YOHANES 1:25 - WUKE SUSI WATTI'U AL᷊AL᷊USASSA

²⁵ naiwal᷊o, “Amungkangngu i'o wal᷊ine Ratun Punnu Sal᷊amatta, wal᷊ine i Elia, wal᷊ine lai sangkatou Nabi, anio i'o mannaṛṛani?”

YOHANES 1:25 ပူးပေါင်းရင်းမြစ်များ

MATIUS 21:11

“I Tou Nabi Yesus, wuassu Nazaret su Galilea,” sasimbakku taumata nambo apan uatantalongnga Mawu Yesus.

MATIUS 21:23

Wua'udde Mawu Yesus nabelengke su Wal᷊e Mawu see sinumuttate wuṛṛu mangngaṛṛa'e isudde. Su tempo i Tou mangngaṛṛa'a, manga imam tembonanne wuṛṛu manga piaṛṛa'u Yahudi nirumanta ringanni Tou wuṛṛu naiwal᷊o, “Apa pinangiananne na'oman sara I'o ma'ola'a sarangkanambone indi? Isai nangonggolu taṛṛino udde Si'o?”

MATIUS 3:6

I mangitou nanga'u manga rosa mangitou, see i Yohanes nanaṛṛanite si mangitou su Sal᷊ukku Yordan.

YOHANES 1:24

Manga taumata apan nirolokku taumatan Farisi,

WATTI'U MANGA RASUL 5:28

I tou nabbisara, “I yami suete naningaddi yamiu tadea'u ariete pangaṛṛa'u arannu taumata udde. Arawe orassa indi pa'ellege apa inolaanni yamiu! I yamiu mannal᷊iawukku al᷊aṛṛa'i yamiu su ahewallu Yerusalem, wuṛṛu i yamiu mangngansilla manungku ete i yami nipandansilanannu papaten taumata udde.”

TAHIUL᷊E 18:15

Ewe'e mawal᷊i'a lai waussu walahanni ite sassane sarun mandolokku sangkatou nabi ere i ya'u indi, wuṛṛu i yamiu ṛinone maddaringikka si tou.

TAHIUL᷊E 18:18

Wuassu walahanni mangitou sassane i Ya'u sarun mandolokka inai ringanni mangitou sangkatou nabi ere lai i'o. I Ya'u sarun mamasingkatta si tou apa apan ṛinone iwisarane, ana see i tou sarun mamasingkatta su walahanna udde apa apan Ta'u nirolokka.