PANDARIADDI 18:7 - WUKE SUSI WATTI'U AL᷊AL᷊USASSA

⁷ Wua'udde i tou tinumal᷊angnga su tampan ammul᷊annu winatangnge, namile ana'u sapi atawanne see lai masi'ome ṛemene, ana see nionggolla su allangnge, lapiddu nilaha.

PANDARIADDI 18:7 ပူးပေါင်းရင်းမြစ်များ

PANDARIADDI 18:6

I Abraham nasasaṛṛawutta sinumutta sulal᷊ummu rasanne wuṛṛu nabbisara si Sara, “Paasaṛṛawutta manganu taponna sangkaronga apan apianne, wuṛṛu pa'ola'e roti mal᷊imbulunna.”

PANDARIADDI 18:8

Wua'udde i Abraham nanganu susu, susu paarorone, wuṛṛu ṛemessa apan buatte nilaha udde, ana see nisaru su manga rahone. Tantal᷊anna i mangitou u'anna, i Abraham sassane mangngimbe si mangitou su al᷊ungngu alu udde.

PANDARIADDI 19:3

I Lot mangke sinumal᷊ande, wuṛṛu panginsueanne itarua sinumutta suadio'a ringanni tou sulal᷊ummu wal᷊ene. I Lot nanaddia anna matemangnga wuṛṛu nallol᷊o roti addaalle, ana see niumante i mangitou.

AMOS 6:4

Nasilakate i yamiu apan mattiilla su lallowanganna apan mangkapia wuṛṛu maandeangngu ṛemessu sapi wuṛṛu domba apan ta'e saṛṛen tumuwo!

MALEAKHI 1:14

Niawontohante iapa taṛṛa wahia apan mangngonggollu sasamba si Ya'u winatangnga apan tawe aregane, amungkangngu suwallattu winatangnga papadul᷊iananna pia binatangnga apan mapia apan buatte nipa'irene si Ya'u! Ana waugu ete i Ya'u Ratu Mawantuga, wuṛṛu aaddatannu anambon balahanna.”

MATIUS 22:4

Wua'udde ratu nandolokku lai manga ralol᷊oṛṛanne waine. Wisarane si mangitou: ‘Wal᷊oa'a su taumata apan suete niwal᷊oanna udde: Imbe su andeangnga nasaddiate. Sapi wuṛṛu manga ana'u sapi'u apan apianne suete nipototta. Sarangkanambone nasaddiate. Ringannu addatta rantate su andeangngu awingnga!’

LUKAS 15:23

Wua'udde panganute ana'u sapi atawanne wuṛṛu pototte. I ite sarun umanna wuṛṛu lumuassa.

LUKAS 15:27

Mangangimbe udde sinumimbakka, ‘Tuarinu nawelengke! Wuṛṛu iamangngu suete nandolokka niapapototta ana'u sapi apan matawa, ana waugu nawelengnga apia ana'i tou ringannu sal᷊amatta!’

LUKAS 15:30

Ana'u Iamangnga udde suete nanginsue darotongngu Iamangnga ringannu wawine masandaga, arawe napawe i tou nawelengnga, Iamangnga namototta ana'u sapi apan matawa si tou!’

1 SAMUEL 28:24

Ringannu mal᷊ihakka wawine udde namate ana'u sapi apan matawa wuṛṛu nanganu taponna see niṛṛamissa, wua'udde niolangnge roti apan tawe ragine.