YOHANES 5:39 - WUKE SUSI WATTI'U AL᷊AL᷊USASSA

³⁹ I yamiu mangngurumma Wuke Susi ana waugu mangngantimma manungku ringannu olangnge udde i yamiu maatahuanna wiakka tutune wuṛṛu saran mal᷊annu-l᷊annu. Wuṛṛu Wuke Susi udde sassane mattiala su ola'u riri-U.

YOHANES 5:39 ပူးပေါင်းရင်းမြစ်များ

DARALO 1:2

arawe apan sidutu tuttuṛṛuta Parentan Mawu wuṛṛu mangke nanaunganna allo ṛabbi.

DARALO 119:11

Al᷊aṛṛanang-Ngu ta'u sahipunanna sulal᷊ummu naungku, tadea'u i ya'u tawe marosa su saruan-Nu.

DARALO 133:3

Ara'e naal᷊ihidda angngukku Wowon Hermon, apan nangelekka watukku Wuiddu Sion. Ete poiaroddi Mawu nanossokku al᷊aman-Ne, ipabbiakka saran mal᷊annu-l᷊annu.

DARALO 16:11

I'o namantingiddu lal᷊anna si ya'u mattuddan asasal᷊amatta; ete wuassu Mawu i ya'u naasomba al᷊al᷊uassa apan nangillembo wuṛṛu lal᷊umanna'a saran mal᷊annu-l᷊annu.

DARALO 21:4

I'o nirumanta ringanni tou uaapiddu al᷊amatta manambo, wuṛṛu nalluṛen araposa wul᷊awanna su puane.

DARALO 36:9

I mangitou nal᷊aiddu anna su Wal᷊en-Nu, ringannu ua'e wuassu sal᷊ukku Mawu apan maatohassa.

AMSAL 6:23

Manga tatantiron hagurangngu naal᷊ihidda sol᷊o apan masemakka; tataghun mangitou mannantiro si'o su lal᷊annu pabbiaṛṛanna apan mapia.

YESAYA 34:16

Paddea'e wuṛṛu pabbasate sulal᷊ummu Buken Mawu: Tawe saran sambau wuassu anambon riaddianna udde mawul᷊i ara'e tawe parene. Ana waugu etearoddi parentan Mawu, wuṛṛu ete i Tou sassane apan buatte nangammulli mangitou.

YESAYA 8:20

Simbakke arendi, “Paddaringikke al᷊aṛṛa'u Mawu! Taumata apan tawe mabbisara uasul᷊ungngu al᷊aṛṛa'a udde, tawe antimma.”

YEREMIA 8:9

Manga mapapande suwallatti yamiu sarun pansilianna. I mangitou sarun awul᷊iannu ṛingidda wuṛṛu asametanna. I mangitou maddiri manengkamma tatantiro-U; orassa indi, asingkatta apa apan ta'e pia si mangitou?

DANIEL 12:2

Manambo suwallatti mangitou apan natete sarun tate mabbiakka apia; sambageanganna lai sarun aṛṛiaannu asasusa wuṛṛu atata'utta saran mal᷊annu-l᷊annu lai.

MATIUS 22:29

Mawu Yesus sinumimbakka, “I yamiu nial᷊iwune, ana waugu i yamiu tawe maasunna Wuke Susi, wuṛṛu taṛṛinon Ruata.

MARKUS 10:3

Mawu Yesus sinumimbakka, “I Musa nangagillu parenta apa si yamiu?”

MARKUS 12:10

I yamiu asinungka suete naawasa addoanne sulal᷊ummu Wuke Susi, ‘Watu apan tawe ipaattu manga maaola'a wal᷊e naola'e watu apan paarorone.

LUKAS 16:29

I Abraham sinumimbakka, ‘I mangitou lai piate manga wuke Musa wuṛṛu wuke manga nabi! Wala'e i mangitou tumuṛṛutta apa apan uawoṛṛetta sulal᷊ummu manga wuke udde!’

