YOHANES 11:52 - WUKE SUSI WATTI'U AL᷊AL᷊USASSA

⁵² Wuṛṛu wal᷊ine tumba'u su walahannu Yahudi sassane, arawe hunane lai mangammula wuṛṛu manggemonnu manga al᷊aṛṛana'u Ruata apan uasal᷊iawukka.

YOHANES 11:52 ပူးပေါင်းရင်းမြစ်များ

PANDARIADDI 49:10

I Yehuda sarun mangagassa ta'innu araratuanna, papapalunne sarun mamarenta saran mal᷊annu-l᷊annu. Manga walahanna sarun mangapiddu aonggolla, wuṛṛu umal᷊intudda ringannu uasuṛṛubbawa su saruanne.

DARALO 22:15

Ikka'u nasuete naal᷊ihidda ua'e nabboso, anambon duṛṛi'u napallossa wuassu pabbuuanne, naungku nonossa ere lilinna.

DARALO 22:27

Taumata asiangnga sarun umanna ma'oman sara mal᷊aidda; taumata apan rumanta ringannu Mawu sarun maddalo si Tou. Antimanna i yamiu su lal᷊umanna'a saran mal᷊annu-l᷊annu!

DARALO 72:19

Daralo su aran-Ne apan mawantuga saran mal᷊annu-l᷊annu; antimanna ahewallu runia mapenen awawantu-Ge! Ariaddite aroddi. Amin!

YESAYA 49:18

Pa'ellege wuṛṛu panutudde apan uaoal᷊iwutta si'o, tumana'u soanu naammulle wuṛṛu rumantate ringannu. Ana waugu i Ya'u, Ruata apan biakka, i Ya'u mabbisara, atonna i'o sarun lumuassa ana waugu tumana'u soanu, naal᷊ihidda maawingnga wawine lulluassa ana waugu alaṛṛansangnge.

YESAYA 49:6

Mawu nabbisara si ya'u, “Manara apan ahewal᷊anne uaṛṛaddo si'o, ei allang-Ku; i'o tawe tumba'u mapaapul᷊en tantangngu papapulunni Yakub wuṛṛu mamelengngu awawantugu manga ṛuangannu Israel, arawe Ta'u niola'a lai asasemakku manga walahanna, tadea'u ahewallu runia iapaasal᷊amatta.”

YESAYA 55:5

I yamiu sarun mamaggo manga walahanna waine, wuṛṛu i mangitou sarun dumanta ringanni yamiu, ana waugu i Ya'u, Mawu Ruatanu, Ruata na'ukkassu Israel, ana waugu i Ya'u buatte namantuga si yamiu.”

YESAYA 56:8

Ete arendi wisara Mawu Apan Atanggaṛṛanne apan nanguntuddu Israel napul᷊e wuassu pamamuanganna, “I ya'u sarun mangapiddu manga taumata waine tadea marimpul᷊e suaddio'a ringanni mangitou apan naammulle.”

YESAYA 60:4

Pa'ellege apa apan nariaddi su uapal᷊iwutta si'o; tumana'u soa ma'ammulla ana mapul᷊e ringannu. Manga anangngu esakka nirumanta wuassu tampa marau, manga anangngu wawine wawawananna.

YEHEZKIEL 34:12

maola'a sangkatou mallal᷊u'adda ṛinone maddea'a wuṛṛu mangammullu manga dombane apan nassal᷊iawukka ana see mamadul᷊i si mangitou. I mangitou sarun Ta'u iapidda mapul᷊e wuassu al᷊awo'u tampa i mangitou nassal᷊iawukka su allo apan marandumma wuṛṛu lal᷊eo udde.

HOSEA 1:10

Walahannu Israel sarun maola'a anambone ere anne su tahal᷊oangnga, na'oman sara i tou tawe iauukka ara'e iareengnga. Orassa indi Ruata nabbisara si mangitou, “I yamiu wal᷊ine uma-U,” arawe sarun a'omanna tempone i Tou sarun mabbisara si mangitou, “Ete i Ya'u Ruata apan wiakka wuṛṛu i yamiu al᷊aṛṛana-U!”

LUKAS 15:8

“Ara'e unnu wisara sangkatou wawine uatahuanna mapul᷊o roitta sal᷊a'a, see sambau nawul᷊i – apa sarun olaanni tou? I tou sarun mande'omma sol᷊o wuṛṛu manapu wal᷊ene lapiddu maddea'a su al᷊awo'u tampa ma'oman sara asombanganna roitta udde.

LUKAS 2:32

naal᷊ihida semakka apan mannemakka lal᷊annu manga walahanna waine, ana see rumanta ringan-Nu; eteudde asasemakka apan mandantan awawantuga su al᷊aṛṛanang-Ngu Israel.”

YOHANES 1:12

Arawe pia lai taumata apan manarimmatti Tou wuṛṛu mangngimanna si Tou; i mangitou nionggol᷊annu taṛṛino maola'a ana'u Ruata,

YOHANES 1:29

Su allo tiṛṛabbine, i Yohanes naasilo Mawu Yesus nirumanta ringanni tou. See i Yohanes nabbisara, “Pa'ellega, eteudde Ana'u Domban Ruata apan namappassa rosan runia indi.

