PANDARIADDI 38:24 - WUKE SUSI WATTI'U AL᷊AL᷊USASSA

²⁴ Iraṛṛangngo tallu wul᷊ana wua'udde i Yehuda naaringikka watti'a manungku i Tamar mananambone buatte nail᷊al᷊ihidda wawine masandaga wuṛṛu piate illoṛṛo. Ana see i Yehuda mamarenta, “Al᷊appe i tou wuṛṛu tambuna'e ma'oman sara mate!”

PANDARIADDI 38:24 ပူးပေါင်းရင်းမြစ်များ

PANDARIADDI 20:3

Su sambau ṛabbi Ruata naipasilon batangan-Ne su ratu udde sulal᷊ummu wal᷊iawa, wuṛṛu nabbisara, “I'o sarun mate, ana waugu i'o buatte nanganu wawine udde; ana waugu i tou piate awingnge.”

PANDARIADDI 20:7

Arawe orassa indi, paawelenga'e i tou ringannu awingnge. Awingnge sangkatou nabi, wuṛṛu i tou sarun umal᷊iomannu, tadea'u i'o tawe mate. Arawe amungkangngu i'o tawe mapaawelengngi tou, naunge, i'o wuṛṛu anambon tumana'u soanu sarun mate!”

PANDARIADDI 20:9

Wua'udde i Abimelekh namago si Abraham wuṛṛu naiwal᷊o, “Apa apan buatte niolangngu su saruanni yami? Apa sal᷊a'u su saruannu, na'oman sara i'o nandantan asasilaka si ya'u wuṛṛu su araratuangku? Tawe suṛṛinone inolaannu aroddi su saruangku.

PANDARIADDI 34:31

Arawe i mangitou sinumimbakka, “I yami tawe mapaawalan tuaring kami niola'a naal᷊ihidda wawine masandaga.”

PANDARIADDI 38:23

Unni Yehuda, “Wala'e manga saranapa udde onggol᷊a'e si tou, sawal᷊iate i ite tawe maasomba asasili. I ya'u buatte mattinsahadda mamaekka, arawe i'o tawe naasangkalla si tou.”

2 SAMUEL 12:5

Naaringikka udde i Daud mangke nandona ana waugu inolaannu iapa ala udde, ne i tou nabbisara, “Tumaniten maṛṛagissa taumata ala udde! Ringannu arannu Mawu apan biakka, taumata udde ṛinone mamelengngu ana'u domba udde paiappatta anambone wuṛṛu i tou ṛinone iṛṛuumanna pateanna!”

2 SAMUEL 12:7

Natan nabbisara si Daud, “Ete i Tuangnga taumatane udde! Wuṛṛu eteindi niwisaran Mawu, Ruatan Israel, ‘I'o buatte Ta'u nitenega maola'a ratun Israel wuṛṛu ete nisalamatta wuassi Saul.

MANNANASE 7:26

I ya'u naasingkatta manungku wawine mappettana wuassu papate. Darangngun bawine ere soma wuṛṛu sedda apan nariahite manemetta pabbawiakke. Laṛṛa'umme ere tal᷊i apan uaṛṛapussa masagadda. Taumata apan mappaamattu apulun Duata mal᷊iu wuassu seddane, arawe taumata marosa sarun asametanne.

YEREMIA 2:20

Mawu nabbisara, “Mal᷊annute i'o maddiri mattaṛṛamawu si Ya'u; maddiri tumuṛṛutta ara'e massubba si Ya'u. Su wowon suapan buidda apan matanggakka wuṛṛu su al᷊ungngu manga a'aluanna apan masindumunna i'o massubba manga mongannu asasuwukka.

YEREMIA 3:1

Mawu nabbisara, “Amungkangngu sangkatou inangngu ana'a sindoannu awingnge, ana see wawine udde nabbal᷊i awingngu taumata waine, ne iamangngu anangnge dorone tate wotongnge manganu si tou apia maola'a inangngu anangnge, ana waugu olangnge udde sarun maahohakka wanua indi. I'o Israel, piate tunanga tumanite manambo, ereapa orassa indi i'o ma'apulu mabbelengnga ringang-Ku!

YEREMIA 3:6

Sutempo i Ratu Yosia uaparenta, Mawu nabbisara arendi si ya'u, “I'o naasilote inolaannu Israel, wawine apan mal᷊awangnga udde? I tou nanantang-Ku wuṛṛu mammanara sussandaga su puiddu anambon wuidda apan matanggakka wuṛṛu su al᷊ungngu suapan aaluanna apan mapaṛṛampunga.

