PANDARIADDI 6:18 - WUKE SUSI WATTI'U AL᷊AL᷊USASSA

¹⁸ arawe si'o, i Ya'u ṛinone ma'ola'a paaire. Suttate sulal᷊ummu apalla udde suadio'a ringannu awingngu, wuṛṛu al᷊aṛṛanangngu wuṛṛu manga awingngi mangitou.

PANDARIADDI 6:18 ပူးပေါင်းရင်းမြစ်များ

PANDARIADDI 17:21

Arawe pa'aire-U ia'ukka ringanni Ishak, anangngu apan sarun isungkangngi Sara, tonna su hati iraṛṛangngo tempone ere indi.”

PANDARIADDI 17:4

“Ete indi pa'aire apan i Ya'u olaanna si'o; i Ya'u maddiandi manungku i'o sarun maola'a yamangngu al᷊amonan anambon balahanna. Ana waugu udde arannu waline i Abram, ewe'e i Abraham.

PANDARIADDI 17:7

I Ya'u sarun manipussa paaire-U si'o wuṛṛu su papapulunnu, uasasansunna, wuṛṛu paaire udde tawe panguddusanne. I Ya'u sarun maola'a Ruatanu wuṛṛu Ruatan papapulunnu.

PANDARIADDI 7:1

Ana see Mawu nabbisarate si Nuh, “I ya'u naasilo manungku tumba'u i'o sangkatou apan tuttuṛṛutta apulu-U. Nariaddi, suttate sulal᷊ummu apalla udde suadio'a ringannu anambon amonannu.

PANDARIADDI 7:13

Su allo udde lai, i Nuh wuṛṛu awingnge sinumuttate sulal᷊ummu apalla udde suadio'a ringannu siri tallu al᷊aṛṛanangnge, eteudde i Sem, i Yafet wuṛṛu i Ham suadio'a ringannu manga awingngi mangitou.

PANDARIADDI 7:7

I Nuh wuṛṛu awingnge, wuṛṛu manga al᷊aṛṛanangnge suadio'a ringannu manga awingngi mangitou, sinumuttate sulal᷊ummu apalla udde tadea'u masal᷊amatta wuassu manawangnga.

YESAYA 26:20

Suttate sulal᷊ummu wal᷊enu, ei pabbawala'u, ana see ṛuura'e ngara. Pa'imbunite tantal᷊angkadio'a ma'oman sara asasa'u Mawu muddussa.

IBRANI 11:7

Ana waugu mangngimanna, ne i Nuh niapasingkatannu Ruata su ola'u apa apan sarun mariaddi su allo murine, apan tawe asiloanni tou. I Nuh tinumuṛṛuta Ruata na'oman sara i tou nallanginnu apalla apan sal᷊immurine niasingkatanna napanal᷊amatta wadangnge wuṛṛu lal᷊oṛṛon bal᷊ene. Ringannu aroddi runia niṛṛuumanna, arawe i Nuh sassane ana waugu pangangimanne niapaal᷊iatta'u Ruata ere sangkatou taumata apan mapia.

1 PETRUS 3:20

eteudde ghaṛṛaho manga taumata apan mal᷊awangnga Ruata su tempo Nuh. Su tempo udde Ruata uaraṛṛaddo ringannu sabare tantal᷊anna Nuh mallanginnu apalla. Tumba'u manga taumata apan sulal᷊ummu apalla – sarangkanambone siri ual᷊u – apan nisal᷊amatta wuassu manawangnga apan wahewalla udde.

2 PETRUS 2:5

Aroddi lai runia su tempo rorone Ruata tawe namalan tou mal᷊iu wuassu ṛuumanna. Ruata napaarantan manawangnga wahewalla su runian manga taumata lal᷊eo su tempo udde. Tumba'u Nuh su sambau ringannu siri pitu waine apan niapaasal᷊amatta, ana waugu Nuh namasingkattu watti'a su ola'u wiakka apan maal᷊uassa naungngu Ruata.