SASABANGNGA 31:13 - WUKE SUSI WATTI'U AL᷊AL᷊USASSA

¹³ tadea'u iapapasingkatta su walahannu Israel, “Laghua'e allon Sabat, allo apan butte tinantunna maola'a allon pangillol᷊oanna. Saran mal᷊annu-l᷊annu allo udde mabbal᷊i pananaunganna si yamiu wuṛṛu si Ya'u, tadea'u i yamiu maasingkatta manungku i Ya'u buatte na'ola'a si yamiu walahang-Ku sassane.

SASABANGNGA 31:13 ပူးပေါင်းရင်းမြစ်များ

NEHEMIA 9:14

Allon Sabat apan na'ukkassa ṛinone ilaghu mangitou, wuṛṛu wuassi Musa Tita-Nu I'o nangonggolla.

SASABANGNGA 31:12

Mawu namarenta si Musa

SASABANGNGA 31:17

Allo udde eteudde allon pananaunganna sidutu su walahannu Israel wuṛṛu si Ya'u, ana waugu i Ya'u, Mawu, apan buatte nandiadi langitta wuṛṛu runia sulal᷊ummu annumu allo al᷊annune, wuṛṛu su allo appitune i Ya'u naddo nammanara wuṛṛu nangillol᷊o.”

YESAYA 56:2

I Ya'u mangal᷊amatta taumata apan mallaghun allon Sabat wuṛṛu tawe ma'ola'a rosa su allo udde. Taumata apan tawe ma'ola'a al᷊al᷊eo sarun Ta'u olaanna ringannu mapia.”

YEREMIA 17:22

Arie mammanara ara'e mangapiddu sambau saranapa sumabbangnga wuassu wal᷊enu su allon Sabatta. Ṛaea'e allo udde si Ya'u ere buatte Ta'u niparenta su al᷊amonanu.

YEHEZKIEL 20:12

I mangitou Ta'u nirolokka mamantuga allon Sabat maola'a sambau tialan paaire-Ku si mangitou, tadea'u mapanaungnga si mangitou manungku i Ya'u Mawu, buatte naṛṛae mangitou si Ya'u.

YEHEZKIEL 20:20

Pangaddate allon Sabat tadea'u maola'a tatialan paaire-U si yamiu, tadea'u mapanaungngi yamiu manungku ete i Ya'u Mawu Ruatanu.’

YEHEZKIEL 37:28

Napawe Wal᷊e-U uddete su pattangnganni mangitou saran mal᷊annu-l᷊annu, ne manga walahanna waine masingkatte manungku i Ya'u, Mawu apan buatte namile Israel maola'a uma-U sassane.”

YEHEZKIEL 44:24

Amungkangngu nariaddi pattatiakka su hatton pallaṛṛuungnga, i mangitou ṛinone manginsue udde ringannu manga tita-U. I mangitou ṛinone maddamea manga andeangngu agama, tumuṛṛuttu atorannu manga tita-U, see lai mangaddatta Sabatta sambau allo apan niṛṛae si Ya'u.

IMAMATTA 19:3

Suapan taumata ṛinone mangaddata iamangnge wuṛṛu inangnge wuṛṛu maddamean alloun Sabat ere buatte Ta'u nirolokka. Ete i Ya'u Ruatanu.

IMAMATTA 19:30

Ramea'e allon Sabat wuṛṛu pangaddate tampa apan niṛṛae ipassubba si Ya'u. Ete i Ya'u Mawu.

IMAMATTA 20:8

Paatuṛṛutte manga tita-U, ana waugu ete i Ya'u Mawu apan naṛṛae kamiu huna-U.”

IMAMATTA 21:8

Walahannu Israel ṛinone manga'u imam naola'a sangkatou taumata apan niṛṛae si Ya'u ana waugu i tou mangngonggolu sasamba anna si Ya'u. Ete i Ya'u Mawu; i Ya'u indi susi wuṛṛu i Ya'u napaasusi al᷊aṛṛana-U.

IMAMATTA 23:3

Pia annummu allo ipammanara, arawe allo appitune, allon Sabat, eteudde allo pangillol᷊oanna apan niṛṛaen Mawu. Su allo udde ṛinone i yamiu ma'ola'a ammul᷊annu patataṛṛamawu wuṛṛu imbaṛṛangnga mammanara.

IMAMATTA 25:2

niapapasingkattu manga atoranna indi su walahannu Israel. Amungkangngu i yamiu sumuttate watukku wanua apan sarun ionggolu Mawu si yamiu, i yamiu ṛinone mangaddata Mawu ringannu olangnge indi: Suapan tonna appitune i yamiu tawe wotongnge mabbailla ara'e massuanna.

IMAMATTA 26:2

Ramea'e manga allon Sabat wuṛṛu manga allo wahewan agama wuṛṛu pangaddate tampa apan niṛṛae passubbanna si Ya'u. Ete i Ya'u Mawu.

AMOS 8:5

I yamiu mabbusara su watangannu sassane, “Wal᷊ine hampa al᷊annunne manga allon damea. I ite mappulu mal᷊iha-l᷊ihakka mabbul᷊u gandummi ite apia, arawe ramea udde pendamanna tawe panguddusanne. Tingngerate allon Sabat umuddussa, tadea'u i ite wotongngete mabbal᷊u'a apia? I ya'u maapulu atonna mabbalante'a mallinga ringannu sasupa'a, wuṛṛu manna'o timbanganna.

MATIUS 23:17

I yamiu manga taumata woddo apan buta! Suapa ahunanne: Wul᷊awanna, ara'e Wal᷊e Mawu apan na'ola'a wul᷊awanna udde na'ukkassa?

YOHANES 17:17

Olaawe i mangitou pussa'an Iamangnga sassane sulal᷊ummu atatul᷊idda; wisaran Iamangnga eteudde atatul᷊idda.

YOHANES 17:19

Su hausanni mangitou, i Ya'u nanantillu riri-U maola'a pussa'an Iamangnga sassane, tadea'u i mangitou lai maola'a pussa'an Iamangnga sassane sulal᷊ummu atatul᷊idda.

TAHIUL᷊E 5:12

Laghua'e allon Sabat wuṛṛu addate allo udde maola'a sambau allo na'ukkassa, ana waugu ete i Ya'u Mawu Ruatanu apan nandolokki yamiu.

1 TESALONIKA 5:23

Antimanna Ruata sassane mangonggolu paddarame si ite, ma'ola'a si yamiu taumata apan atonna-tonna mabbiakka hunan Duata sassane. Doronganna Ruata mallu'adda ahewallu wadangngu, mawae ghaṛṛaho, ṛimuudda, wuṛṛu lai wadangngu, ma'oman sara tawe sangkule su tempo Mawun kite Yesus Kristus rumanta apia.

YUDAS 1:1

Manga tuṛṛangnga apan suete niwaggoanna wuṛṛu lembon arangnguannu Ruata Iamangnga, see rariagganna ana waugu Mawu Yesus Kristus. Naola'a allangngi Yesus Kristus, i ya'u – Yudas – tuṛṛangngi Yakobus,