MATIUS 8:20 - WUKE SUSI WATTI'U AL᷊AL᷊USASSA

²⁰ Mawu Yesus sinumimbakka, “Serigala pia loṛṛangnge wuṛṛu manu'u winalanganna pia sal᷊akke, arawe Ana'u Taumata tawe tampa lallalowanganne.”

MATIUS 8:20 ပူးပေါင်းရင်းမြစ်များ

DARALO 104:12

Maranine manga manu'u winalanganna na'ola'a sal᷊akka; i mangitou mangngantari suwallattu manga rongnga.

DARALO 104:17

Isudde nassal᷊akke manga manu'u winalanganna, manu'a waṛṛoa nassal᷊akka su puidde.

DARALO 109:22

Ana waugu i ya'u asiangnga wuṛṛu susa, wuṛṛu naungku nal᷊essa na'oman lal᷊umme.

DARALO 40:17

Antimanna anambon taumata apan massubba Si'o lumuassa wuṛṛu lumala'a, wuṛṛu sarangkanambone apan mandangngu asasal᷊amatta wuassu Mawu sidutu mabbisara, “Atonna mawantuga Mawu!”

DARALO 69:29

Wala'e aranni mangitou pappasanna wuassu wuken taumata wiakka; wuṛṛu tawe uawoṛetta sulal᷊ummu arannu taumata matul᷊idda.

DARALO 84:3

Naungku tumaniten luṛṛintulun Wal᷊en-Nu, ṛimuuddu waddangku lullala'a su Ruata apan wiakka.

DANIEL 7:13

Sulal᷊ummu sonda'u rabbi udde, i ya'u naasilo sambau lihidde ere taumata. I Tou nirumanta ringanni papal᷊iwutannu winabbawa ana see inaite ringannu Tou apan wiakka saran mal᷊annu-l᷊annu wuṛṛu niapasingkatta si tou.

MATIUS 12:32

Amungkangngu taumata mabbisara wisara tatompola su Ana'u Taumata, i tou wotongnge ampunganna, arawe amungkangngu i tou mangngaddio'a Ghaṛṛahon Ruata, i tou tawe aampunganna, mapia orassa indi ara'e lai su panginsueanne!”

MATIUS 12:40

I Yunus uatana'a tallu allo tallu ṛabbi sulal᷊ummu tiannu inassa masallaka. Aroddi lai Ana'u Taumata sarun matana'a tallu allo tallu ṛabbi sulal᷊ummu tiannu runia.

MATIUS 12:8

Ana waugu Ana'u Taumata uaagassa allon Sabatta.”

MATIUS 13:37

Mawu Yesus sinumimbakka, “Taumata apan mangngasi'u wualanna apan mapia udde, eteudde Ana'u Taumata.

MATIUS 16:13

Mawu Yesus inaite su wageangngu leta'a maranin soa Kaisarea Filipi. Isudde i Tou naiwal᷊o mallal᷊aṛṛenggen-Ne, “Unnu wisaran taumata, isai Ana'u Taumata udde?”

MATIUS 16:27

Tate mal᷊annu lai Ana'u Taumata, su sampunna ringannu manga mala'ekanNe, sarun dumanta ringannu taṛṛinon IamangNge. Su tempo udde i Tou sarun mabbal᷊issa manga taumata tumuṛṛuttu inolaannu sangkatou-sangkatou.

MATIUS 17:9

Su tempo i mangitou sinumossokke wuassu wuidda udde, Mawu Yesus napaanaungnga si mangitou, “Arie pabbatti'a sisai-sai, apa apan suete niasiloanni yamiu tanginna, tantal᷊anna Ana'u Taumata taambe niapawangunna wuassu papate.”

MATIUS 19:28

Mawu Yesus nabbisara si mangitou, “Pangimante: Su Runia apan Bakku, Ana'u Taumata sarun uma'ianna su adderan araratuanna apan mawantuga. Su tempo udde i yamiu mallal᷊aṛṛenggeng-Ku sarun uma'ianna su mapul᷊o dua adderan araratuanna wuṛṛu makkuungnga mapul᷊o dua walahannu Israel.

MARKUS 8:38

Amungkangngu sangkatou taumata massili mangnga'u si Ya'u wuṛṛu al᷊aṛṛa'U su tempo mal᷊awangnga wuṛṛu lal᷊eo indi, Ana'u Taumata lai massili manga'u taumata udde, su tempo i Tou rumanta apia ringannu taṛṛinon Iamangnge, tatantalongannu manga mala'ekatta apan susi.”

LUKAS 12:8

“Paanaunge mapia-pia: Taumata apan nanga'u su saruannu awada'alla manungku i tou mallal᷊aṛṛenggeng-Ku, i tou sarun a'uannu Ana'u Taumata lai su saruannu manga mala'ekattu Ruata.

