YOHANES 11:47 - WUKE SUSI WATTI'U AL᷊AL᷊USASSA

⁴⁷ Ana waugu udde manga taumatan Farisi wuṛṛu manga imam tembonanne naammulla ringannu Mallaṛṛuungngu Agama. I mangitou nabbisara, “I ite ṛinone ma'ola'a apa? Taumata indi ma'ola'a anambon al᷊aṛṛindu'a!

YOHANES 11:47 ပူးပေါင်းရင်းမြစ်များ

MATIUS 26:3

Su tempo udde manga imam tembonanne wuṛṛu piaṛṛa'u Yahudi maammulla su wal᷊en araratuannu Imam Bahewa Kayafas.

MATIUS 5:22

Arawe orassa indi Ya'u mabbisara si yamiu, isai-sai masa'u su taumata waine, sarun parikisanna; wuṛṛu isai-sai mallela taumata waine sarun parikisanna su saruannu Mallaṛṛuungngu Agama. Wuṛṛu isai-sai mabbisara taumata waine, ‘Tingngangnga,’ sarun iramme sulal᷊ummu putungngu naraka.

MARKUS 14:1

Rua allo lai Allom Paskah wuṛṛu Ramean Roti Tawe Ragine. Manga imam tembonanne wuṛṛu manga hurun agama tantal᷊anna maddea'a lal᷊anne manametta Mawu Yesus ringannu mal᷊anna-l᷊annaba, wuṛṛu mamate si Tou.

LUKAS 22:2

Manga imam tembonanne wuṛṛu manga hurun agama tantal᷊anna maddea'a lal᷊anne mamate Mawu Yesus ringannu mal᷊anna-l᷊annaba, ana waugu i mangitou matta'uttu taumata nambo.

YOHANES 11:57

I mangitou nabbisara aroddi ana waugu manga imam tembonanne wuṛṛu manga taumatan Farisi suete namarenta manungku taumata apan masingkattu tampa Mawu Yesus, ṛinone mabal᷊o tadea'u i Tou wotongnge sametanna.

YOHANES 12:19

Ne manga taumatan Farisi uawawisarate sangkatou ringannu sangkatou, “I ite tawe mapa'ola'a apa-apa! Pa'ellege, anambon lal᷊oṛṛon runia uatantalongnga si Tou!”

YOHANES 2:11

Eteudde al᷊aṛṛindu'a paarorone apan niola'u Mawu Yesus. I Tou na'ola'a udde su wanua Kana su Galilea. Ringannu tanda udde i Tou mapaal᷊iatta'u awawantu-Ge. Ne mallal᷊aṛṛenggen-Ne nangimante si Tou.

YOHANES 6:2

Napawe na'omate poiaroddi, manambote taumata uatantalongnga si Tou ana waugu i mangitou suete naasilo manga al᷊aṛṛindu'a apan niolang-Nge ringannu napaapian taumata marada'a.

YOHANES 7:32

Manga taumatam Farisi naaringikka ereapa taumata nambo udde uasasal᷊imburungnga su ola'u Mawu Yesus. Ana waugu udde su sampunna ringannu manga imam tembonanne, i mangitou nandolokku manga pira mandariaga Wal᷊e Mawu inai manametta Mawu Yesus.

YOHANES 7:45

Su tempo manga mandariaga Wal᷊e Mawu, apan nirolokka manametta Mawu Yesus nabelengke apia, manga imam tembonanne wuṛṛu manga taumatan Farisi udde naiwal᷊o si mangitou, “Anio i yamiu tawe nangapiddi Tou inawarendi?”

WATTI'U MANGA RASUL 5:21

Ne manga rasul udde tinumuṛṛutte tanatan mala'ekatta udde. Ruaallo atonna i mangitou inaite su Wal᷊e Mawu wuṛṛu mannattake mangngaṛṛa'a isudde. Tantal᷊anna udde imam wahewa wuṛṛu mallal᷊aṛṛenggenne nirumanta, see na'ola'a ammullu mallaṛṛuungnga ringannu manga piaṛṛa'u Yahudi. Wua'udde i mangitou nandolokku taumata inai mangal᷊apa manga rasul udde su tuttupanna iapa'apidda sumaruanna si mangitou.

WATTI'U MANGA RASUL 5:24

Napawe piaṛṛa'u mandariaga Wal᷊e Mawu wuṛṛu manga imam tembonanne naaringikka alae udde, i mangitou tinumiangnga su ola'u manga rasul wuṛṛu matta'uttu apa apan sarun mariaddi.