YOHANES 6:6 - WUKE SUSI WATTI'U AL᷊AL᷊USASSA

⁶ Mawu Yesus masingkatte apa apan sarun olaan-Ne, arawe i Tou nabbisara aroddi ana waugu i Tou ma'apulu maannamma si Filipus.)

YOHANES 6:6 ပူးပေါင်းရင်းမြစ်များ

PANDARIADDI 22:1

Manga pira tempo wua'udde Ruata na'annamma tatuṛṛutti Abraham. Ruata namaggo, “I Abraham!” Ana see i Abraham sinumimbakka, “I ya'u, Mawu.”

2 TAWARIKH 32:31

Wuṛṛu sutempo manga daroloṛṛanna wuassu Babel nirumanta naiwal᷊o si tou su ola'u apapiane apan maatiangnga, Mawu namalan Hizkia mangatokka sassane, tadea'u wotongnge manaṛṛassidda naungnge.

2 KORINTUS 13:5

Annama'o i yamiu maannammu watanganni yamiu sassane, apa i yamiu atonna-tonna mabbiakka ana waugu mangngimanna si Kristus! I yamiu sarun maatutukka manungku Kristus Yesus udde sulal᷊ummu naungngi yamiu! – waine lai olangnge amungkangngu i yamiu tawe mangngimanna atonna-tonna.

TAHIUL᷊E 13:3

imbaṛṛangnga ma'ellega si tou. Mawu Ruatanu nappaattu taumata udde ipamono'a si yamiu, ipa'ellega tanne i yamiu atonna-tonna mandangngu Mawu ringannu ahewallu naungngu ara'e tawe.

TAHIUL᷊E 33:8

Su ṛuanganni Lewi i tou nabbisara: “Ringannu Urim wuṛṛu Tumim, I'o mapal᷊iatta'u apulu-Nu, su taumatan Lewi, allang-Ngu apan matuṛṛutta. I'o buatte namono'a si mangitou su Masa, wuṛṛu uatatiakki mangitou su al᷊imatan ua'e su Meriba.

TAHIUL᷊E 8:16

Su wadda'a i Tou nangonggolu manna maola'a pabbawiakku, anna apan awaganannu iupungngu al᷊amonanu. Mawu na'ola'a udde tadea'u iapaannama si yamiu wuṛṛu ipamawo naungngu, tadea'u panginsueanne i Tou wotongnge ma'ola'a apapia si yamiu.

TAHIUL᷊E 8:2

Paanaungete! Appatu pul᷊o su tonnane al᷊annune Mawu Ruatanu uapiaṛṛa'i yamiu sulal᷊ummu amatanna marau sumabbi wadda'a. Amamatta udde pandumanne pa'annamannu Mawu si yamiu, tadea'u i Tou wotongnge maasilo apa apan uaraddo sulal᷊ummu naungngu wuṛṛu tanne i yamiu sarun tumuṛṛutta manga parenta-Ne.

SONDAPPA 2:2

I Ya'u masingkatu apa apan a'olaanni yamiu: I yamiu mammanara maṛṛimadda wuṛṛu yamiu matammuda atonna. I Ya'u masingkata manungku i yamiu tawe mangonggolu naungnga su taumata lal᷊eo. Wuṛṛu manga taumata mangnga'u watanganne rasul, wutte'e wal᷊ine, suete niannamanni yamiu wuṛṛu niasombanganni yamiu, manungku i mangitou taṛṛa awusu.