ROMA 1:9 - WUKE SUSI WATTI'U AL᷊AL᷊USASSA

⁹ I ya'u sidutu uanaungnga si yamiu amungkangngu i ya'u umal᷊iomanna. Ruata matatialane manungku apa apan iwabbatti'u udde atonna. Tumba'u i Tou Ruata apan sassubbangku ringannu ahewallu naungku ringannu namasingkattu Watti'u Al᷊al᷊uassa su ola'u Anang-Nge.

ROMA 1:9 ပူးပေါင်းရင်းမြစ်များ

AYUB 16:19

I ya'u masingkatta manungku Mananambaa'u poi su surga; I Tou nangonggollu tatiala manungku i ya'u tawe dosa.

MARKUS 1:1

Ete indi Watti'u Al᷊al᷊uassa su ola'u Mawu Yesus Kristus, Ana'u Ruata.

LUKAS 18:1

Wua'udde Mawu Yesus nabbati'u sambau sasumandingnga ipangaṛṛa'a manga mallal᷊aṛṛenggen-Ne tadea'u i mangitou sidutu u'al᷊iomanna wuṛṛu tawe ma'adio'a naungnge.

WATTI'U MANGA RASUL 12:5

Nariaddi i Petrus tataṛṛangante su tuttupanna; arawe manga jamaatta sidutu u'al᷊iomanni Petrus su Mawu ringannu atonna-tonna.

WATTI'U MANGA RASUL 19:21

Wuassu arariadianna udde, i Paulus naṛṛawessa inaite watukku Makedonia wuṛṛu Akhaya, see masal᷊ate watukku Yerusalem. “Wua'isudde,” unni Paulus, “i ya'u inaite watukku Roma apia.”

WATTI'U MANGA RASUL 24:14

Atonna ṛinone i ya'u manga'u si Tuangnga manungku i ya'u massubba Ruatan iupungngu al᷊amonang kami tumuṛṛuttu al᷊aṛṛa'u Mawu Yesus apan sassunnanni mangitou nassal᷊a. Arawe i ya'u ta'e mangngimanna sarangkanambone apan uawoṛṛetta sulal᷊ummu Wuke Musa wuṛṛu Wuke Manga Nabi.

WATTI'U MANGA RASUL 27:23

Ana waugu na'allawanna mala'ekattu Ruata apan sassubbangku, eteudde Ruata apan uatahuanna si ya'u nirumanta ringangku.

WATTI'U MANGA RASUL 3:26

Ana waugu udde Ruata namile Allang-Nge, see nandolokki Tou nirumanta ringanni yamiu paarorone, tadea'u i Tou mangal᷊amatta si yamiu. Olangnge i Tou mangal᷊amatta eteudde na'ola'a manga tuṛṛangnga sarangkanambone nawal᷊u wuassu ola'u wiakki yamiu apan lal᷊eo.”

ROMA 9:1

Apa apan sarun iwisara'u indi atonna ana waugu i ya'u tatahuananni Kristus. I ya'u tawe mamahia. Naungku apan aehetannu Ghaṛṛahon Duata mannohassa si ya'u lai manungku wisara'u indi atonna.

2 KORINTUS 1:23

Ruata maola'a tiala'u – ana waugu i Tou masingkatu lal᷊oṛṛo naungku – manungku i ya'u tawe nariaddi watukku Korintus, ana waugu i ya'u maddiri ma'ola'a naungngi yamiu masusa.

2 KORINTUS 11:31

Ruata, Iamangngu Mawu Yesus masingkata manungku i ya'u tawe mangawusu. Aranne raloanna saran mal᷊annu-l᷊annu.

GALATIA 1:20

Apa apan ta'u niwoṛṛeta indi atonna. Ruata masingkata manungku i ya'u tawe mangawusu!

