MATIUS 6:10 - WUKE SUSI WATTI'U AL᷊AL᷊USASSA

¹⁰ Ete I'o Ratung kami. Antimanna I'o mamarenta su runia wuṛṛu apulu-Nu tatuṛṛutanna ere lai su surga.

MATIUS 6:10 ပူးပေါင်းရင်းမြစ်များ

NEHEMIA 9:6

Wua'udde tumana'u Israel niumal᷊iomanna arendi, “Ete I'o Mawu, Ete I'o apan Lembontinggassa; I'o na'ola'a anumpitanna wuṛṛu ahewallu winalanganna, see lai tahal᷊oangnga wuṛṛu runia see al᷊awo'u lal᷊oṛṛone, see I'o nangonggollu pabbiaṛṛanna wuṛṛu I'o nappaddul᷊i. Ete Si'o al᷊awo'u taṛṛino su langitta u'al᷊intudda massubba; i mangitou niumaruutta Si'o wuṛṛu massaṛṛubbawa.

DARALO 2:6

Wisara-Ne, “Su Sion wui-U apan susi buatte Ta'u nitenega ratu nipile-U.”

DARALO 40:8

Ana see i ya'u nabbisara, “Indete i ya'u, sulal᷊ummu lul᷊unnu wuke niwoṛetta si ya'u.

YESAYA 2:2

Wuassu manga allo addantane wuidda tampan Bal᷊en Mawu apan uapasi'a matanggakka wuṛṛu uarisikka matohassa roso su manga wowone wuṛṛu manga wuidda. Anambon walahanna mangngelekka inai poiaroddi,

YEREMIA 23:5

Mawu nabbisara, “Sarun a'omanna tempone, i Ya'u sarun manenegu sangkatou ratu apan matul᷊idda wuassu papapulunni Daud. Ratu udde sarun mamarenta ringannu masiṛṛongnga, wuṛṛu mapaamattu atatul᷊idda wuṛṛu atonna su ahewallu wanua.

DANIEL 2:44

Sutempo pamamarentan manga ratu udde, Ruata su surga sarun mapararisikku sambau araratuanna apan mattaṛṛangnga saran mal᷊annu-l᷊annu wuṛṛu sarun tawe iawaddon al᷊awo'u walahanna su al᷊awo'u tampa. Araratuanna udde sarun makkimunsa'a al᷊awo'u walahanna su al᷊awo'u araratuanna waine udde.

DANIEL 4:35

Manga walahanna su runia tawe gunane. Ruata uataṛṛino mala'ekatta su surga wuṛṛu tumana'u runia. Tawe saran sangkatou apan maal᷊awangnga apulu-Ne, taweddu waṛṛani mamasingkattu apa apan niolang-Nge.”

DANIEL 7:13

Sulal᷊ummu sonda'u rabbi udde, i ya'u naasilo sambau lihidde ere taumata. I Tou nirumanta ringanni papal᷊iwutannu winabbawa ana see inaite ringannu Tou apan wiakka saran mal᷊annu-l᷊annu wuṛṛu niapasingkatta si tou.

DANIEL 7:27

Taṛṛino wuṛṛu awawantugu al᷊awo'u araratuanna su runia sarun ionggolla su umattu Ruatu Apan Atanggaṛṛanne. Taṛṛinon mangitou ipamarenta tawe panguddusanne wuṛṛu anambon tembonanne su runia sarun mattaṛṛamawu si mangitou ringannu matuṛṛutta.”

ZAKARIA 9:9

Ei tumana'u Sion, lalluasse! Ei tumana'u Yerusalem, paggiote! Pa'ellege! Rutunu nirumanta ringannu auntunganna! I tou ratu matul᷊idda apan uaapiddu asasal᷊amatta. Arawe ringannu napenen asasaṛṛionto'u naungnga i tou nirumanta uasa'e keledai, sambau keledai saṛṛen tumuwo.

MATIUS 12:50

Taumata apan ma'ola'a apulun Iamangku su surga, i tou tuṛṛang-Ku esakka, tuṛṛang-Ku wawine wuṛṛu inang-Ku.”

MATIUS 16:28

Asingkatawe! Wuassu wallatti yamiu isindi piaddu tawe mate, tantal᷊anna taambe naasilo Ana'u Taumata rumanta mamarenta ere sangkatou Ratu.”

MATIUS 26:42

Apia lai Mawu Yesus inaite inumal᷊iomanna, wisara-Ne, “Iamangnga, amungkangngu asasusa indi sarun maṛṛia'a si Ya'u wuṛṛu tate ial᷊inda'a, apulu-Nu ariadite Iamangnga.”

MATIUS 3:2

“Awal᷊ute wuassu manga rosanu,” wisarane, “ana waugu Ruata tate mal᷊annu lai mamarenta ere sangkatou Ratu!”

