TAHIUL᷊E 12:20 - WUKE SUSI WATTI'U AL᷊AL᷊USASSA

²⁰ Napawe Mawu Ruatanu buatte nanggewalla manga passarannu wanuanu ere buatte niriandi-Ne, i yamiu wotongnge uminassa ṛemessa ringannu walate apulun naungngu.

TAHIUL᷊E 12:20 ပူးပေါင်းရင်းမြစ်များ

PANDARIADDI 28:14

Papulunnu anambone ere awu su runia. I mangitou sarun manggewalla leta'i mangitou watukku al᷊awo'u tampa, wuṛṛu wua si'o wuṛṛu papapulunnu, i Ya'u sarun mangal᷊amatta anambon balahanna su runia.

PANDARIADDI 31:30

I ya'u masingkatta manungku i'o nangingkatta udde ana waugu i'o maapulu mapul᷊e. Arawe anio i'o nanna'o paal᷊uanna mallal᷊u'adda amonangku?”

2 SAMUEL 13:39

arawe napawe i Daud tate massusa, i tou naanaungke si Absalom.

2 SAMUEL 23:15

I Daud naanaungke ampungnga niariadianne udde wuṛṛu nabbisara, “Eh, unnuwisara i ya'u nionggol᷊annu ua'e wuassu paṛṛihi maranin ngara wahewalla su Betlehem!”

1 TAWARIKH 4:10

Arawe i Yabes niumal᷊iomanna su Ruata apan sassubbannu taumatan Israel, wisarane, “Oh Ruata, al᷊amatewe i ya'u, wuṛṛu antimanna hewal᷊anna wageangngu leta'a paparentangku. Tannoiwe i ya'u wuṛṛu paaraua'a asasilaka tadea'u i ya'u tawe matataṛangnga.” Ne Ruata naddaringikka darorongnge.

DARALO 107:9

Ana waugu i Tou napa'inummu taumata apan marou, wuṛṛu nangonggola su taumata apan mal᷊unussu al᷊awo'a apan mapia.

DARALO 119:174

Naungku luṛṛintulun al᷊amatta wuas-Si'o, tita-Nu maal᷊uassa naungku.

DARALO 119:20

Naungku maradda'a maṛṛadannu apulu, i ya'u maapulu maasingkatta tita-Nu suapan tempo.

DARALO 119:40

I ya'u onggol᷊ewen wiakka wakku, ana waugu I'o matul᷊idda, i ya'u pia apulu tumuṛutta manga parenta-Nu.

DARALO 63:1

Daralon Daud, sutempo i tou uatana'a su wadda'u Yehuda.

DARALO 84:2

Tumaniten maal᷊uassa tampa atatanaan-Nu, oh Ruata Apan Lembontaṛṛino!

SASABANGNGA 23:31

Manga passarannu wanuannu sarun Ta'u iatokka wuassu Tongokku Akaba maddatingngu Sal᷊ukku Efrat, wuṛṛu wuassu Tahal᷊oangngu Tangngane maddatingngu wadda'a lol᷊okka. I yamiu Ta'u onggol᷊annu taṛṛino su tumana'u wanua udde, na'oman sara i mangitou wotongnge limbuaṛṛanni yamiu su tempo i yamiu inaite mangaṛṛo leta'a udde.

SASABANGNGA 34:24

Napawe i Ya'u buatte nallimbuakka manga balahanna wuassu saruannu wuṛṛu Ta'u hewal᷊anna letangngu, tawe saran sangkatou apan waṛṛani mangaṛṛo wanuanu su tempo i yamiu inai mallaghun Andeangngu Roti Tawe Ragine, Andeangngu Pangangitingnga wuṛṛu Andeangngu Rasannu Rongnga.

REENGANNA 11:20

arawe sambul᷊anna tuudda al᷊annune i yamiu u'inassa, ma'oman sara i yamiu rumadda'a wuṛṛu mammuta ana waugu inassa udde. Olangnge udde mariaddi ana waugu i yamiu buatte nanol᷊a'u Mawu apan udde su pattangnganni yamiu. Wuṛṛu ana waugu i yamiu buatte nilumuai su saruan-Ne wuṛṛu sunumal᷊iomanna manungku i yamiu buatte nanantangngu leta'u Mesir.”

REENGANNA 11:34

Ne tampa udde nissago aranne “Lal᷊abingannu Awawal᷊iu”, ana waugu isudde nilabingnga manga taumata nate ana waugu awawal᷊iu.

REENGANNA 11:4

Sulal᷊ummu amatannu manga taumatan Israel udde, pia lai manga taumata raho apan tinumantalongnga. I mangitou mal᷊utu uminassa ṛemessa, wuṛṛu taumatan Israel manattakke sussamboṛṛe. Unni mangitou, “Uare, annama'e i ite awuṛṛu pia ṛemessa!

2 KORINTUS 9:14

Ne i mangitou sarun umal᷊iomanni yamiu ringannu apendammu darangngu ana waugu Ruata naung-Nge lembon mapia si yamiu.

TAHIUL᷊E 11:24

Suapan wageangngu leta'a apan amatanni yamiu sarun mabbal᷊i pussaanu. Letangngu mawannadda wuassu wadda'a su samba'an timukka maddatingngu Panenteannu Libanon su samba'an sawannakka, wuṛṛu wuassu Sal᷊ukku Efrat su samba'an da'i maddatingngu Tahal᷊oangngu Tangngane su samba'an baṛṛatta.

TAHIUL᷊E 12:15

Arawe walate i yamiu mamate winatangngi yamiu wuṛṛu uminassa su al᷊awo'u tampa i yamiu uatana'a. I yamiu wotongnge umanna al᷊awo'u anna apan nionggolu Mawu Ruatanu si i yamiu. Su al᷊awo'u taumata, mawae waresi ara'e marosa, wotongnge uminassa ṛemessa udde, ere lai yamiu wotongnge uminassa ṛemessu kijang ara'e rusa.

TAHIUL᷊E 12:21

Amungkangngu tampa apan nipilen Mawu Ruatanu tumaniten marau wuassu tampa atatanaannu, i yamiu wotongnge mamate sapi sambau, domba ara'e ambingnga apan nionggolu Mawu si yamiu, wuṛṛu uminassa ṛemessa su tampanu ringannu walate apulun naungngu, ere lai buatte ta'u niwal᷊o si yamiu.

TAHIUL᷊E 19:8

Napawe Mawu Ruatanu buatte nanggewalla wanuanu ere buatte nipa'ire-Ne su al᷊amonanu, wuṛṛu ahewallu wanua udde buatte nionggola si yamiu,

FILIPI 1:8

Ruata masingkatta manungku i ya'u atonna-tonna luṛṛintulun kamiu ringannu apendamu darangngu wuassi Kristus Yesus sassane.

FILIPI 2:26

I tou maapulu atonna maisasomban kamiu sarangkanambone, wuṛṛu i tou u'ambul᷊isadda ana waugu i yamiu suete naaringikka watti'a manungku i tou marada'a.