SONDAPPA 1:18 - WUKE SUSI WATTI'U AL᷊AL᷊USASSA

¹⁸ Ete i Ya'u i Tou apan wiakka! I Ya'u natete, arawe pa'elege, i Ya'u wiakka saran mal᷊annu-l᷊annu. I Ya'u uataṛṛino papate, wuṛṛu su wowon runian taumata nate.

SONDAPPA 1:18 ပူးပေါင်းရင်းမြစ်များ

AYUB 19:25

I ya'u masingkatta manungku su surga pia Mananambaa'u; panginsueanne i Tou sarun dumanta mangontolla si ya'u.

AYUB 38:17

Buattewe pia taumata nanta'e si'o ngara wahewalla su saruannu runian papate apan marandu-randumma?

DARALO 18:46

Awawaṛṛanin mangitou nawul᷊ite; i mangitou mangngiladda wuṛṛu sinumabbanga wuassu tanda'a watun mangitou.

DARALO 68:20

Paddalote Mawu, ana waugu ete i Tou Ruata apan nanal᷊amatta si ite; wuassu allo maddatingu allo i Tou uapasanna winabbawan kite.

YESAYA 22:22

I tou sarun mamarenta su al᷊ungngu ratu pallaṛṛiten Daud. I tou sarun mangagassa aunsin araratuanna. Amungkangngu i tou mamu'essa, taweddu mapakkuudda, wuṛṛu amungkangngu i tou makkuudda, taweddu mapamu'essa.

MATIUS 11:23

Wuṛṛu i yamiu, Kapernaum! Apa i yamiu sarun iapaatanggakka ma'oman sara surga? Tawe! Ewe'e i yamiu sarun iwontolla su naraka! Ana waugu unnu wisara manga al᷊aṛṛindu'a apan niola'a su pattangnganni yamiu udde suete niola'a su Sodom, saran orassa indi ta'e pia Sodom!

MATIUS 16:19

I Ya'u sarun mangonggolla si yamiu a'unsin Runia Wakkun Ruata. Apa apan isassingada su wowon dunia, udde lai isassingada su surga. Wuṛṛu apa apan iapaaṛṛinonu su wowon dunia, udde lai mangke naṛṛino su surga.”

LUKAS 24:5

I mangitou mangke nata'utta, see inumal᷊intuda su leta'a, tantal᷊anna ruang katou udde mabbisara si mangitou, “Anio i yamiu maddea'a taumata wiakka su tampan taumata nate?

YOHANES 11:25

“Ete i Ya'u apan mangngonggolu wiakka wuṛṛu mapaawangunnu taumata nate,” wisara Mawu Yesus si Marta. “Taumata apan mangngimanna si Ya'u sarun mabbiakka, salaiwe i tou natete.

YOHANES 14:19

Tate mal᷊annu runia maasilo si Ya'u. Arawe i yamiu sarun maasilo si Ya'u. Wuṛṛu ana waugu i Ya'u wiakka, i yamiu lai sarun mabbiakka.

ROMA 6:9

Ana waugu i ite masingkatta manungku Kristus buatte niapaawiakka apia wuassu papate wuṛṛu i Tou tate mate apia; papate tate lai uataṛṛino watangan-Ne.

2 KORINTUS 13:4

Atonna su tempo i Tou niarussa, i Tou lome, arawe orassa indi i Tou mabbiakka ringannu taṛṛino Ruata. I yami lai lome sulal᷊ummu wiakki yami apan uaaukka ringanni Kristus, arawe napawe sumaruanna si yamiu, i yami lai matohassa su sambau ringanni Kristus ana waugu taṛṛinon Duata.

GALATIA 2:20

Orassa indi wal᷊inewe i ya'u mabbiakka, arawe ete Kristus apan mabbiakka sulal᷊ummu wadangku. Wiakka apan iraṛṛingi'u orassa indi eteudde mabbiakka ipangngimanna Ana'u Ruata apan marangngu si ya'u wuṛṛu buatte nanantillu watangan-Ne ana waugu i ya'u.

KOLOSE 3:3

Ana waugu i yamiu natete, wuṛṛu wiakku uawuni su sambau ringanni Kristus sulal᷊ummu Ruata.

IBRANI 1:3

Ete i Tou apan napaatualagu awawantugu Ruata apan lullendapa; ete i Tou hambarana apan masemakka wuassu wadangu Ruata sassane. Ete i Tou lai apan mammadul᷊i pa'a'aukku ul᷊ilim pati'uppa indi ringannu ṛengetan-Ne apan lembon mataṛṛino. Napawe i Tou suete namalan taumata nipallosa wuassu manga rosa mangitou, i Tou inuma'ianna su adderan araratuanna su surga su sambau ringannu Ruata, tembonanne apan atanggaṛṛanne.