MATIUS 4:17

Nanattakke su tempo udde Mawu Yesus namasingkatta, “Awal᷊ute wuassu manga paddarosanu, ana waugu Ruata mal᷊ihakke rumanta mamarenta ere sangkatou Ratu!”

MATIUS 7:21

“Tawe anambon taumata apan mammaggo si Ya'u, ‘Mawu, Mawu,’ sarun maola'a lal᷊oṛṛon araratuannu Ruata, arawe tumba'u manga taumata apan tuttuṛṛutta apulun Iamangku su surga.

MARKUS 11:10

Nial᷊amatante araratuan-Ne apan sarun dumanta – araratuanni Ratu Daud, iupungngu al᷊amonang kite! Dalo su Ruata Apan Atanggaṛṛanne!”

MARKUS 3:35

Taumata apan tuttuṛṛutta apulun Ruata, ete i tou tuṛṛang-Ku esakka, tuṛṛang-Ku wawine, wuṛṛu inang-Ku.”

LUKAS 19:11

Tantal᷊anna taumata ta'e uararingikka Mawu Yesus mabbisara, i Tou nabati'u sambau sasumandingnga. Ana waugu su orassa udde i Tou maraniten Yerusalem, wuṛṛu taumata massunna manungku Ruata mal᷊iha-l᷊ihakka mamarenta ere sangkatou Ratu su runia indi.

LUKAS 19:38

I mangitou u'ui, “Nial᷊amatanna Ratu apan nirumanta ringannu arannu Mawu! Paddarame su surga wuṛṛu awawantuga su Ruata!”

LUKAS 22:42

see inumal᷊intuda wuṛṛu inumal᷊iomanna, “Iamangnga,” wisara-Ne, “amungkangngu wotongnge, paaraua'a wuassia-U sansara apan sasaruanang-Ku indi. Arawe arie tumuṛṛuttu apulu-U, ewe'e tumuṛṛuttu apulun Iamangnga.” [

YOHANES 4:34

See Mawu Yesus nabbisara, “Angku eteudde tuttuṛṛutta apulun Tou apan nadolo-U, wuṛṛu mangnginsue manara apan tinantilli Tou si Ya'u.

YOHANES 6:40

Atonna, eteudde apulun Iamang-Ku: Tadea'u anambon taumata maasilo Ana'a wuṛṛu mangngimanna si Tou maasomba wiakka tutune wuṛṛu saran mal᷊annu-l᷊annu, wuṛṛu iapaawiakka apia su Allong Kiamatta.”

YOHANES 7:17

Taumata apan matuṛṛutta apulun Ruata, sarun maasingkatta tanne al᷊aṛṛa-U indi darantane wuassu Ruata ara'e wuassia-U sassane.

WATTI'U MANGA RASUL 13:22

Napawe Ruata nanossokki tou wuassu aiananne, Ruata nanenegi Daud maola'a ratu mangitou. Wuṛṛu ete indi apan iwabal᷊on Ruata su ola'i Daud, ‘I ya'u suete naasomba si Daud ana'i Isai udde sangkatou apan ma'al᷊uassa naung-Ku. Tumba'u i tou taumata apan mangngamattu apulu-U.’

WATTI'U MANGA RASUL 21:14

I Paulus maddiri madaringikka si yami, ne yami tate naningaddi tou. “Walatte apulu Mawu sassane mariaddi,” unni yami.

WATTI'U MANGA RASUL 22:14

Wua'udde i tou nabbisara si ya'u, ‘Ruata iupungngu al᷊amonang kite suete namile si'o, tadea'u i'o maasingkatta pandumme wuṛṛu maasilo Mawu Yesus, Allangngu Ruata apan nanipussa apulun Ruata see madaringikka tingikku Mawu Yesus sassane.

ROMA 12:2

Imbaṛṛangnga mattanno apulun dunia indi. Wala'e Ruata mandiaddi ririnu maola'a wakku, tadea'u i yamiu pia awawal᷊u. Ringannu aroddi yamiu wotongnge maasingkata apulun Duata – eteudde apa apan mapia wuṛṛu apan maal᷊uassa naung-Nge wuṛṛu apan nasuungnga.

EFESUS 6:6

Arie ma'ola'a aroddi tumba'u su tempo i yamiu aellehanna, tumba'u ana see maasomba daralo wuassu taumata. Arawe ṛinone i yamiu ma'ola'a udde ere sangkatou allangngi Kristus apan tantal᷊anna tuttuṛṛuta apulun Duata ringannu ahewallu naungnga.

KOLOSE 1:13

I Tou suete namallosi ite wuassu taṛṛinon araranduma wuṛṛu nangingkati ite sulal᷊ummu araratuannu Anang-Nge apan arangnguan-Ne.