YEHEZKIEL 16:15

Arawe i'o nassal᷊a paattu araṛṛamagu see awawangngin arannu. I'o mattiilla ringannu suapan esakka apan sumabbi isudde.

YEHEZKIEL 16:25

I'o nandal᷊eo araṛṛamagu. Waddangngu ia'imbenu su manga esakka apan sumabbi, wuṛṛu tawe illol᷊one i'o sussandaga.

YEHEZKIEL 16:26

Mesir, al᷊indongannu apan bahewalla apulune udde, buatte niringanannu mattiilla. I'o mattatudda sussandaga tadea'u i Ya'u masa'u.

YEHEZKIEL 16:28

Arawe i'o taambe lai nawusa; ana waugu udde mangke mangngenggenna taumatan Asyur. I'o naola'a sumasandagi mangitou, arawe tawe lai maasomba awawusa wuassi mangitou.

YEHEZKIEL 16:41

I mangitou saru manoṛṛobba manga wal᷊enu wuṛṛu mandolokku manga wawine mabbiala i'o iṛṛuumanna. Etearoddi Ta'u iapaaddo pasasandagu. I'o tate lai mattahia aonggolla su manga arangnguannu.

YEHEZKIEL 23:19

Masokka-sokkate i tou sumandaga, tawe paddaṛṛalanne wuassu sutempo i tou ta'e dario'a sutempo i tou sussandaga su Mesir.

YEHEZKIEL 23:44

Ringannu ualal᷊ol᷊ossa manga taumata ruddanta ringanni Ohola wuṛṛu i Oholiba, ruang katou masandaga apan dal᷊eo udde.

YEHEZKIEL 23:5

Salaiwe i Ohola naola'e awing-Ku, i tou sidutu sussandaga, wuṛṛu tumaniten maapulu mangngimbe manga arangnguanne wuassu Asyur.

HOSEA 2:5

Inangngu sumasandaga apan tawe masili. I tou mabbisara, ‘I Ya'u sarun inai ringannu manga arangnguangku apan mangngonggolla si ya'u anna wuṛṛu ua'e, wol wuṛṛu linen, lanan zaitun wuṛṛu anggore.’

HOSEA 3:3

I ya'u nabbisara si tou manungku i tou ṛinone maṛṛaddo si ya'u sutempone apan mal᷊annu. Su al᷊annune udde i tou imbaṛṛangnga i tou sumandaga ara'e ma'ola'a al᷊al᷊eo, wuṛṛu i ya'u lai tawe mangundanin tou.

HOSEA 4:15

Ei i yamiu taumatan Israel, i yamiu tawe satia si Ya'u! Arawe, i Ya'u mangantimma Yehuda tawe ma'ola'a pasasal᷊a apan uasul᷊ungnga! Imbaṛṛangnga mattaṛṛamawu su Gilgal ara'e su Betel. Imbaṛṛangnga massalu poiaroddi ringannu arannu Mawu apan biakka.

IMAMATTA 20:10

Amungkangngu sangkatou Israel sinumandaga ringannu awingngu taumata sambalahanne, i tou wuṛṛu wawine udde ṛinone iṛṛuumanna pateanna.

IMAMATTA 21:9

Amungkangngu sangkatou wawine ana'u imam naola'a sussandaga, i tou nallobbossa iamangnge wuṛṛu i tou itambunna ma'oman sara mate.

ROMA 14:22

Wala'e apa apan pangimanannu udde, olaanna su saruannu Ruata hunanu sassane. Taumata apan tawe pinangiananne ipamendama pasasal᷊a, su apa apan sassunnane naṛṛino taumata udde su lal᷊umanna'a.

TAHIUL᷊E 24:16

Imbaṛṛangnga taumata timmadete iṛṛuumanna pateanna, ana waugu al᷊al᷊eo apan niola'u anangnge, wuṛṛu imbaṛṛangnga ana'a iṛṛuumanna ana waugu al᷊al᷊eon hagurangnge. Suapan taumata wotongnge iṛṛuumanna pateanna ana waugu al᷊al᷊eo apan niolangnge sassane.

MAL᷊AṚṚUUNGNGA 19:2

Arawe ana see wawine udde nandona si tou, na'oman sara i tou nabelengnga watukku wal᷊en iamange su Betlehem. Napawe wawine udde natana'e poiaroddi appatu wul᷊anna al᷊annune,