LUKAS 16:31

Arawe i Abraham sinumimbakka, ‘Amungkangngu i mangitou maddiri madaringikka tita Musa wuṛṛu manga nabi, atonna-tonna i mangitou tawe mangngimanna lai, salaiwe pia taumata nate mabbiakka apia.’ ”

LUKAS 24:25

See Mawu Yesus nabbisara si mangitou, “I yamiu woddo atonna! Tumanite mal᷊iwue i yamiu mangngimanna anambon apa apan suete niapasingkattu manga nabi!

LUKAS 24:27

Wua'udde Mawu Yesus nanal᷊aate si mangitou apa apan uawoṛṛetta sulal᷊ummu Wuke Susi su ola'u wadang-Nge, manattakka wuassu wuke Musa wuṛṛu wuke manga nabi.

LUKAS 24:44

Wua'udde i Tou nabbisara si mangitou, “Ete indi manga inolaanna apan suete Ta'u niwal᷊o si yamiu su tempo i Ya'u ta'e su sambau ringanni yamiu manungku manga inolaanna apan uawoṛṛetta matataṛṛino si Ya'u sulal᷊ummu manga wuke Musa, Manga Nabi, wuṛṛu Mazmur, ṛinone matipussa.”

YOHANES 1:45

I Filipus nassomba Natanael wuṛṛu nabbisara si tou, “Yami suete nassomban taumata apan iwabal᷊o Musa sulal᷊ummu Wuken Titan Ruata, wuṛṛu niapaasingkattu manga nabi. I Tou eteudde Mawu Yesus wuassu Nazaret ana'i Yusuf.”

YOHANES 5:32

Arawe pia taumata waine apan mangngagillu tatiala su ola'u riri-U, wuṛṛu i Ya'u masingkatta manungku tatialane udde atonna.

YOHANES 5:36

Arawe tatiala-U magewal᷊anna wuassu tatialan Yohanes. Apa apan niola-U orassa indi, eteudde manara apan nianggillu Iamangnga si Ya'u, mattiala manungku Iamangnga suete nandolo-U.

YOHANES 5:40

Arawe i yamiu maddiri rumanta ringang-Ku tadea'u maasomba wiakka apan tawe panguddusanne.

YOHANES 5:46

Unnu wisara i yamiu mangngimanna si Musa, i yamiu sarun mangngimanna lai si Ya'u, ana waugu ete su ola'u riri-U, i tou namoṛṛetta.

YOHANES 7:52

“Apa i'o lai wuassu Galilea?” sasimbakki mangitou, “Pamarikisse Wuke Susi! I'o sarun maasingkatta manungku tawe sangkatou nabi apan asapputanne wuassu Galilea!” [

WATTI'U MANGA RASUL 13:27

ana waugu manga taumata apan uatanaa'a su Yerusalem wuṛṛu manga piaṛṛa'i mangitou tawe maatutukka manungku ete i Tou punnu sal᷊amatta udde. I mangitou tawe maasunna al᷊aṛṛa'u manga nabi apan iwabasa su manga allon Sabatta, na'oman sara i mangitou nakkuumannu Mawu Yesus. Arawe ringannu na'ola'a aroddi, i mangitou napaatipussa manungku apa apan iapaasingkattu manga nabi udde nariaddite.

WATTI'U MANGA RASUL 17:11

Manga taumata su Berea masaṛṛionto'a naungnge wuassu manga taumata su Tesalonika. Ringannu naungnga mal᷊uassa i mangitou madaringikka watti'u Mawu Yesus, wuṛṛu miallo-miallo i mangitou mannaṛṛassida lal᷊oṛṛon Wuke Susi tadea'u maasingkatta tanne al᷊aṛṛa'i Paulus udde atonna.

WATTI'U MANGA RASUL 26:27

Wabantuhanna Tuangnga Agripa, apa i Tuangnga mangngimanna wisara apan niapaasingkattu manga nabi? I ya'u mammendamma Tuangnga lai mangngimanna!”

