TAHIUL᷊E 31:7 - WUKE SUSI WATTI'U AL᷊AL᷊USASSA

⁷ Ana see i Musa namago si Yosua, wuṛṛu su saruannu anambon walahannu Israel i tou nabbisara si Yosua, “Ṛinone naungngu matammudda wuṛṛu waṛṛani, Yosua! Ete i'o apan sarun mamiaṛṛa'u walahanna indi inai matana'a su wanua apan pina'iren Mawu su iupungngu al᷊amona mangitou.

TAHIUL᷊E 31:7 ပူးပေါင်းရင်းမြစ်များ

2 SAMUEL 10:12

Paatammudda! Wette i ite mapapangalo ringannu waṛṛani hunan walahanni ite wuṛṛu manga soan Ruatan kite. Doronganna Mawu ma'ola'a sarangkanambone apan ipaapulu-Ne.”

1 MARARATU 2:2

“Nia'omante tempone i ya'u nate. Ṛinone i'o mangngimanna wuṛṛu waṛṛani.

1 TAWARIKH 22:13

Amungkangu i'o matuṛṛutta su anambon tita apan nionggolu Mawu si Musa su walahannu Israel, i'o sarun maasomba auntunganna. I'o ṛinone pia pangangimanna wuṛṛu waṛṛani. Imbaṛṛangnga mata'utta sumaruanna al᷊awo'u hal᷊ahe.

DANIEL 10:19

I tou nabbisara, “Ruata mandangngu si'o, ana waugu udde ariete suminggawangnga ara'e mata'utta, wette, ariaddite matohassa!” Tantal᷊anna i tou mabbisaran olangnge udde, i ya'u naapendamma lembon matohassa lai wuṛṛu nabbisara, “Otte pabbisarate, Tuangnga. Tuangnga buatte nanamba atatoha'u.”

REENGANNA 13:20

Paatammudda naungngu. Ellehete tanne letangnge masuwukka wuṛṛu manambo aaluanne. Arie paabul᷊iane mapul᷊e pangapiddu addio'a manga wuan kalu apan uatuwo poiaroddi.” Su tempo udde panattaṛṛannu anggore mabbua.

REENGANNA 27:19

Pararisiṛṛa'e i tou su saruanni Imam Eleazar wuṛṛu anambon balaga. Su saruanni mangitou sarangkanambone i'o ṛinone mamasingkatta manungku i Yosua pinallol᷊ossa si'o.

YOHANES 1:17

Tita Mawu, nisengkammi ite wuassi Musa. Arawe darangngu wuṛṛu tatal᷊antupu Ruata niapaal᷊iatta'a sulal᷊ummi Yesus Kristus.

EFESUS 6:10

Pangudusanne, ṛinone i yamiu maola'a matohassa ringannu atatohassa apan niasombanganni yamiu wuassu Mawu, ana waugu i yamiu uaaukka ringanni Tou.

TAHIUL᷊E 1:38

Arawe paatana'a naungngu masasumbalanu, i Yosua ana'i Nun. Ete i tou apan sarun mamiaṛṛa'u Israel mangaṛṛo leta'a udde.’

TAHIUL᷊E 1:8

I Ya'u, Mawu, buatte naddiandin ahewallu leta'a udde su al᷊amonanu i Abraham, i Ishak wuṛṛu i Yakub see lai papapulunni mangitou. Nariaddi roote pamanua su leta'a udde.’ ”

TAHIUL᷊E 11:8

“Paatuṛṛutte anambon tita apan ta'u niapasingkatta si yamiu allo indi, ya'u wotongnge lumewessa sal᷊ukka wuṛṛu maasutta watukku wanua apan tate malannu lai atanaanni yamiu.

TAHIUL᷊E 3:28

Onggol᷊ete manga tatantiro i Yosua. Paatanaa'a naungnge, ana waugu ete i tou apan mamiaṛṛa'u walahanna udde watukku samba'a wuṛṛu mangintaṛṛo su wanua apan aellehannu udde.’

TAHIUL᷊E 31:21

wuṛṛu manambo asasusa apan bahewalla sarun maṛṛia'a si mangitou. Arawe antari indi sidutu sarun ia'antari wuṛṛu ipappaatta maola'a tatiala si mangitou. Wuṛṛu lai orassa indi, tantal᷊anna i mangitou taambe niapi-U Ta'u iapidda watukku wanua apan pina'ire-U, i Ya'u masingkattu lal᷊annu ṛingiddi mangitou.”

TAHIUL᷊E 31:23

Wua'udde Mawu nabbisara si Yosua, ana'i Nun, wisara-Ne, “Ṛinone naungngu matohassa wuṛṛu waṛṛani, Yosua! I'o sarun mamiaṛṛa'u walahannu Israel sumutta su wanua apan Ta'u pina'ire si mangitou, wuṛṛu i Ya'u sarun mantul᷊ungngu.”

TAHIUL᷊E 31:3

Mawu Ruatanu sassane sarun umamatta malliu ṛoro wuṛṛu mamate manga walahanna apan uatana'a isudde, ma'oman sara i yamiu wotongnge mamanua su leta'i mangitou. I Yosua sarun maola'a piaṛṛa'i yamiu, ere buatte niwal᷊on Mawu.

TAHIUL᷊E 31:6

Ṛinone naungngi yamiu matammuda wuṛṛu waṛṛani! Imbaṛṛangnga mata'utti mangitou, ana waugu Mawu Ruatanu sassane sarun mantul᷊ungngi yamiu. I Tou tawe mapaurangngu naungngu ara'e manantangngi yamiu.”

YOSUA 1:5

Tawe saran sangkatou apan botongnge maawaddonu Yosua, su al᷊o'engngu pabbiaṛṛannu. Ana waugu i Ya'u sidutu su sandiṛṛannu ere lai dorone su sandiṛṛanni Musa. I Ya'u tawe manantangu.

YOSUA 1:6

Ṛinone i'o mangimanna wuṛṛu waṛṛani, ana waugu i'o sarun mamiaṛṛa'u walahanna indi ana waugu i mangitou matana'a su wanua apan Ta'u pina'ire su iupungu al᷊amona mangitou.