YEREMIA 40:1 - WUKE SUSI WATTI'U AL᷊AL᷊USASSA

¹ Mawu nabbisara si ya'u napawe i Nebuzaradan, komandannu tantara udde, namallo'u su Rama. I ya'u buatte niapidda poiaroddi ringannu ṛaṛṛapusanna suadio'a ringannu anambon taumata waine wuassu Yerusalem wuṛṛu Yehuda apan tantal᷊anna iapidda maola'a tawanna su Babel.

YEREMIA 40:1 ပူးပေါင်းရင်းမြစ်များ

EFESUS 6:20

Ana waugu ete Watti'u Al᷊al᷊uassa udde, i ya'u naola'a sangkatou daroloṛṛanna, wuṛṛu orassa indi sulal᷊ummu tuttupanna. Aal᷊iomante tadea'u i ya'u waṛṛani mabbisara su ola'u Watti'u Al᷊al᷊uassa udde, su ereapa i ya'u ṛinone mabbisara.

WATTI'U MANGA RASUL 21:13

Arawe i tou sinumimbakka, “Apa hunane tuṛṛangnga lulluai ereindi na'oman sara naungku nasusa? I ya'u nasaddiate wal᷊ine tumba'u sametanna poiaroddi, arawe nasaddiate lai mate ana waugu Mawu Yesus.”

YEREMIA 31:15

Mawu nabbisara, “Su Rama niaringiṛṛanna tingikku lal᷊allu, wuṛṛu auare apan tatilla'upannu asasusa. I Rahel lulluain anangne, i tou tawe al᷊imbatanna ana waugu mangitou tate baddi'a.

YOSUA 18:25

Wuṛṛu lai mapul᷊o appata soa manansunna indi ringannu manga ampungnga maranine: Gibeon, Rama, Beerot, Mizpa, Kefira, Moza, Rekem, Yirpeel, Tarala, Zela, Elef, Yebus (eteudde Yerusalem), Gibea wuṛṛu Kiryat-Yearim. Eteudde manga leta'a apan niwalungnga su manga amonanna su lal᷊ummu ṛuanganni Benyamin apan maola'a pussa'a mangitou.

WATTI'U MANGA RASUL 28:20

Wuṛṛu ana waugu udde i ya'u madorongnga maisasommbang kamiu, maggahattong kamiu; ana waugu i ya'u ṛaṛṛapusanna, ana waugu Punnu Sal᷊amatta apan a'antimannu walahannu Israel.”

DARALO 107:16

Ana waugu i Tou napaṛṛan manga ngara witu'a, wuṛṛu nakkimunsa'a manga sal᷊aba'u atta'a.

DARALO 68:6

Ruata apan uatana'a su Wal᷊en-Ne apan susi eteudde; iamangngu ana'a asisi wuṛṛu mananahekku wawine wal᷊u.

1 SAMUEL 7:17

Wua' isudde i tou sidutu mappul᷊e watukku wal᷊ene su Rama. Poiaroddi i tou naola'a mallaṛṛuungngu taumatan Israel wuṛṛu lai nallanginnu sambau mezbah su Mawu.

YEREMIA 39:9

Panginsueanne tumanangnge apan nallambe su soa, suadio'a ringannu manga taumata apan tinumal᷊angnga su samba'an taumatan Babel, niapiddi Nebuzaradan watukku Babel, tembonannu tantaran Babel.

YEHEZKIEL 33:21

Su allo al᷊imane wul᷊anna mapul᷊o, sulal᷊ummu tonna mapul᷊o dua sutempo i yami niwuanga, sangkatou apan naal᷊assanga wuassu Yerusalem nirumanta wuṛṛu namasingkatta si ya'u manungku soa udde nanawote.

2 TAWARIKH 16:1

Su tonna tallun pul᷊o annumma sutempo i Ratu Asa uaparenta su Yehuda, Baesa ratun Israel namangalo Yehuda wuṛṛu nanohassa soan Rama ipakkappinga lal᷊anna sabbanganna sumutta su Yehuda.

YEREMIA 42:7

Mapul᷊o allo wua'udde Mawu nabbisara si ya'u.