ROMA 3:7 - WUKE SUSI WATTI'U AL᷊AL᷊USASSA

⁷ Arawe amungkangngu manga inolaanna apan nassal᷊a, apa apan naṛṛino su ola'u Ruata lembon lumiatta'a ma'oman sara i Tou raloanna, anio taumata apan ma'ola'a al᷊al᷊eo udde ta'e iapaasal᷊a ere taumata marosa?

ROMA 3:7 ပူးပေါင်းရင်းမြစ်များ

PANDARIADDI 37:20

Wette pateanni ite i tou, wuṛṛu winal᷊unanne iramme su paṛṛihi mamara. Mantewe iwal᷊on kite manungku i tou nate niaṛṛatu winatangnga mal᷊aṛṛaga. Ellehanten kite ereapa sal᷊immurine manga wal᷊iawane udde.”

SASABANGNGA 14:30

Su allo udde Mawu nanal᷊amatta balahannu Israel wuassu pangalon taumata Mesir, wuṛṛu i mangitou naasilo manga winal᷊unannu taumata Mesir nirangkalle su apanne.

SASABANGNGA 14:5

Napawe ratu Mesir naaringikka manungku balahannu Israel tinumal᷊angke, i tou wuṛṛu manga mammamanaran araratuanne sinumassilla wuṛṛu nabbisara, “Apate sarun olaanni ite? Anio i ite namalan manga taumatan Israel udde napul᷊e na'oman sara i ite niawul᷊iannu manga allangnga?”

SASABANGNGA 3:19

Wua'udde Ruata nabbisara apia, “I Ya'u masingkatta ratu Mesir tawe mamalang kamiu inai, tabene'e amungkangngu iwata'a.

MATIUS 26:34

“Naunge,” unnu Mawu Yesus si tou, “Ṛabbi indi lai, tantal᷊anna manu'a taambe inumu'u, paatallute i'o massina'a-U.”

WATTI'U MANGA RASUL 2:23

Ere su ṛingiṛṛan-Ne sassane, Ruata naṛṛawessa, i Tou manantillu Mawu Yesus si yamiu. Wuṛṛu su tempo i Tou tinantilla, i yamiu namate si Tou ringannu namala manga taumata lal᷊eo nangarussan Tou.

ROMA 3:4

Natantuna tawe! Ana waugu nasemakke manungku Ruata sidutu atonna, salaiwe al᷊awo'u taumata mammahia. Sulal᷊ummu Wuke Susi uawoṛṛetta, “Ṛinone i'o aatialanna atonna sulal᷊ummu apa apan iwabbisaranu, wuṛṛu i'o maauntungnga su tempo i'o parikisanna.”