SONDAPPA 8:5 - WUKE SUSI WATTI'U AL᷊AL᷊USASSA

⁵ Wua'udde mala'ekatta nanganu pananutunganna amania udde, wuṛṛu niloṛṛoantem putungnga wuassu meddan sasamba, see tinuntunga su wowon dunia. Ne rallu'a naposete wuṛṛu sawallo ma'ilatte, wuṛṛu nariaddite linukka.

SONDAPPA 8:5 ပူးပေါင်းရင်းမြစ်များ

1 MARARATU 19:11

“Sabbangke wuassu loṛṛangnga udde,” unnu Mawu si tou, “wuṛṛu darisikke saruanna si Ya'u su puiddu wowone.” Ana see Mawu sinumabbi isudde, niṛṛoroannu anginna apan tinumiuppa ma'ikkatta atonna na'oman sara manga wuidda nawa'a wuṛṛu manga wowone watu napesangnga. Arawe Mawu tawe naipasilo sulal᷊ummu anginna udde. Napawe anginna udde nol᷊ote, nariaddite linukka, arawe sulal᷊ummu linukka udde lai Mawu tawe naipasilo.

DARALO 18:13

Wuassu sawallo su saruan-Ne, sinumabbangke winabbawa, uranna eisse wuṛṛu putungnga.

SASABANGNGA 19:16

Su allo atallune, su tempo marua allo, pia dallu'a wuṛṛu sawallo. Winabbawa apan maappala nilumapputa wuassu puiddu wowone wuṛṛu niaringikke tingikku trompetta apan tumaniten ma'ikatta. Anambon taumata su paddasananna mangngindon atata'utta.

YESAYA 29:6

Mawu Apan Lembontaṛṛino sarun mamallossu soa udde ringannu anginna ma'ikkatta wuṛṛu linukka apan masaddata. I Tou sarun mandatan anginna al᷊isusu wuṛṛu putungnga apan mangngepodda.

YESAYA 30:30

Mawu sarun mapararingikku tingik-Ke apan mawantuga, wuṛṛu suapan taumata sarun maapendamma taṛṛino-Ne apan bahewalla. Asasa'u-Ne sarun mandantan putungnga apan mannoṛṛobba, uranna masaddatta, uranna watu wuṛṛu tandi'a.

YESAYA 66:6

Paddaringikka! Pia tingikka ruddallu'a su soa; pia tingikka su Wal᷊e-U; eteudde tingi-U apan tantal᷊anna mabbal᷊issa seetta!

YEREMIA 51:11

Mawu buatte nanondo manga ratu Media, ana waugu i Tou mappulu makkimunsa'a Babel. Eteudde lal᷊an-Ne i Tou mabbal᷊issa inolaannu manga taumata apan nakkimunsa'a wal᷊e-Ne. Manga tembonannu wuntuannu tantaran pangalo namarenta, “Takko'e anaanna! Riahite allungnga!

IMAMATTA 16:12

i tou ṛinone manganu tampan putungnga wuassu mezbah wuṛṛu loṛṛoannu waṛṛa ma'oman sara mapene wuṛṛu ruan kangkumma amania al᷊ussa, ana see iapidda su Wabbo'a Lembon Susi.

ZAKARIA 14:5

I yamiu sarun tumal᷊angnga umamattu wawal᷊anna apan nattahia wuidda udde nabbal᷊i darua. I yamiu sarun tumal᷊angnga ere iupungngu al᷊amonanu sutempo nariaddi linukka sutempo i Uzia, ratun Yehuda uaparenta. Wua'udde nirumantate Mawu Ruata'u, tatantalongannu anambon mala'ekatta.

MATIUS 24:7

Walahanna sambau sarun mamangalo lumawangnga walahanna waine, wuṛṛu araratuanna sambau sarun mamangalo araratuanna waine. Su al᷊awo'u tampa sarun mariaddi al᷊al᷊unussa wuṛṛu linukka.

LUKAS 12:49

“I Ya'u nirumanta su runia indi mandantan soṛṛoba. Apia eteapa amungkangngu putungnga luṛṛenggampe!

WATTI'U MANGA RASUL 16:26

Inaṛṛombanganne nallinukka wahewa na'oman sara rapappaku tuttupanna udde inumio'a. Anambo ngaran tuttupanna udde nawu'a wuṛṛu manga ṛate apan uamantungngu taumatan tuttupanna udde napallosa.

WATTI'U MANGA RASUL 4:31

Napawe i mangitou suete inumal᷊iomanna, tampa i mangitou uaammulla udde inumio'a. I mangitou sarangkanambone naasomba taṛṛinon Ghaṛṛahon Ruata, wuṛṛu nanattakke mabbisara ringannu waṛṛani atonna, su ola'u watti'u Ruata.

SONDAPPA 11:13

Ne su tempo udde nariaddite linukka apan masaddata. Sepermapul᷊o wuassu soa udde naṛṛimunsa'a, wuṛṛu pitu ṛiwu taumata nate ana waugu linukka udde. Manga taumata waine lembon matta'utta, see i mangitou nadalote awawantugu Ruata su surga.

SONDAPPA 11:19

Ne, nawu'ate Wal᷊en Ruata su surga, wuṛṛu niasiloante Wantalu Pa'aire sulal᷊umme. See nariaddite sawallo ma'ilatta wuṛṛu tingikku rallu'a mappose wuṛṛu ruddallu'a, see lai linukka wuṛṛu uranna eissa apan masassaga.

SONDAPPA 4:5

Wuassu adderan araratuanna udde lukkena semakku sawallo wuṛṛu sinumabanga tingikku rallu'a mappose. Wuṛṛu su saruannu adderan araratuanna udde pia pitu sol᷊o lukkenggama; eteudde pitu Ghaṛṛaho Ruata.

SONDAPPA 6:12

See i ya'u naasilo Ana'u Domba udde namesangnga segele aiannume. Nariaddite linukka apan masaddata. Matannallo nabbal᷊i ma'itumma ere mal᷊aṛṛenessa ma'itumma hal᷊agga, wuṛṛu wul᷊anna nabbal᷊i maṛṛamu ere ṛaṛṛa.

SONDAPPA 8:3

Sangkatou mala'ekatta waine, apan uaapiddu sambau pananutunganna amania wul᷊awanna, nirumanta wuṛṛu dirumarisikka su saruannu meddan sasamba. Si tou nionggol᷊annu manambo amania ipanguntudu manga aal᷊iomannu anambon walahannu Ruata wuṛṛu iaddo su meddan sasamba wul᷊awanna apan uaraddo su saruannu adderan araratuanna.