YEHEZKIEL 24:3 - WUKE SUSI WATTI'U AL᷊AL᷊USASSA

³ I Ya'u, Mawu, pia sambau sasumandingnga iapasingkatta su uma-U apan apulune lumawangnga: Lal᷊ina'a ua'e sulal᷊ummu awali ana see wuntal᷊a'e su putungnga.

YEHEZKIEL 24:3 ပူးပေါင်းရင်းမြစ်များ

YEHEZKIEL 20:49

Arawe i ya'u Yehezkiel namasingkattu abaratangku wuṛṛu nabbisara, “Mawu Apan Atanggaṛṛanne, i ya'u arie paddoloṛṛa'a mabbal᷊on udde! Awada'alla sussal᷊iomanna ana waugu i ya'u mappulu mabbisara ringannu sasumandingnga na'oman sara masahadda passunnanne.”

YEHEZKIEL 17:2

apan i Ya'u, Mawu Apan Atanggaṛṛanne mamasingkatta si mangitou: Pia sambau manu'a asiaṛṛe apan wambul᷊une maṛṛansanga wuṛṛu papaidde mal᷊alakka see matohassa. I tou tinumalla'a su wowon Libanon, nanappo lal᷊uwo punnu alu cemara,

YEHEZKIEL 11:3

Ana waugu udde wal᷊oa'a tanata-U su ola'u ṛuumanna si mangitou, ei taumata apan mattate. Ana waugu i mangitou mabbisara, ‘Tate mal᷊annu lai manga wal᷊en indi sarun iapararisikki ite apia. Soa indi uddewe urinna wuṛṛu i ite ṛemessa sulal᷊umme. I ite sarun mal᷊angnganna wuassu putungnga ana waugu lal᷊indumannu urinna indi.’ ”

YEHEZKIEL 2:6

Arawe i'o, ei taumata apan mattate, arie mata'uttu manga lumal᷊awangnga udde, ara'e manga apa apan iwisara mangitou. I mangitou sarun lumawangnga wuṛṛu mangadio'a si'o, na'oman sara ereola'u i'o mabbiakka su pattangngannu kalajengkinga. Salaiwe aroddi, arie paata'utta.

YEHEZKIEL 2:3

“Ei taumata apan mattate, i'o Ta'u irolokka inai ringannu manga taumatan Israel apan lullawangnga si Ya'u. I mangitou udde lullawangnga ere iupungngi mangitou lai.

YESAYA 1:2

Paddaringikka ei langitta, panutukke ei runia! Mawu nabbisara, “Manga al᷊aṛṛana'a apan buatte nipaddul᷊ianang-Ku namangalo si Ya'u.

YEHEZKIEL 24:6

Mawu Apan Atanggaṛṛanne nabbisara, “Nasilakate soa apan nepenen taṛṛa pate udde! Soa udde naal᷊ihidda urinna nitaianna apan tawe niraddassa. Ṛemessa apan uataṛṛo sulal᷊umme nisabbangnga passampoto, na'oman sara taweddu nallambe.

YEHEZKIEL 2:8

Ei taumata apan mattate, paddaringi'o apa apan iwisara-U si'o. Arie mallaṛṛenggenna lumawangnga lai. Wu'ate moṛṛongngu wuṛṛu ante apa apan Ta'u ionggolla si'o.”

YESAYA 30:9

Ana waugu, i mangitou udde walahanna apan apulunne lullawangnga su saruannu Ruata, apulune mammahia wuṛṛu mangke maddiri maddaringikka al᷊aṛṛa'u Mawu.

YESAYA 30:1

Mawu nabbisara, “Nasilakate manga piaṛṛa'u Yehuda, ana waugu i mangitou lullawangnga si Ya'u. I mangitou tinumuṛṛutta manga ṛiinna apan bal᷊ine ṛiing-Ku. I mangitou nabartanda pa'aire apan lumawangnga apulu-U. Ne rosa mangitou pasi ombote.

DARALO 78:2

I ya'u maapulu mabbisaran sasanato'a wuṛṛu sasumandinga, wuṛṛu manal᷊a'an ao'a wuassu al᷊amona,

WATTI'U MANGA RASUL 7:51

Wal᷊ine hampa aatikku puan manga tuṛṛangnga, wuṛṛu aroddi asahadde tumuṛṛutta Ruata! Tal᷊inganu wengella ipadaringikka wisaran Ruata! I yamiu naal᷊ihida ere iupungngu al᷊amonanu; sidutu lullawangnga Ghaṛṛahon Ruata!

LUKAS 8:10

Mawu Yesus sinumimbakka, “I yamiu suete nionggol᷊annu al᷊amatta tadea'u maasingkatta addapingnga su ola'u ereapa Ruata mamarenta ere sangkatou Ratu. Arawe manga taumata waine niaṛṛaannu sasumandingnga, tadea'u i mangitou madaringikka, arawe wagga apa apan mariaddi; wuṛṛu i mangitou madaringikka, arawe tawe maasunna.”

