MATIUS 5:12 - WUKE SUSI WATTI'U AL᷊AL᷊USASSA

¹² Manga nabi apan nabbiakka su tempo i yamiu taambe su runia, nisansara lai ereudde. Luasse wuṛṛu lala'e, ana waugu lal᷊antakke manambonisaddia Mawu si yamiu.”

MATIUS 5:12 ပူးပေါင်းရင်းမြစ်များ

PANDARIADDI 15:1

Wua'udde, i Abram naasomba sondappa wuṛṛu naaringikka Mawu nabbisara si tou, “Arie paata'utta, i Abram, i Ya'u sarun mallu'adda si'o wuassu asasilaka, wuṛṛu mangonggolla si'o lal᷊antakke apan manambo.”

1 MARARATU 18:13

Apa Iamangnga taambe naaringikka manungku sutempo Izebel namate manga nabi Mawu, i ya'u namuni 100 su atoune wuassi mangitou sulal᷊ummu loṛṛangnga – 50 suatoune sulal᷊ummu sambau loṛṛangnga – wuṛṛu nangonggollu anna wuṛṛu ua'e si mangitou?

1 MARARATU 18:4

Sutempo Izebel namate manga nabin Mawu, i Obaja indi nantul᷊ungngu 100 suatoune nabi ringannu namunin mangitou sulal᷊ummu loṛṛangnga – 50 su atoune su loṛṛangnga sambau – see nangonggollu anna wuṛṛu ua'e.)

1 MARARATU 19:2

Ne i Izebel nangirimmu watti'a indi si Elia, “Antimanna manga monganna makkuumanna, ewe'e lai mamate si ya'u, amungkangngu tiṛṛabbi ere lai orassa indi ya'u tawe mapa'inolaanna si'o ere lai i'o na'inolaanna manga nabin Baal udde.”

1 MARARATU 21:20

Sutempo i Ahab naasilo si Elia, i tou nabbisara, “Ei seetta, panginsueanne i'o naasangkalla si ya'u!” “Atonna,” sasimbakki Elia. “Ana waugu i Tuangnga ringannu na'utulla na'ola'a al᷊al᷊eo su aellegu Mawu,

1 MARARATU 22:8

I Ahab sinumimbakka, “Ta'e pia sangkatou, i Mikha ana'i Yimla. Arawe i ya'u maddantinni tou, ana waugu tawe saran paassa i tou maramallu apa apan mapia si ya'u; sidutu apan dal᷊eo.” “Eh, arie pabbisara aroddi!” sasimbakki Yosafat.

2 MARARATU 1:9

Ana see i tou nandolokku sangkatou tembonannu tantara wuṛṛu siri liman pul᷊o tantarane inai iapasametta si Elia. Tembonannu tantara udde inaite ana see naaratingnga si Elia tantal᷊anna ua'ianna su sambau wuidda. “Ei, allangu Ruata,” wisaran tembonannu tantara udde, “ratu nandolokka i'o iapasossokka!”

2 TAWARIKH 16:10

Wisaran Nabi Hanani udde naasa'u si Asa na'oman sara nabi udde nitaṛṛon Asa sulal᷊ummu tattupanna. Orassa udde lai Asa nanansara manga pira taumata wuassu tumanangnge.

2 TAWARIKH 36:16

Arawe i mangitou mannalangnga manga daroloṛṛannu Ruata udde, wuṛṛu lullagen manga nabi-Ne see lai tawe maddaringikka manga wisara-Ne. Panginsueanne Mawu aroddi nasa'u si mangitou na'oman sara tate dal᷊anna sabbanganni mangitou tadea'u mapallossa wuassu ṛuuman-Ne.