IBRANI 12:2

Ṛinone aellegi ite tuddane su Mawu Yesus, ana waugu ete i Tou namangunna pangangimanni ite wuṛṛu nappadul᷊i wuassu paarorone saran panginsueanne. Mawu Yesus natataṛṛanga susa su alu arussa! I Tou tawe mannaungnga manungku mate su alu arussa udde sambau inolaanna apan ma'asili. I Tou tumba'u mannaungnga al᷊al᷊uassa apan sarun apendaman-Ne su allo murine. Orassa indi tou ua'ianna su samba'an uanannu Ruata wuṛṛu mammarenta suadio'a ringanni Tou.

IBRANI 7:16

I tou nitenega naola'a imam, wal᷊ine ana waugu manga atorannu taumata, arawe wuassu wiakke apan natataṛṛino wuṛṛu tawe panginsueanne.

IBRANI 7:25

Ana waugu udde saran mal᷊annu-l᷊annu Mawu Yesus wotongnge manal᷊amatta manga taumata apan nirumanta ringannu Ruata sulal᷊ummi Tou, ana waugu i Tou mabbiakka saran mal᷊annu-l᷊annu ipangapiddu sasal᷊ande su Ruata, hunane su manga taumata udde.

SONDAPPA 10:6

I tou nassalu ringannu arannu Ruata apan wiakka saran mal᷊annu l᷊annu, apan nandiaddi langitta wuṛṛu runia wuṛṛu tahal᷊oangnga see lai manga al᷊awo'a apan mabbiakka sulal᷊umme. Mala'ekatta udde nabbisara, “Tempone tate lai iasoṛṛota!

SONDAPPA 15:7

Wua'udde sambau wuassu wallatu riadianna appata udde nangonggola su sire pitu mala'ekatta udde pitum bau cawanna wul᷊awanna apan napenen asasa'un Ruata, – Ruata apan wiakka saran mal᷊annu-l᷊annu.

SONDAPPA 2:8

“Su mala'ekattu jamaatta su Smirna, woṛṛetta'a arendi: Ete indi tanata wuassi Tou apan paarorone wuṛṛu pangudusanne – apan natete wuṛṛu nabbiakka apia.

SONDAPPA 20:13

See tahal᷊oangnga nanantillu manga taumata nate sulal᷊umme. Papate wuṛṛu Runiam Papate lai nanantillu manga taumata nate sulal᷊ummi tou. Wuṛṛu manga taumata nate sarangkanambone udde niṛṛuumanna uasul᷊ungngu pallal᷊agu mangitou.

SONDAPPA 20:14

Wua'udde Papate wuṛṛu Runiam Papate tinuntunga sulal᷊ummu tahal᷊oangngu putungnga. (Tahal᷊oangngu putungnga indi eteudde papate aruane.)

SONDAPPA 3:7

“Su mala'ekattu jamaatta su Filadelfia, woṛṛetta'a arendi: Ete indi tanata wuassi Tou apan susi wuṛṛu tutune. Ete i Tou uaaggasa a'unsi apan tatahuananni Daud; amungkangu i Tou mamu'a, tawe saran sangkatou wotongnge maaṛṛu'uda, wuṛṛu amungkangu i Tou maṛṛuuda, tawe saran sangkatou wotongnge maawu'a.

SONDAPPA 4:9

Siri appata riadianna udde mangngantari antarin daralo, addata wuṛṛu a'adiangkamanna si Tou apan ua'ianna su adderan araratuanna udde, eteudde i Tou apan wiakka saran mal᷊annu-l᷊annu. Wuṛṛu su tempo manga riadianna udde mangngantari,

SONDAPPA 5:14

Ne sire appata riadianna udde sinumimbakka, “Amin!” Wuṛṛu manga piaṛṛa'a udde inumaruuta wuṛṛu nassubba.

SONDAPPA 6:8

I ya'u na'ellega, see niasiloangku sambau awal᷊o hatine namillosa. Sumasa'ene aranne Papate. Wuassu liudde, i tou tatantalongannu Runiam Papate marani-rani. Taṛṛino su wageangnge aiappane su runia indi tinantilla si mangitou, tadea'u i mangitou wotongnge mamate sulal᷊ummu pangalo, sulal᷊ummu ṛutumma, ara'e al᷊aṛṛusa'itta wuṛṛu wuassu manga winatangnga mal᷊aṛṛaga.

SONDAPPA 9:1

See mala'ekatta al᷊imane nattiuppa trompeti tou, wuṛṛu i ya'u naasilo sambau anumpitanna nanawo wuassu langitta su wowon runia.

1 SAMUEL 2:6

Mawu wotongnge mamate, i Tou lai mapawiakka. Watukku runian taumata nate i Tou nanossokku taumata. Wuṛṛu ete i Tou lai apan mangal᷊appa wua poiaroddi.