PANDARIADDI 32:7 - WUKE SUSI WATTI'U AL᷊AL᷊USASSA

⁷ Naaringikka udde i Yakub tumanite nata'utta wuṛṛu mappawangnga. Ana see manga taumata apan su sampunna ringanni tou nitahia nabbal᷊i ruang kawageanganna, aroddi lai domba, ambinga, sapi wuṛṛu untane.

PANDARIADDI 32:7 ပူးပေါင်းရင်းမြစ်များ

PANDARIADDI 32:11

I ya'u sumal᷊ande ringannu atonna, liuaawe i ya'u wuassu iaangku i Esau. I ya'u matta'utta aṛṛengenne i tou rumanta mamangalo wuṛṛu mamate si yami sarangkanambone, see lai wawine wuṛṛu manga ana'a.

PANDARIADDI 32:3

Wua'udde i Yakub nandolokku manga pira daroloṛṛanne umamatta malliu ṛoro waussi tou watukku wanua Edom inai maisasomban Esau, iaangnge.

PANDARIADDI 32:8

Su ṛingiranne, “Amungkangu i Esau rumanta wuṛṛu mamangalo wageangnge paarorone, ne wageangnge aruane wotongnge manal᷊amatta watanganne.”

PANDARIADDI 33:1

I Yakub naasilo si Esau nirumanta ringannu appatu ṛasutta taumatane. Ana waugu udde i tou nattahia manga anangnge su wallati i Lea, i Rahel wuṛṛu ruan katou awingnge su liudde.

DARALO 107:6

Sulal᷊ummu asasusa i mangitou ma'ial᷊are su Mawu, wuṛṛu i Tou namallossi mangitou wuassu asasusa.

DARALO 112:5

Lal᷊umanna'a su taumata apan masaṛṛionto'a naungnge wuṛṛu apulune mappawallasa wuṛṛu matul᷊idda su al᷊awo'u manara.

DARALO 142:4

Sutempo i ya'u asueanten antimma, I'o masigkattu apa apan ṛinone ta'u olaanna. Su lal᷊anna apan ta'u amatanna, seetta mal᷊anna-l᷊annaba nantaingngu sedda si ya'u.

DARALO 31:13

I ya'u tinimbul᷊iananna naal᷊ihidda taumata nate, wuṛṛu nabbal᷊i ere saranapa nirammete.

DARALO 61:2

Daringiṛṛewe sasal᷊ande'u, oh Ruata, naungewe aal᷊iomangku.

SASABANGNGA 14:10

Napawe taumatan Israel naasilo ratu Mesir wuṛṛu tantarane nirumanta, i mangitou mangke nata'utta wuṛṛu mangngintul᷊i maiontolla su Mawu.

AMSAL 2:11

Pasasunna wuṛṛu apandenu sarun mallu'adda si'o,

YESAYA 28:26

I tou masingkatta ola'u manarane, ana waugu buatte niaṛṛaannu Ruatane.

MATIUS 10:16

“Daringiṛṛe paapia indi: i Ya'u nandolokki yamiu naal᷊ihidda domba apan tawe auatanne su wallattu serigala mal᷊aṛṛaga. I yamiu ṛinone paatehamma ere atoanna wuṛṛu matul᷊idda naungnge ere merpati.

MATIUS 8:26

“Anio i yamiu matta'utta?” unnu Mawu Yesus. “Pangangimanni yamiu si Ya'u mattul᷊ungnga!” Wua' udde Mawu Yesus dirumarisikka wuṛṛu nandona anginna wuṛṛu rano udde. See rano udde nabbal᷊ite nal᷊enakka atonna.

YOHANES 16:33

Sarangkanambone indi iwabal᷊o-U si yamiu, tadea'u i yamiu maasomba al᷊al᷊uassa ana waugu su sampunna ringang-Ku. Su runia i yamiu sarun matataṛṛangnga. Arawe siddutu'a naungngu! I Ya'u suete napaarugin runia!”

WATTI'U MANGA RASUL 14:22

Su manga soa udde i mangitou mannohassa naungngu mallal᷊aṛṛenggennu Mawu Yesus wuṛṛu mannantiro mallal᷊aṛṛenggenna udde tadea'u sidutu mangngimanna Mawu Yesus. “I ite ṛinone matataṛṛangnga rorone, wakkute udde i ite wotongnge mamendamma al᷊al᷊uassa su Runian Wakku Ruata,” aroddi manga rasul udde mangngaṛṛa'a manga mallal᷊aṛṛenggennu Mawu Yesus su soa udde.

2 KORINTUS 1:4

I Tou mannohassa naungngi yami sulal᷊ummu asasusa apan aapendamanni ami, tadea'u ringannu atatohassa apan nisengkammi yami wuassu Ruata udde, i yami lai wotongnge manohassa naungngu taumata nambo sulal᷊ummu asasusa.

2 TIMOTIUS 3:12

Atonna anambon taumata apan maapulu mabbiakka mattaṛṛamawu, wuṛṛu mabbiakka uaaukka ringanni Kristus Yesus sarun sansaranna,