PANDARIADDI 38:19 - WUKE SUSI WATTI'U AL᷊AL᷊USASSA

¹⁹ I Tamar napul᷊ete watukku wal᷊ene wuṛṛu nalluatta lal᷊indummu hatine, ana see nalluṛṛen laubbu inawal᷊uanne apia.

PANDARIADDI 38:19 ပူးပေါင်းရင်းမြစ်များ

PANDARIADDI 38:14

Ne i tou nanal᷊iu laubbu inawal᷊uanne ringannu laubba waine. Hatine nilindumanna, ana see i tou inuma'iante su ngara pasallangannu soan Enaim, apan addone su lal᷊anna mattudan Timna. I Tamar masingkatta atonna manungku i Syela ana'i Yehuda ṛembonne, wahewalle, arawe i tou taambe lai niawingnga ringannu umbasanna udde.

PANDARIADDI 38:18

“Apa wataṛṛune?” aiwal᷊on i Yehuda. Sasimbakki Tamar, “Onggol᷊a'e si ya'u cappan Tuangnga ringannu tal᷊ine wuṛṛu lai ta'inna apan aagasanni Tuangnga udde.” I Yehuda nangonggolu manga saranapa udde si tou, ana see itarua natatambate, wuṛṛu i Tamar piate illoṛṛo.

PANDARIADDI 38:20

Manga pira tempo wua'udde i Yehuda nandolokki Hira, hawene, iapa'untuddu ambinga udde wuṛṛu mangul᷊e apia manga saranapa apan buatte nionggoli tou maola'a wataṛṛu, arawe i Hira tawe naasangkalla wawine udde.

2 SAMUEL 14:2

ana waugu udde i tou napaal᷊appu sangkatou wawine pande apan uatana'a su Tekoa. Napawe wawine udde na'omate, i Yoab nabbisara si tou, “Inangnga ṛinone pangawusu lullal᷊o; palluṛṛeten laubbu lullal᷊o, wuṛṛu imbaṛṛangnga mamuṛṛan lana mawangngi. Pattannote ere wawine apan mal᷊annute lulluai papaten taumata apan arangnguanne.

2 SAMUEL 14:5

“Pia apa?” aiwal᷊on datu si tou. Wawine udde sinumimbakka, “Allangngu indi sangkatou wawine wal᷊u apan asiangnga. Awingngu allangngu natete.