YOHANES 10:16

Ta'e pia manga domba waine lai apan tatahuanang-Ku, arawe tawe nareengnga sulal᷊ummu wageangngu domba indi. I mangitou lai ṛinone Ta'u iapidda wuṛṛu i mangitou sarun madaringikka tingi-U. I mangitou sarangkanambone sarun maola'a ammul᷊anna sambau ringannu mallal᷊u'adde sangkatou.

YOHANES 12:32

Arawe i Ya'u indi, amungkangngu i Ya'u suete niruitta su wowon runia, i Ya'u sarun mamago anambon taumata rumanta ringang-Ku.”

WATTI'U MANGA RASUL 18:10

Ana waugu i Ya'u uaṛṛundinganna si'o. Tawe saran sangkatou apan mandal᷊eo si'o ana waugu manambo taumata su soa indi taumata-U.”

ROMA 3:29

Ara'e Ruata udde, tumba'u Ruatan taumatan Yahudi. Wal᷊inewe i Tou Ruatan walahanna waine lai? Ore atonna i Tou Ruatan walahanna waine lai!

ROMA 4:17

Ana waugu Ruata nabbisara arendi si Abraham, “I Ya'u suete nandiaddi si'o iamangngu al᷊awo'u walahanna.” Aroddite Ruata nangonggolu paaire udde si Abraham. Wuṛṛu Abraham mangngimanna si Tou. Ete i Tou Ruata apan mapaawiakku taumata nate; ete i Tou lai Ruata apan ringannu tumba'u mabbisara ma'ola'a apa apan taambe naola'a su runia, mariaddi su runia.

EFESUS 1:5

ne, i Tou buatte nanantuna paarorone manungku sulal᷊ummi Yesus Kristus, i Tou sarun manga'u si ite maola'a manga al᷊aṛṛanang-Nge sassane. Wuṛṛu atonna eteudde apan tipusanni Tou.

EFESUS 3:11

Ruata na'ola'a udde wuassu manara-Ne apan tawe panginsueanne, apan niolang-Nge sulal᷊ummi Kristus Yesus Mawun kite.

YAKOBUS 1:1

Manga tuṛṛangnga al᷊aṛṛana'u Ruata sarangkanambone apan uasal᷊iawukka su ahewallu runia! Tabea wuassi ya'u, Yakobus, allangngu Ruata wuṛṛu allangngi Yesus Kristus.

1 PETRUS 1:1

Manga tuṛṛangnga walahanna nipilen Duata, apan uasal᷊iawukka su anambon banua su leta'u Pontus, Galatia, Kapadokia, Asia wuṛṛu Bitinia! I ya'u, Petrus, rasulli Yesus Kristus, mangngantimma doronganna Ruata mangonggolu al᷊amatta wuṛṛu paddarame si yamiu ringannu manambo-nambo. I yamiu nipile maola'a al᷊aṛṛana'u Ruata uasul᷊ungngu ere pandumannu Ruata Iamangnga. Wuṛṛu Ghaṛṛahon Duata suete na'ola'a si yamiu walahanna apan na'ukkassa, tumba'u su Ruata, tadea'u i yamiu matuṛṛuta su Mawu Yesus Kristus wuṛṛu niukkassu ṛaṛṛa-Ne.

1 YOHANES 2:2

Ringannu pamamanaran Yesus Kristus uddewe manga rosan kite niampunganna. Wuṛṛu wal᷊ine tumba'u manga rosan kite sassane, ewe'e rosan anambon taumata lai.

1 YOHANES 3:1

Pa'ellege, Ruata aroddi arangngune si ite, na'oman sara i ite nia'u al᷊aṛṛanang-Nge. Wuṛṛu atonna ete i ite udde al᷊aṛṛana'u Ruata. Ana waugu udde runia apan lal᷊eo indi tawe maaillal᷊a si ite, ana waugu runia tawe maaillal᷊a Ruata.

1 YOHANES 3:10

Ete indi papaṛṛalane wuassu alaṛṛana'u Ruata wuṛṛu al᷊aṛṛana'u Setanna: suapan taumata apan tawe tumuṛṛutta apulun Duata, ara'e tawe mandangngu tuṛṛange, i tou wal᷊ine ana'u Ruata.

1 YOHANES 3:2

Manga tuṛṛangnga apan arangnguanna! Ete i ite orassa indi al᷊aṛṛana'u Ruata, arawe ola'i ite su tempo addantane taambe natualaga. Arawe i ite masingkata manungku amungkangu Kristus rumanta, i ite sarun maola'a ere i Tou, ana waugu i ite sarun maasilo si Tou sulal᷊ummu olang-Nge apan nasuungnga.

SONDAPPA 5:9

I mangitou mangngantarin sambau antari apan bakku: “I'o wotongnge manganu wuke udde wuṛṛu mamesangnga manga segelene. Ana waugu I'o suete nipate, wuṛṛu ringannu papate-Nu, taumata wuassu al᷊awo'u ṛuanganna wahasa, araratuanna, wuṛṛu walahanna suete niwallian-Nu hunane su Ruata.