau tampa suapa i Tou ṛinone subbanna. Ete isudde i yamiu ṛinone inai mangapiddu al᷊awo'a apan buatte niparenta, eteudde sasamba itattambunna wuṛṛu manga sasamba waine, sasamba sepere mapul᷊o wuassu inasaharannu wuṛṛu sasamba al᷊aṛṛaene apan buatte nipa'irenu su Mawu.

1 SAMUEL 7:12

Wua'udde i Samuel napararisikku sambau watu, su passarannu Mizpa wuṛṛu Sen. I tou nabbisara, “Mawu buatte nantul᷊ungngi ite sarangakanambone.” – ana see watu udde nissagone “Watun Tatul᷊ungnga.”

YOSUA 22:10

Su tempo ṛuanganni Ruben, i Gad, wuṛṛu ṛuanganni Manasye su samba'an ra'in Sal᷊ukku Yordan udde na'omate su Gelilot – ta'e su samba'an baṛṛatu Sal᷊ukku Yordan – i mangitou napararisikku sambau mezbah apan bahewalla wuṛṛu maṛṛansanga maranin sal᷊ukka.

PANDARIADDI 31:52

Mawae ombone indi, ara'e watu pananaunganna udde mapaanaungnga si ite manungku i ya'u tawe wotongnge malliu ombone indi inai mamangalo si'o, wuṛṛu i'o lai tawe wotongnge malliu ombone indi inai mamangalo si ya'u.

YOSUA 22:26

Nariaddi, yami napararisikku mezbah, wal᷊ine ipa'ola'a sasamba itattambunna ara'e maola'a sasambang kami,

YOSUA 22:28

Nariaddi, pandumanni yami eteudde: unnu wisara papapulunni yamiu mabbisara aroddi, ne papapulunni yami wotongnge mabbisara, ‘Pa'ellega mezbah udde! Iupungngu al᷊amonan kami napararisikku sambau mezbah apan uasul᷊ungngu mezbah Mawu, wal᷊ine ipaatta su sasamba itattambunna ara'e aonggola, arawe udde maola'a sambau tatiala si ite ruan ba'a.’

DARALO 16:5

Mawu, tumba'u I'o tatahuanangku; I'o nangonggolu sarangkanambone apan pappandumangku, wia'u tumba'u sulal᷊ummu lima-Nu.

YESAYA 19:19

Sutempo udde su al᷊imboi banua Mesir sarun pia sambau mezbah Mawu, wuṛṛu su passaranne sambau diṛṛi watu apan niṛṛae hunan Mawu.