PANDARIADDI 41:52 - WUKE SUSI WATTI'U AL᷊AL᷊USASSA

⁵² “Ruata buatte nangonggolu manga ana'a si ya'u sulal᷊ummu tempon asasusa'u,” ana see anangnge aruane nissago “i Efraim”.

PANDARIADDI 41:52 ပူးပေါင်းရင်းမြစ်များ

PANDARIADDI 17:6

I Ya'u sarun mangonggolla si'o, manambo ana'a papapulunna, wuṛṛu su wallatti mangitou sarun piaddu maola'a manga ratu. Papapulunne sarun mabbal᷊i aroddi anambone, ma'oman sara i mangitou maola'a manga balahanna.

PANDARIADDI 28:3

Antimanna Ruata Lembon Taṛṛino mangal᷊amatta pa'a'awingngu wuṛṛu mangonggolla si'o ana'a papapulunna apan manambo, ma'oman sara i'o maola'a al᷊amonan balahanna manambo!

PANDARIADDI 41:51

Unni Yusuf, “Ruata buatte na'ola'a si ya'u naabul᷊in al᷊awo'u asasusa'u wuṛṛu su ṛuangannu iamangku.” Ana waugu udde ana'a paarorone nissagon tou “I Manasye”.

PANDARIADDI 41:53

Pitu tonna tempon al᷊al᷊aidda apan buatte niapendamannu wanua Mesir udde nasuete.

PANDARIADDI 48:1

Manga pira tempo wua'udde niapasingkatta si Yusuf manungku iamangnge maradda'e mawakkata. Nariaddi i tou inaite ringannu anangnge ruan katou, eteudde i Manasye wuṛṛu i Efraim nattembo si Yakub.

PANDARIADDI 48:5

I Yakub nanassu, “I Yusuf, anangngu ruan katou i Efraim wuṛṛu i Manasye apan niasungkanga su Mesir indi tantal᷊anna i ya'u taambe naranta isindi, udde lai ana'u, ere lai i Ruben wuṛṛu i Simeon.

PANDARIADDI 49:22

I Yusuf naal᷊ihidda keledai saṛṛen tumuwo keledai matengnga maranin al᷊imatang kua'e, tuttatal᷊angnga su sendekku wowone.

PANDARIADDI 50:23

I tou ta'e naasilo ana'a pulunni Efraim. I tou lai ta'e napabbuwunna manga ana'i Makhir, eteudde pulunni Manasye, naola'a anangnge sassane.

AMOS 6:6

I yamiu ma'inumma anggore wuassu halasi apan nilal᷊inanna napene, wuṛṛu i yamiu mappaattu lana mawangngi apan apianne, arawe i yamiu mappaattu lana mawangngi apan apianne, arawe i yamiu tawe masusa naungnge su ola'u ola'u araṛimunsa'u Israel.

REENGANNA 26:28

Wuassu papapulunni Yusuf, apan pia ruan katou ana'a esakka: amonanni Manasye wuṛṛu i Efraim.

WATTI'U MANGA RASUL 7:10

wuṛṛu napaal᷊iun tou wuassu al᷊awo'u asasusa. Ruata nangonggolu apapia wuṛṛu apande si tou su tempo i tou sinumaruanna si Firaun ratu Mesir, na'oman sara i Firaun nanenegi tou naola'a gubernure su wanua Mesir wuṛṛu tembonannu wal᷊en araratuannu Mesir.

YOSUA 16:4

Eteudde leta'a nionggola su ṛuanganni Manasye wuṛṛu i Efraim, papapulunni Yusuf, apan maola'a leta'a pussa'a mangitou.

YOSUA 17:1

Sambageanganna leta'a su samba'an waṛṛatu Sal᷊ukku Yordan nionggola su sambageangannu manga amonanna papapulunni Manasye, ana'a pahul᷊un i Yusuf. I Makhir, iamangngi Gilead, eteudde ana'a pahul᷊un Manasye. Ana waugu i tou sangkatou taṛṛa pangalo, ne leta'u Gilead wuṛṛu Basan apan addone su samba'an ra'in Sal᷊ukku Yordan nionggola si tou.

1 SAMUEL 1:20

Wawine udde piate illoṛṛo wuṛṛu nanungkangu sangkatou ana'a esakka. Ana udde nisaggo Samuel, wisarane, “Buatte ta'u niroronganna su Mawu.”