YAKOBUS 4:1 - WUKE SUSI WATTI'U AL᷊AL᷊USASSA

¹ Wuassuapa darantane al᷊awo'u pabbawawul᷊o wuṛṛu pattatiakka su wallatti yamiu? Wal᷊inewe udde nirumanta wuassu manga apulunu apan siddutu uawawul᷊o sulal᷊ummu ririnu ana see maasomba al᷊al᷊uassu runia!

YAKOBUS 4:1 ပူးပေါင်းရင်းမြစ်များ

YEREMIA 17:9

Naungngu taumata tawe iaṛṛangngo, mappandeanna wuassu al᷊awo'a wuṛṛu tumaniten bahewalla raddangnge.

MATIUS 15:19

Ana waugu wuassu naungnga sumabangnga manga ṛingiṛṛanna lal᷊eo, apan maaola'a taumata mammate, sussandaga, ma'ola'a al᷊al᷊eo, manna'o, mammahia, wuṛṛu ma'umbilangnga.

YOHANES 8:44

Ete Setanna iamangngu, wuṛṛu i yamiu tuttuṛṛutta apulun iamangngu. Ro'en panataṛṛanne Setanna udde taṛṛa pate. I tou taambe saran paassa manamba'a apapia, ana waugu tawe apapia si tou. Amungkangngu i tou mangawusu, udde naṛṛino ana waugu ete aroddi pallal᷊agune. I tou taṛṛa awusu wuṛṛu punnu al᷊awo'u awusu.

ROMA 7:23

arawe i ya'u naatutukka manungku sulal᷊ummu riri'u pia lai tita waine apan uaagassa parenta – eteudde tita apan uapapaṛṛalan tita apan buatte nia'u naungku. Ana waugu udde i ya'u mangke paparentannu titan rosa apan uaparenta sulal᷊ummu riri'u.

ROMA 7:5

Ana waugu dorone, i ite mabbiakka tuttuṛṛutta pallal᷊agun taumata. Su tempo udde manga apulu apan ma'aola'a rosa, apan nilumapputa ana waugu titan agama, uataṛṛino su wadangngi ite. Ana waugu udde i ite ma'ola'a inolaanna apan maapate.

ROMA 8:7

Taumata apan ṛingiṛṛanne paparentannu pallal᷊agun taumata, taumata udde uasaseettu Ruata, ana waugu taumata udde maddiri tumuṛṛutta titan Duata; wuṛṛu atonna i tou tawe maatuṛṛutta apulun Duata.

GALATIA 5:17

Ana waugu apulun taumata uatataaen apulun Ghaṛṛahon Ruata, wuṛṛu apulun Ghaṛṛahon Ruata uatataaen apulun taumata. Itarua mangke tawe massomba, na'oman sara i yamiu tawe maaola'a apa apan ipaapulun kamiu.

KOLOSE 3:5

Ana waugu udde, tantanga'e paa'apulun dunia apan maawinasa ririnu, ere sandaga, manga inolaanna apan tawe matataṛṛino, apulu naungnga, tawe masabare, apulu apan lal᷊eo, wuṛṛu awawal᷊iu (ana waugu awawal᷊iu udde nassul᷊ungngu massubba paal᷊uanna).

2 TIMOTIUS 2:23

Arie lumal᷊o'a su pattatiakku manga taumata woddo apan waggan apa-apa. I'o masingkatta manungku sarangkanambone udde tumba'u mapaal᷊apputu pattatiakka.

TITUS 3:3

Ana waugu dorone i ite sassane lai woddo, niumal᷊iwu wuṛṛu mal᷊awangnga. I ite niallangngu al᷊awo'u aapulun runia; i ite mabbiakka ringannu pandumanna apan lal᷊eo wuṛṛu mangngune, wuṛṛu uasaseetta.

TITUS 3:9

Pangindaute manga pattatiakka apan tawe gunane, manga watti'u al᷊amona, pattatiakka wuṛṛu pabbawawul᷊o su ola'u titan agama. Sarangkanambone udde tawe gunane wuṛṛu tawe gessine.

YAKOBUS 1:14

Arawe taumata niawono'anna, amungkangngu i tou wol᷊enganna wuṛṛu panemmannu apulune sassane apan lal᷊eo.

YAKOBUS 4:3

Wuṛṛu amungkangu lai yamiu suete naddorongnga, i yamiu tawe maasomba lai, ana waugu tuddan darorongngu nassal᷊a; apa apan radoronganni yamiu udde tumba'u al᷊al᷊uassu watangannu sassane.

1 PETRUS 1:14

Paatuṛṛute Ruata wuṛṛu arie mabbiakka tumuṛṛutta apulunu dorone, su tempo i yamiu taambe naaillal᷊a Ruata.

1 PETRUS 2:11

Manga tuṛṛangnga apan arangnguanna! I yamiu uddewe taumata lumal᷊o'a wuṛṛu mattindaho su runia indi. Ana waugu udde i ya'u sumal᷊ande si yamiu tadea'u i yamiu tawe tumuṛṛutta apulun taumata apan sidutu uapapangalo lullawangnga ṛimuudda.

2 PETRUS 2:18

I mangitou na'ola'a manga papasingkata apan napenen papal᷊onotta wuṛṛu tawe loṛṛone; apulune sussandaga iapaati mangitou ipangal᷊iwu manga taumata apan wakku napallosa wuassu tampan taumata apan mabbiakka su al᷊al᷊eo.

2 PETRUS 3:3

Paarorone, i yamiu ṛinone masingkatta manungku su allo-allo pangudusanne, sarun rumanta manga taumata apan pabbawiakke paparentannu apulu naungngi mangitou sassane. I mangitou sarun mangal᷊uandaga si yamiu,