PANDARIADDI 47:31 - WUKE SUSI WATTI'U AL᷊AL᷊USASSA

³¹ I Yakub nabbisara, “Pasalute manungku i'o sarun tumuṛṛutta.” I Yusuf nassalu, wuṛṛu i Yakub na'adiangkamanna su tampan lallowanganne.

PANDARIADDI 47:31 ပူးပေါင်းရင်းမြစ်များ

PANDARIADDI 21:23

Ana waugu udde, passalute isindi su saruannu Ruata, manungku i'o tawe mandal᷊eo si ya'u, ara'e su al᷊aṛṛana'u, ara'e lai su papapulungku. Ere lai inolaangku mapia si'o, pa'ola'a aroddi lai si ya'u wuṛṛu su wanua apan wawanuannu indi.”

PANDARIADDI 21:24

Unni Abraham, “I ya'u massalu.”

PANDARIADDI 24:2

Su allo sambau i Abraham nabbisarate allangnge atimmaranne, apan ual᷊u'adda alawo'u darotongnge, “Addoa'e limanu su wallatu palangku.

PANDARIADDI 24:26

Ne allangnga udde niumal᷊intudate nassubba Mawu.

PANDARIADDI 24:3

Passalute ringannu arannu Mawu, Ruata apan uataṛṛino langitta wuṛṛu runia, manungku i'o tawe madea'a awingngi Ishak ana'u wuassu wallatu manga taumatan Kanaan indi.

PANDARIADDI 31:53

Ruata apan sassubbanni Abraham wuṛṛu sassubannu iamangku i Nahor sarun maola'a mallaṛṛuungnga su wallati yaddua.” Ana see i Yakub nassalu ringannu arannu Ruata apan sassubanni Ishak, iamangnge, tadea'u masuungnga pa'airene.

PANDARIADDI 47:29

Napawe maraniten tempone mate, i tou namago si Yusuf, anangnge udde, ana see nabbisara si tou, “Addoa'e limanu su wallatu palangku wuṛṛu passalu manungku i'o tawe mallabingku isindi su Mesir.

PANDARIADDI 50:25

Ana see i Yusuf nandolokku anambon ana'u tuṛṛangnge massalu, wisarane, “Pa'irete si ya'u, manungku napawe Ruata mamiaaṛṛa'i yamiu watukku wanua udde, i yamiu lai sarun mangapiddu winal᷊unangku.”

PANDARIADDI 50:5

‘Su tempo iamangngu allanga maranite mate, allangngu nirolokka massalu si tou, manungku allangnga sarun mallabingngi tou sulal᷊ummu labingnga apan buatte niola'a su leta'u Kanaan. Ana waugu udde, wala'awe allangngu inai mallabingngu iamangngu allangnga. Wua'udde allangnga sarun mabelengnga.’ ”

1 MARARATU 1:47

Ewe'e lai manga tembonannu araratuannu ratu buatte nangonggollu wisaran sal᷊amatta si Ratu Daud. I mangitou nabbisara, ‘Antimanna Ruatan Tuangnga ma'ola'a si Salomo lembon tumelengnga wuassi Tuangnga; antimanna pamamarentan Salomo lembon wawantuga wuassu pamamarentan Tuangnga.’ Wua'udde su tampa tatiil᷊anne, i Ratu Daud niumal᷊intudda nassubba Ruata,

IBRANI 11:21

Ana waugu mangngimanna, tantal᷊anna Yakub taambe nate, i tou nangal᷊amatta manga al᷊aṛṛana'i Yusuf – ringannu uasandaka su puan ta'inne wuṛṛu massubba Ruata.