MARKUS 12:12

Ne manga pira piaṛṛa'u walahannu Yahudi apan naaringikka sasumandingnga udde, mangke maddea'a manametta Mawu Yesus, ana waugu i mangitou masingkatte sasumandingnga udde ipammasendekku Mawu Yesus si mangitou. Arawe i mangitou matta'uttu taumata nambo. Nariaddi, i mangitou inaite nanantangngu Mawu Yesus.

MIKHA 2:4

Pal᷊addu pabbiaṛṛannu sarun ipaattu taumata maola'a papasendekka, wuṛṛu i mangitou sarun mangarangngu aantarin lal᷊al᷊o indi, ‘Mawu buatte mangaṛṛo wanuan kami indi wuṛṛu nionggolla su taumata apan nanawanna si yami. I yami mangke naṛṛimunsa'e atonna-tonna.’ ”

YEHEZKIEL 17:12

“Iwal᷊oite su manga lumal᷊awanga udde, apa i mangitou maasunna atappasannu sasumandinga udde. Wal᷊oa'a si mangitou manungku ratun Babel buatte nirumanta su Yerusalem, wuṛṛu naṛṛootta ratun Yehuda see manga mamanaran soa udde watukku Babel.

YEHEZKIEL 12:25

i Ya'u, Mawu Apan Atanggaṛṛanne sarun mabbisara ringannu walahannu Israel, wuṛṛu anambon wisara-U sarun mariaddi, ringannu tawe iasoṛṛotta lai. Paddaringikka, ei ṛuanganna mal᷊awangnga! Sutempon pabbiaṛṛannu sarun Ta'u olaanna al᷊awo'a apan Ta'u niapanaungnga si yamiu. I Ya'u, Mawu Apan Atanggaṛṛanne buatte nabbisara.”

YEHEZKIEL 12:2

“Ei taumata apan mattate, i'o uatana'a suwallattu manga taumata mal᷊awangnga. I mangitou pia mata, arawe tawe maasilo; pia tal᷊inga, arawe tawe maaringikka, ana waugu i mangitou apulune lullawangnga.

YEHEZKIEL 11:11

Nariaddi, i yamiu tawe matammudda su soa indi, tawe ere ṛemessa sulal᷊ummu urinna. I Ya'u sarun mengenggenna wuṛṛu makkuumanni yamiu suapan tampa i yamiu isudde su wanuan Israel.

YEHEZKIEL 11:7

Ana waugu udde, i Ya'u, Mawu Apan Atanggaṛṛanne, mabbisara si yamiu: Atonna, soa indi uddewe urinna, arawe ṛemessa sulal᷊umme wal᷊inewe i yamiu, ewe'e winal᷊unannu manga taumata apan buatte nipaten kamiu! Wuṛṛu i yamiu Ta'u limbuaṛṛanna iapasabbangnga wuassu soa indi!

YEHEZKIEL 3:9

I'o Ta'u olaanna atohanne ere rapappakka wuṛṛu aatikke ere intan. Arie mata'uttu manga lumal᷊awangnga udde.”

YEREMIA 1:13

Wua'udde Mawu naiwal᷊o si ya'u apia, “Apate lai apan niasiloannu?” I ya'u sinumimbakka, “Su samba'a sawannakka i ya'u naasilo urinna apan lal᷊oṛṛone tantal᷊anna huggogokka wuṛṛu ereola'u mabbosote inawarendi.”

YESAYA 63:10

Arawe i mangitou nilumawangnga wuṛṛu napaasusan naungngu Mawu. Ne i Tou nawal᷊elongnga naola'a seetti mangitou i Tou sassane napapangalo nando'appa si mangitou.

2 MARARATU 4:38

Su sambau tempo nariadite ṛutumma su ahewallu wanua. Ne i Elisa nabelengke watukku Gilgal. Sutempo i tou tantal᷊anna mannantiro sambageanganna nabi, i tou nandolokku mangangimbene niapaal᷊appa urinna wahewalla wuṛṛu nallaha anni mangitou.

YEREMIA 1:14

Mawu nabbisara, “Wuassu samba'an sawannakka asasilaka sarun lumapputta wuṛṛu maṛṛia'a su anambon tumana'u wanua indi.

YESAYA 29:2

Arawe Ruata sarun mandanta asasilaka su soa udde, na'oman sara taumata sussal᷊iomanna wuṛṛu ma'uare. Ahewallu soa naal᷊ihidda mezbah apan nappeta'u daṛṛa.

YEHEZKIEL 2:2

Sutempo i ya'u naaringikka tingikka udde, sinumuttate Ghaṛṛahon Duata sulal᷊ummu wadangku, wuṛṛu nitul᷊idde i ya'u. Wua'udde i ya'u naaringikka apia tingikka udde nabbisara,

YEHEZKIEL 2:5

tanne i mangitou mappulu maddaringikka ara'e maddiri; apan apianne, i mangitou ṛinone maasingkatta manungku pia nabi su pattangnganni mangitou.