SASABANGNGA 35:29 - WUKE SUSI WATTI'U AL᷊AL᷊USASSA

²⁹ Taumattan Israel sarangkanambone ringanu naungnga mal᷊uassa nangapiddu aonggoli mangitou su Mawu su ola'u manara apan nirolokku Mawu si Musa.

SASABANGNGA 35:29 ပူးပေါင်းရင်းမြစ်များ

1 TAWARIKH 29:14

I ya'u wuṛṛu tumana'u indi atonna-tonna tawe mapangonggolu apa-apa Si'o, ana waugu sarangkanambone uddewe aonggolu Mawu, wuṛṛu apa apan ia'onggoli yami uddewe tatahuanan-Nu lai.

1 TAWARIKH 29:17

I ya'u masingkatta I'o mannal᷊u'atta naungngu taumata wuṛṛu maapulun taumata apan naungnge waresi. Ringannu asasaṛṛionto'a wuṛṛu al᷊al᷊uassu naungnga sarangkanambone indi ta'u ionggolla Si'o. I ya'u buatte na'ellega ereapa al᷊aṛṛanang-Ngu apan uasemodda isindi uaapiddu aonggolli mangitou Si'o ringannu al᷊al᷊uassu naungnga.

1 TAWARIKH 29:3

Ewe'e lai ana waugu ahewallu naungku su Wal᷊en Mawu udde, i ya'u lai buatte nanantillu sal᷊a'a wuṛṛu wul᷊awanna pussaa'u sassane:

1 TAWARIKH 29:6

Ne manga tembonannu amonanna, tembonannu ṛuanganna, manga piaṛṛa'u tantara ara'e perwira wuṛṛu mallal᷊u'adda darotongngu ratu nabbisara manungku i mangitou lai mappulu massumbala.

2 TAWARIKH 35:8

Manga mamanaran Yosia lai nangonggola su manga imam, wuṛṛu taumatan Lewi mawae aonggola wuassu tumanangnge. Manga mamanara apan nionggol᷊annu manara su Wal᷊en Mawu, eteudde Imam Wahewalla i Hilkia, wuṛṛu i Zakharia, see i Yehiel, ingana'a siri tallu indi nangonggolu su manga imam 2.600 ana'u domba wuṛṛu ana'u ambinga see 300 sapi esakka apan olaanna sasamba sulal᷊ummu ramea udde.

EZRA 3:5

Wal᷊ine wua'udde lai i mangitou ringannu uaatokka mangonggollu sasamba itattambunna see sasamba su Allo Wahewan Bul᷊anna Wakku, wuṛṛu su anambon allo wahewalla waine apan niola'a ipassubba Mawu. I mangitou lai mangngonggollu sasamba walate apulun naungnga su Mawu.

EZRA 8:28

I ya'u nabbisara su manga imam udde, “I yamiu niṛṛae hunan Mawu, Ruata apan sasubbannu iupungngu al᷊amonnan kite, aroddi lai al᷊awo'u saranapa sal᷊a'a wuṛṛu wul᷊awanna apan nionggolla su Mawu uddewe niṛṛae hunan Mawu.

SASABANGNGA 35:4

I Musa nabbisara su anambon balahannu Israel, “Arendiwe parentan Mawu;

SASABANGNGA 35:5

Apira'e sasamba su Mawu. Isai apan umal᷊ore naungnge, ṛinone mangonggolu wul᷊awanna, sal᷊a'a wuṛṛu witu'a;

SASABANGNGA 36:3

I Musa nangonggola si mangitou al᷊awo'u sasumbalan taumatan Israel su manara mapararisikku Rasannu Mawu. Arawe walahannu Israel ta'e sidutu sasamba si Musa suapan marua'allo.

YESAYA 8:20

Simbakke arendi, “Paddaringikke al᷊aṛṛa'u Mawu! Taumata apan tawe mabbisara uasul᷊ungngu al᷊aṛṛa'a udde, tawe antimma.”

MATIUS 28:20

Aṛṛa'ete i mangitou tuttuṛṛutta anambon parenta apan suete niparenta-U si yamiu. Wuṛṛu paanaunge, i Ya'u sarun maṛṛundinganna si yamiu saran panginsueannu runia indi.”

1 KORINTUS 3:5

Su ṛinone isai Apolos udde? Wuṛṛu isai Paulus? I yami tumba'u mangangimbe Ruata, apan suete nangehetta si yamiu see mangngimanna si Kristus. I yami tumba'u mappaamattu manara apan nirolokku Mawu si yami sangkatou-sangkatou.

1 KORINTUS 9:17

Unnu wisara i ya'u mappaamattu manara udde wuassu apulu'u sassane, ne i ya'u wotongnge mangantima lal᷊antake. Arawe i ya'u mamasingkattu Watti'u Al᷊al᷊uassa udde ana waugu udde manara'u. I ya'u nirolokku Ruata iapa'ola'a manara udde.

2 KORINTUS 9:7

Suapan taumata ṛinone mangonggola tumuṛṛuttu al᷊al᷊uassu naungnge. Arie i tou mangonggola ringannu uapapadua ara'e ipabbawata'a, ana waugu Ruata mandangngu taumata apan mangonggola ringannu naungnga mal᷊uassa.

GALATIA 6:16

Su taumata apan mabbiakka ringannu ṛingidda udde, aroddi lai su anambon al᷊aṛṛana'u Ruata, i ya'u mangngantima Ruata sarun mangonggolu paddarame wuṛṛu al᷊aman-Ne.

TAHIUL᷊E 11:32

i yamiu sarun tumuṛṛutta anambon tita apan ta'u niapasingkatta si yamiu allo indi.”

TAHIUL᷊E 12:32

Tuṛṛutte sarangkanambone apan ta'u nirolokka si yamiu; arie pattambai ara'e hainganna.

TAHIUL᷊E 4:2

Apa apan nirolo'u, arie pattambai ara'e hainganna sarangkadio'a. Paatuṛṛute manga parentan Mawu Ruatanu apan ta'u nionggola si yamiu.

2 PETRUS 1:19

Ana waugu udde i yami lembon mangngimanna lai tanatan Duata apan ipaasingkatu manga nabi. Mappianne i yamiu mangngimanna tanata udde, ana waugu tanata udde ere sol᷊o apan mannemakka tampa marandumma madatingngu matannallo sumabbanga, wuṛṛu semakku aṛṛusuallo manemakka lal᷊ummu naungngu.

MAL᷊AṚṚUUNGNGA 5:2

Paddalote Mawu, ana waugu manga awaṛaniannu Israel buatte nabbaidda inai mapapangalo, wuṛṛu tumanangnge ringannu naungnga mal᷊uassa inai mapapngalo.

MAL᷊AṚṚUUNGNGA 5:9

Su manga tembonannu tantaran Israel apan naiwawal᷊in batanganne ringannu naungnga mal᷊uassa, i ya'u mamasingkattu aadiangkamangku manambo-nambo. Paddalote Mawu!