PANDARIADDI 32:31 - WUKE SUSI WATTI'U AL᷊AL᷊USASSA

³¹ Su tempo matannallo sumabangke, i Yakub nanantangken Pniel, wuṛṛu i tou u'ento ana waugu passondorannu tapanangnge naggal᷊isa.

PANDARIADDI 32:31 ပူးပေါင်းရင်းမြစ်များ

PANDARIADDI 16:13

I Hagar naiwal᷊o sulal᷊ummu naungnge, “Atonnawe i ya'u naasilote Ruata apan Mappaddul᷊i si ya'u?” Ne i tou nanagon arannu Mawu, apan buatte nabbisara si tou, “Ruata Apan Nappaddul᷊i”.

PANDARIADDI 19:15

Napawe maranite nallo, ruan katou mala'ekatta udde mannasa si Lot tadea'u paal᷊ihakke manantangngu tampa indi. “Paal᷊ihakke,” unni tarua, “Paal᷊ihakke ringannu awingngu wuṛṛu ruan katou anangngu maṛṛuala wuassu tampa indi, tadea'u i yamiu tawe mate napawe soa indi soṛṛowanna.”

PANDARIADDI 19:23

Matannallo tantal᷊anna sussabangnga su tempo i Lot na'omate su Zoar.

PANDARIADDI 32:25

Napawe taumata udde naapendamma manungku i tou tawe maauntungnga sulal᷊ummu pallaṛṛawa'a udde, i tou namuulla si Yakub su tapannangnge, na'oman sara pasasondoṛṛannu tapanangnge naggal᷊isa.

PANDARIADDI 32:32

Naddatingngu orassa indi lai papapulunni Israel tawe uminassa ṛemessa apan ua'oossa tapanna'u winatangnga, ana waugu i Yakub buatte nipuulla su tapannangnge.

1 MARARATU 12:25

Napawe naola'e ratun Israel, i Yerobeam nanohassa soan Sikhem su wageangngu penenteannu Efraim, ana see natana'a poiaroddi tal᷊angkadio'a. Wua'udde i tou inaite lai wua isudde wuṛṛu nanohassa soa Pnuel.

1 MARARATU 18:26

Ne i mangitou namile sambau sapi wuṛṛu nanaddiate. Wua'udde i mangitou niumal᷊iomanna si Baal wuassu marua allo naddatingngu allattune lapiddu mangngintul᷊i, “Simbakke si yami, Baal!” I mangitou ma'ola'a udde lapiddu massal᷊aingnga uapal᷊iwutta mezbah mangitou. Arawe tawe sasimbakka saran addio'a.

DARALO 38:17

Arie pabbala'a see'u mal᷊uassa maasilo asasusa'u, arie pabbala'a i mangitou mattal᷊imoṛonganna napawe i ya'u lomete.

SASABANGNGA 24:10

wuṛṛu i mangitou naasilote Ruata Israel uarisikka al᷊iurosone su sambau tampa naal᷊ihidda apampakku wal᷊en wuassu nilam, wuṛṛu ma'elomma naal᷊ihidda langitta masemakka.

SASABANGNGA 24:11

Manga piaṛṛa'u Israel udde naasilote Ruata; salaiwe aṛṛoddi i Tou tawe namate si mangitou. Wua'udde i mangitou niumante wuṛṛu na'inumpe.

YESAYA 6:5

Wua'udde i ya'u nabbisara, “Nasilakate! Tate antimma lai si ya'u, ana waugu moṛṛongku kotore ana waugu rosa, wuṛṛu i ya'u uatana'e su pattangngannu walahanna ereudde lai. Sallaiwe aroddi, ringannu mata'u sassane i ya'u buatte naasilo Ratu, Mawu Apan Lembontaṛṛino!”

MALEAKHI 4:2

Arawe si yamiu apan matuṛṛutta si Ya'u, taṛṛino-U apan mannal᷊amatta sarun sumabbangnga ere matannallo, wuṛṛu semakke mangngapiddu apapia. I yamiu sarun mapallossa wuṛṛu lumuassa ere ana'u sapi apan wakku niapasabbangnga wuassu tatandange.

2 KORINTUS 12:7

Arawe tadea'u i ya'u tawe tumaniten mamarabunga ana waugu aellega apan wahewalla udde, i ya'u nionggol᷊annu lihiddu radda'a su wadangku apan maola'a ahiddu Setanna. Radda'a udde nionggola ipamuulla si ya'u, tadea'u i ya'u tawe mamarabunga.

2 KORINTUS 12:9

Arawe Mawu sinumimbakka, “I Ya'u mandangngu si'o wuṛṛu ete indi wuannu; ana waugu taṛṛino-U ahewal᷊anne amungkangngu i'o sulal᷊ummu al᷊allome.” Ana waugu udde naungku mal᷊uassa mamarabungan al᷊allome'u, ana waugu amungkangngu i ya'u lome, ne su tempo udde i ya'u maapendama manungku Kristus uariagga si ya'u ringannu atatohan-Ne.

TAHIUL᷊E 5:24

Unni mangitou, ‘Mawu Ruatan kite buatte namasilon ahahewalla wuṛṛu awawantu-Ge su tempo yami naaringikka si Tou mabbisara wuassu putungnga. Allo indi yami naasilote manungku wotongnge taumata sidutu mabbiakka, salaiwe Mawu Ruata buatte nabbisara si tou.

TAHIUL᷊E 5:26

Apa piate taumata apan sidutu wiakka napawe naaringikka Mawu Ruata apan biakka udde mabbisara wuassu putungnga?

MAL᷊AṚṚUUNGNGA 6:22

I Gideon naatutukka manungku apan nirumanta ringanni tou udde mala'ekattu Mawu sassane. Ne ringannu matta'utta i Gideon nabbisara, “Nasilakate i ya'u, oh Mawu Apan Atanggaṛṛanne! Ana waugu i ya'u buatte nasasaruannu mala'ekan-Nu!”

MAL᷊AṚṚUUNGNGA 6:23

Arawe Mawu nabbisara si tou, “Paatammuda! Arie pa'ata'utta. I'o tawe mate.”

MAL᷊AṚṚUUNGNGA 8:8

Wua'udde i Gideon nanassute amatanne ana see na'omate su Pnuel. Poiaroddi lai i tou nadorongnga anna ionggola su tantarane. Arawe sasimbakku taumatan Pnuel nassul᷊ungngu sasimbakku taumatan Sukot.