LUKAS 18:8

Pangimante: I Tou ringannu mal᷊iha-l᷊ihakka manamba'a hatto mangitou! Arawe napawe Ana'u Taumata rumanta, apa ta'e asombanganna lai taumata apan mangngimanna si Tou su runia indi?”

LUKAS 2:12

Ete indi tatialane: I yamiu sarun maaratingnga sangkatou ana'a aoosannu laṛṛeme, niapaatiilla su tampan aananannu winatangnga.”

LUKAS 2:16

I mangitou lapiddu inai, see naaratingke si Maria wuṛṛu si Yusuf, wuṛṛu ana'a adio'a udde tantal᷊anna mattiilla su tampa aananannu winatangnga.

LUKAS 2:7

I tou nangunsiweten sangkatou ana'a esakka, anangnge pahul᷊u. Ana'a udde nioosannu laṛṛeme, see niapaatiilla su tampan aananannu winatangnga niampaṛṛannu laṛṛami; ana waugu i mangitou niasueannu tampa pattindahoanna.

LUKAS 21:36

Paariagate, wuṛṛu sidutu a'al᷊iomanna tadea'u i yamiu matohassa mamipen al᷊awo'u hatto apan sarun mariaddi wuṛṛu i yamiu wotongnge sumaruanna Ana'u Taumata.”

LUKAS 8:3

wuṛṛu lai i Yohana awingngi Khuza, maṛṛinun araratuanni Herodes; i Susana, wuṛṛu manambo lai wawine waine. Ringannu roitti mangitou sassane, i mangitou nallal᷊ima Mawu Yesus wuṛṛu manga mallal᷊aṛṛenggen-Ne.

LUKAS 9:58

Mawu Yesus sinumimbakka, “Serigala pia liangnge, wuṛṛu manu'u winalanganna pia sal᷊akke, arawe Ana'u Taumata tawe tampa lallalowangan-Ne.”

YOHANES 1:51

Mawu Yesus nabbisara apia, “Atonna, pangimante, i'o sarun maasilo langitta mawu'a, wuṛṛu manga mala'ekattu Ruata uapapal᷊ele ringannu Ana'u Taumata.”

YOHANES 12:34

Manga taumata nambo udde nabbisara si Tou, “Tumuṛṛuttu Wuken Titang kami, Ratun Punnu Sal᷊amatta sarun mabbiakka sarangkal᷊o'engnge. Ereapa I'o wotongnge mabbisara manungku Ana'u Taumata ṛinone iruitta su wowon runia? Isai Ana'u Taumata udde?”

YOHANES 13:31

Napawe i Yudas sinumabangke, Mawu Yesus nabbisara, “Orassa indi Ana'u Taumata wantuhanna, wuṛṛu Ruata wantuhanna sulal᷊ummi Tou.

YOHANES 3:13

Tawe saran sangkatou apan suete nasengkengnga watukku surga, tumba'u i Tou apan sinumossokka su runia, eteudde Ana'u Taumata.

YOHANES 3:14

Ere lai i Musa nanduittu atoanna witu'a su alu sambua su wadda'a, aroddi lai Ana'u Taumata ṛinone iruitta,

YOHANES 6:27

Arie pammanara ipaddea'a anna apan wotongnge masue wuṛṛu mawukku'a. Pammanarate tadea'u maasomba anna apan tawe mawukku'a wuṛṛu apan mangngonggolu wiakka tutune wuṛṛu saran mal᷊annu-l᷊annu. Anna udde sarun ionggolu Ana'u Taumata si yamiu, ana waugu i Tou suete nitenegu Ruata Iamangnga.”

YOHANES 6:53

See Mawu Yesus nabbisara si mangitou, “Pangimante: Amungkangngu i yamiu tawe umanna ṛemessu Ana'u Taumata wuṛṛu ma'inumma raṛṛa-Ne, i yamiu atonna-tonna tawe mabbiakka.

YOHANES 6:62

Ereapa olangnge amungkangngu i yamiu maasilo Ana'u Taumata masengkengnga apia su tampane apan paarorone?

WATTI'U MANGA RASUL 7:56

“Pa'ellega” unni Stefanus, “i ya'u ma'asilo surga nawu'a wuṛṛu Ana'u Taumata uarisikka su samba'an uanannu Ruata!”

2 KORINTUS 8:9

Ana waugu i yamiu masingkata atonna manungku i ite lembon arangnguanni Yesus Kristus Mawun kite. I Tou ala, arawe i Tou nattingkaola'a asiangnga ana waugu i ite, tadea'u ringannu paa'asiangnge udde i yamiu maola'a ala.