EFESUS 6:18

Ola'e sarangkanambone udde, lapiddu u'al᷊iomanna maddorongnga tul᷊ungannu Duata. Su al᷊o'engngu tempo, aal᷊iomante su ereapa Ghaṛṛahon Duata ua'ehetta si yamiu. Ṛinone i yamiu sidutu uatehamma wuṛṛu arie i yamiu mangillol᷊o. Aal᷊iomante sidutu hunan anambon al᷊aṛṛana'u Ruata.

FILIPI 1:3

Suapawe i ya'u maanaungnga si yamiu, i ya'u maadiangkamanna su Ruata.

FILIPI 1:4

Wuṛṛu suapan i ya'u umal᷊iomanni yamiu sarangkanambone, i ya'u u'al᷊iomanna ringannu naungnga mal᷊uassa.

FILIPI 2:22

I yamiu sassane naasilote tialane manungku Timotius pia gunane. I tou suete nammanara maṛṛimadda ringangku mabatti'u Watti'u Al᷊al᷊uassa wuassu Ruata. Iambua naal᷊ihida ana'a wuṛṛu iamangnga.

FILIPI 3:3

Sumbal᷊i ete i ite manga taumata apan suete nanarimmattu sunatta apan tutune, wal᷊inewe i mangitou. I ite massubba Ruata ringannu aehettu Ghaṛṛahon Duata sassane, wuṛṛu i ite maadiangkamanna ana waugu i ite mabbiakka su sambau ringanni Kristus Yesus. I ite tawe uatundeeta su manga inolaanna apan a'olaannu taumata.

1 TESALONIKA 1:2

I yami sidutu u'al᷊iomanna su Ruata ana waugu manga tuṛṛanga sarangkanambone. Suapan i yami umal᷊iomanna su Ruata wuṛṛu Iamangngi ite, i yami sidutu mannaungnga si yamiu. I yami sidutu u'al᷊iomanni yamiu. I yami mannaungnga ereapa i yamiu napaal᷊iatta'a sulal᷊ummu pallal᷊agu manungku i yamiu mangngimanna si Kristus, ereapa i yamiu mandangngu taumata waine, na'oman sara i yamiu mangngimbe si mangitou, wuṛṛu ereapa i yamiu mangantimma ringannu matohassa su Mawun kite Yesus Kristus.

1 TESALONIKA 3:10

Allo ṛabbi yami sussal᷊ande si Tou ringannu awawiran dal᷊ummu naungnga, tadea'u i yami wotongnge masasomba sassane ringanni yamiu ipanuungngu apa apan ipaapulun kamiu see ipangimanna si Kristus aroddi olangnge.

1 TESALONIKA 5:17

wuṛṛu sidutu u'al᷊iomanna.

1 TIMOTIUS 2:7

Wuṛṛu ana waugu eteudde i ya'u nirolokka inai ringannu manga taumata wal᷊ine Yahudi iapapasingkata si mangitou watti'a su ola'u pangangimanna apan atonna. Apan ta'u iwabbatti'a indi udde atonna, i ya'u tawe mamahia.

2 TIMOTIUS 1:3

I ya'u umal᷊iomanna su Ruata apan a'imbeangku ringannu awawiran naungnga ere lai suete niola'u iupungngu al᷊amona'u dorone. I ya'u sidutu maadiangkamanna su Ruata napawe i ya'u maanaungnga si'o sulal᷊ummu aal᷊iomanna, mawae allo ara'e ṛabbi.

FILEMON 1:4

Suapan i ya'u umal᷊iomanna, i ya'u mannaggon arannu tuṛṛanga wuṛṛu maadiangkamanna su Ruata.

1 SAMUEL 12:23

Su ola'u watangangku, doronganna ya'u tawe lai marosa su saruannu Mawu ana waugu tawe niumal᷊iomanni yamiu. Arawe mawal᷊i'a lai ya'u sidutu mangngaṛṛa'a si yamiu inolaanna apan mapia wuṛṛu naṛṛino.