ROMA 1:2

Watti'u Al᷊al᷊uassa udde buatte nipa'iren Duata su tempo rorone sulal᷊ummu manga nabi-Ne wuṛṛu nawoṛṛette sulal᷊ummu Wuke Susi.

ROMA 3:2

Natantunna manambo auntunganne! Paarorone, ana waugu ete su taumatan Yahudi Ruata nanantillu manga wisaran Duata.

TAHIUL᷊E 18:15

Ewe'e mawal᷊i'a lai waussu walahanni ite sassane sarun mandolokku sangkatou nabi ere i ya'u indi, wuṛṛu i yamiu ṛinone maddaringikka si tou.

TAHIUL᷊E 18:18

Wuassu walahanni mangitou sassane i Ya'u sarun mandolokka inai ringanni mangitou sangkatou nabi ere lai i'o. I Ya'u sarun mamasingkatta si tou apa apan ṛinone iwisarane, ana see i tou sarun mamasingkatta su walahanna udde apa apan Ta'u nirolokka.

TAHIUL᷊E 29:29

Pia manga pira hatto apan iaadappingngu Mawu Ruatan kite; arawe tita-Ne buatte niapal᷊iatta'a si ite, wuṛṛu i ite see papapulunni ite ṛinone tumuṛṛutta saran mal᷊annu-l᷊annu.”

TAHIUL᷊E 32:47

Al᷊aṛṛa'a udde wal᷊inewe manga wisara wawahia, ewe'e udde maawiakka sio. Paatuṛṛutte su anambon parenta udde, tadea'u uukka mal᷊o'engnga su wanua apan tate mal᷊annu lai atanaanni yamiu su samba'an Sal᷊ukku Yordan.”

KOLOSE 3:16

Ṛinone manga al᷊aṛṛa'i Kristus apan napenen al᷊amatta umusippa sulal᷊ummu naungngu. Ṛinone i yamiu uatatantiro wuṛṛu uaaonggolu al᷊aṛṛa'a lembon apianne. Antaria'e Mazmur wuṛṛu manga daralo see manga antarin Saṛṛani; pangantarite hunan Duata ringannu apendamu aadiangkamanna sulal᷊ummu naungngu.

IBRANI 11:16

Arawe nasemakke, manungku i mangitou maapulun sambau soa lembon mapia, eteudde Soa su surga. Ana waugu udde Ruata tawe masili amungkangu i mangitou managone Ruata mangitou, ana waugu Ruata suete nanaddia sambau soa si mangitou.

IBRANI 11:35

Ana waugu mangngimanna, ne manga wawine naasomba apia manga taumatane apan natete. Piaddu lai apan ma'apulu sansaranna ma'oman sara mate, wuṛṛu maddiri ipallosa, ana waugu ma'apulu iapa'awiakka apia su sambau ringannu pabbawiakka apan lembon mapia.

YOSUA 1:8

Wuken tita udde ṛinone masokka iwasanu su al᷊aṛṛana'-U. Wasa'e wuke udde allo wuṛṛu ṛabbi, tadea'u i'o sidutu tuttuṛṛuta manga tita apan uawoṛṛetta sul᷊alumme. Amungkangu i'o tuttuṛṛuta sarangkanambone udde, ne wiakku sarun mal᷊uassa wuṛṛu maaola'a sarangkanambone.

SONDAPPA 19:10

I ya'u nassumaga su saruannu mala'ekatta udde ana waugu nassubba si tou, arawe i tou nabbisara si ya'u, “Arie! Arie passubba si ya'u, passubbate Ruata! Ana waugu i ya'u lai allangnga ere i'o wuṛṛu ere anambon tuṛṛangu apan uaaggasa matohassa su watti'u Mawu Yesus!” Ana waugu ete watti'u Mawu Yesus udde mannantiro manga taumata apan mabatti'u papatta.