KOLOSE 1:9

Ana waugu udde i yami sidutu u'al᷊iomanni yamiu ro'en i yami naaringikka su ola'i yamiu. I yami naddorongnga su Ruata tadea'u Ghaṛṛahon Duata mangonggolu apande wuṛṛu asingkata si yamiu, na'oman sara i yamiu maasunna apa ipaapulun Duata.

1 TESALONIKA 4:3

Ete indi ipaapulun Duata tadea'u i yamiu tumba'u mabbiakka ringanni Tou, susi, mangngindaun al᷊awo'u pallal᷊agu apan lal᷊eo.

1 TESALONIKA 5:18

Sulal᷊ummu alawo'u inolaanna ṛinone i yamiu maadiangkamanna, ana waugu eteudde ipaapulun Duata wuassi yamiu taumata apan mabbiakka uaaukka ringanni Kristus Yesus.

IBRANI 1:14

Amungkangu aroddi, manga mala'ekatta udde apa i mangitou? Ete i mangitou udde manga ghaṛṛaho apan mangngimbe Ruata, wuṛṛu apan iradolokku Ruata iapaatul᷊ungngu manga taumata apan sarun manengkamma asasal᷊amatta.

IBRANI 10:36

I yamiu ṛinone masabare, tadea'u i yamiu wotongnge mapa'ola'a apulun Ruata wuṛṛu ringannu aroddi yamiu manengkamma apa apan suete nipa'iren Tou.

IBRANI 10:7

See i Ya'u nabbisara, ‘Ete indi Ya'u, oh Ruata! I Ya'u nirumanta tadea'u tumuṛṛutta apulu-Nu, ere uawoṛṛetta su ola'u riri-U sulal᷊ummu Wuke Susi.’ ”

IBRANI 13:21

Antimanna Ruata punnu paddarame udde manuungngi yamiu ringannu al᷊awo'u apapia apan pappandumanni yamiu ipa'ola'a apulu-Ne. Antimanna ringannu tatangngannu Mawu Yesus i Kristus, Ruata mammanara sulal᷊ummu naungngi ite, apa apan ipaapulu-Ne. Ṛinone Kristus raloanna saran mal᷊annu-l᷊annu! Amin.

1 PETRUS 2:15

Ana waugu Ruata maapulu tadea'u ringannu manga inolaannu apan mapia i yamiu maṛṛapinga moṛṛongu taumata apan wagga maggahatto.

1 PETRUS 4:2

Ana waugu udde, ṛinone i yamiu sidutu mabbiakka su runia indi tuttuṛṛuta apulun Duata, wuṛṛu wal᷊ine tuttuṛṛuta apulun taumata.

SONDAPPA 11:15

See mala'ekatta appitune nattiuppe trompeti tou, ne su surga niaṛṛingiṛṛante manga tingikka ma'ikkatta apan mabbisara, “Taṛṛino ipamarenta runia orassa indi sulal᷊ummu lima Mawung kite wuṛṛu Ratum Punnu Sal᷊amatta apan suete pina'ire-Ne. I Tou sarun mamarenta saran mal᷊annu-l᷊annu!”

SONDAPPA 12:10

See i ya'u naaringikka tingikka apan ma'ikkatta su surga mabbisara, “Ete orassa indi tempone Ruata manal᷊amatta pabbawala-Ge! Orassa indi Ruata napaal᷊iatta'u taṛṛino-Ne ere sangkatou Ratu! Orassa indi Ratum Punnu Sal᷊amatta apan suete pina'ire udde suete napaal᷊iatta'u taṛṛino-Ne! Ana waugu apan nangansila manga tuṛṛangi ite su saruannu Ruata, allo wuṛṛu ṛabbi, suete niapaasabbanga wuassu surga.

SONDAPPA 19:6

Napawe wua'udde i ya'u naaringikka sambau ere tingikku ammul᷊annu taumata nambo atonna; tingikke naal᷊ihidda lua'a mabbasse wuṛṛu ere rallu'a mappose. I ya'u naaringikka i mangitou mabbisara, “Paddalote Ruata! Ana waugu Ruatang kite Lembon Taṛṛino udde, orassa indi uaparenta!

SONDAPPA 20:4

See i ya'u naasilo manga adderan araratuanna, wuṛṛu manga taumata apan ua'ianna su manga adderan araratuanna udde inonggol᷊annu taṛṛino ipangema'u ṛuumanna. I ya'u lai naasilo manga ṛimuuddu taumata apan suete niponggo'a puane ana waugu i mangitou mattiala su ola'u Mawu Yesus, wuṛṛu mammasingkatu tanata Ruata. Manga taumata udde tawe massubba winatangnga, ara'e lai paal᷊uanne. I mangitou lai tawe saran paassa nanengkama tatiala manga winatangnga udde su pakkana ara'e su lima mangitou. Ne i mangitou nabbiakka apia wuṛṛu namarenta ere sangkatou ratu suadio'a ringanni Kristus saṛṛiwu su tonnane al᷊annune.