ROMA 13:4 - WUKE SUSI WATTI'U AL᷊AL᷊USASSA

⁴ Ana waugu tembonanne udde, allangngu Ruata apan mammanara hunane ipadde'a apapianu. Arawe amungkangngu i'o ma'ola'a al᷊al᷊eo, i'o ṛinone mata'utti tou, ana waugu wal᷊inewe tawe mangal᷊ene i tou maṛṛuumannu taumata. Ete i tou allangngu Ruata, apan mangngonggolu ṛuumannu Ruata su manga taumata apan ma'ola'a al᷊al᷊eo.

ROMA 13:4 ပူးပေါင်းရင်းမြစ်များ

1 MARARATU 10:9

Dalo so Mawu, Ruatan Tuangnga! Ringannu nanenegi Tuangnga naola'a ratun Israel, Mawu napal᷊iatta'a aroddi al᷊uanne i Tou si Tuangnga. Tawe panginsueanne i Tou mandangngu walahannu Israel; ana waugu udde i Tou namile si Tuangnga naola'a ratun mangitou, tadea'u i Tuangnga wotongnge mandisikku tita wuṛṛu atatul᷊idda.”

2 TAWARIKH 19:6

wuṛṛu nangonggolu parenta indi si mangitou, “Pammanarate ringannu asingkatta, ana waugu i yamiu makkuungnga wal᷊ine wuassu arannu taumata, ewe'e wuassu arannu Mawu. I tou mallu'adda si yamiu sutempo i yamiu makkawessu hatto.

AMSAL 16:14

Asasa'un datu udde naal᷊ihidda watti'u ṛuumanna pateanna; taumata apan pande sarun mattinsahadda malladda!

AMSAL 20:2

Asasa'un datu naal᷊ihidda tingikku singa; taumata apan mandantan asasa'une udde atappasanne mannilakka watanganne sassane.

AMSAL 20:26

Ratu apan pande masingkattu isai taumata lal᷊eo; i tou sarun makkuumanni mangitou ringannu tawe ampungnge.

AMSAL 20:8

Napawe ratu uma'ianna udde adderan pallaṛṛuunganna, i tou maasilo sarangkanambone apan dal᷊eo.

YESAYA 1:17

pangurumpe ma'ola'a apapia. Pararisiṛṛa'e atatul᷊idda wuṛṛu illol᷊oa'e pangangallangnga; onggol᷊a'e su asisin timpal᷊ussa hakki mangitou samba'a ite hatton manga wawine wal᷊u.”

YEREMIA 5:28

lapiddu natawa wuṛṛu su lal᷊umanna'a. Al᷊al᷊eon mangitou tawe patta'al᷊anne. I mangitou tawe pallal᷊aghu matul᷊idda sulal᷊ummu hatton manga ana'a asisitimpal᷊ussa, wuṛṛu tawe manamba'a taumata apan niallangnga.

YEHEZKIEL 22:27

Manga tembonanne su pamarenta ere serigala apan mammaṛṛu wiakke. I mangitou ma'ola'a pamamate tumba'u ana maddea'a auntunganna.

YEHEZKIEL 25:14

Walahang-Ku Israel sarun Ta'u ipaatta ipabbal᷊issa naungnga lal᷊eo su Edom, wuṛṛu Edom sarun olaanna ringannu asaddatu asasa'u-U. Edom sarun maasingkatta ereapa temangnge maola'a tuddan asasa'u-U. I Ya'u Mawu Apan Atanggaṛṛanne buatte nabbisara.”

MIKHA 3:9

Paddaringikke manga wisara'u indi, ei i yamiu tembonannu Israel apan maddantinnu atatul᷊idda wuṛṛu mammal᷊elongngu apapia.

ROMA 12:19

Manga tuṛṛangku! Arie saran paassa i'o mangune, wala'e Ruata maṛṛuumanna. Ana waugu sulal᷊ummu Wuke Susi uawoṛṛetta, “Ete i Ya'u apan mabbal᷊issa, i Ya'u sarun maṛṛuumanna, unnu wisaran Mawu.”

ROMA 13:6

Eteudde lai pinangiananne anio tuṛṛangnga mammaekka wose, ana waugu tembonanne udde mamamanaran Duata apan mappaamattu manaran Mawu indi.

1 TESALONIKA 4:6

Sulal᷊ummu olangnge ereudde, arie saran sangkatou ma'ola'a pasasal᷊a su tuṛṛangnge, ara'e mallinga. Dorone yami suete napaanaungnga ringannu atonna si yamiu, manungku Mawu sarun maṛṛuumannu manga taumata apan ma'ola'a manga pasasal᷊a ereudde.

YOSUA 20:5

Amungkangngu taumata apan maapulu mabbal᷊issa inolaanna udde nangenggenna si tou ma'oman sara isudde, tumana'u soa udde tawe wotongnge manantillu taumata udde si tou. I mangitou ṛinone mallindumma ana waugu i tou namate taumata ringannu tawe nipattatudda, wuṛṛu wal᷊ine ana waugu uawawul᷊o.

YOSUA 20:9

Eteudde sarangkanambone manga soa tatal᷊anganna apan tinantunnu hunan anambon ṛuangannu Israel wuṛṛu lai su taumata raho apan uatana'a su pattangnganni mangitou. Suapan taumata apan namate taumata waine ringannu tawe nipattatudda, wotongnge maasomba aambangnga su manga soa udde wuassu aenggennu taumata apan ma'apulu mabbal᷊issa si tou; i tou tawe wotongnge pateanna amungkangu taambe niparikisanna su saruannu awadaalla.

1 PETRUS 2:14

aroddi lai su gubernure apan nitebo'u Kaisar iapaṛṛuumannu taumata apan ma'ola'a al᷊al᷊eo wuṛṛu mangngaddatta taumata apan ma'ola'a apapia.