NEHEMIA 9:26

Arawe uman-Nu nilumawangnga wuṛṛu tate tumuṛṛutta Si'o, tawe maddaringikka tita wuṛṛu atoran-Nu, namate manga nabi apan napaanaungngi mangitou, wuṛṛu apan nadolokki mangitou mabbelengnga ringan-Nu, Ruatane. Oh Mawu, masokka lai I'o lallobbosanni mangitou,

DARALO 19:11

Titan Mawu udde maareganne wuassu wul᷊awanna tutune, mattemanganna wuassu pul᷊a apianne.

DARALO 58:11

Ma'ellega taumata lal᷊eo niṛṛuumanna, taumata matul᷊idda lulluassa, wuṛṛu nangukkassa leddane su daṛṛan taumata lal᷊eo.

AMSAL 11:18

Auntungannu taumata lal᷊eo, auntunganna tawe gunane, auntungannu taumata inolaanne mapia eteudde auntunganna apan tutune.

YESAYA 3:10

Mawu nabbisara, “Pasingkata'e su taumata apan matuṛṛutta si Ya'u manungku i mangitou sarun su lal᷊umanna'a wuṛṛu sal᷊amatta. I mangitou sarun maatemma wuan inasaharanni mangitou.

YEREMIA 2:30

Tawe gunane I yamiu Ta'u iṛṛuumanna, ana waugu i yamiu maddiri maddaringikka tataggu. Ere singa apan tantal᷊anna tuttambo, etearoddi lai i yamiu mamate manga nabinu.

YEREMIA 26:8

Tawe nal᷊annu napawe i ya'u buatte namasingkattu anambon tanata Mawu ere buatte niparenta Mawu, i mangitou nanametta si ya'u lapiddu mangngintul᷊i, “I'o ṛinone nate!

YEREMIA 37:14

I ya'u nabbal᷊issa, “Tawe aroddi! I ya'u tawe pandumma tumal᷊angnga su samba'an seetta.” Arawe i Yeria maddiri maddaringikka. I tou nanametta wuṛṛu nangapi'u sinumaruanna manga tembonannu araratuanna.

MATIUS 16:27

Tate mal᷊annu lai Ana'u Taumata, su sampunna ringannu manga mala'ekanNe, sarun dumanta ringannu taṛṛinon IamangNge. Su tempo udde i Tou sarun mabbal᷊issa manga taumata tumuṛṛuttu inolaannu sangkatou-sangkatou.

MATIUS 6:16

“Amungkangngu i yamiu mappuasa, imbaṛṛangnga massusa ere taumata apan apulune mammahia. I mangitou mammal᷊u hatine tadea'u anambon taumata maasingkatta manungku i mangitou mappuasa. Paanaunge, eteudde lal᷊antakke apan suete nisengkammi mangitou.

LUKAS 13:34

Yerusalem, Yerusalem! Manga nabi suete nipatenu! Manga ralol᷊oṛṛannu Ruata suete tinuntungannu watu na'oman sara nate! Paapirate i ya'u ma'apulu mangammullu anambon tumana'u soa indi ere inangngu manu'a mangooppa manga anangnge sulal᷊ummu papaidde, arawe i'o maddiri!

LUKAS 6:23

Manga nabi su tempo rorone a'olaanna lai aroddi. Amungkangngu olangnge udde mariaddi, ṛinone yamiu lulluassa wuṛṛu massal᷊aingnga ringannu lullala'a ana waugu wahewa lal᷊antakke si yamiu apan suete nissaddia su surga.

LUKAS 6:35

Ṛinone wal᷊ine aroddi! Ewe'e i yamiu ṛinone umakkannu seetti yamiu wuṛṛu pia pallal᷊agu mapia si mangitou. I yamiu ṛinone mapawallassa wuṛṛu arie mangantimma mawelengnga apia. Amungkangngu aroddi, lal᷊antakku wahewa wuṛṛu i yamiu sarun maola'a al᷊aṛṛana'u Ruata Apan Atanggaṛṛanne. Ana waugu Ruata naungnge mapia su saruannu taumata apan waga ma'aidengkamanna, wuṛṛu su saruannu taumata lal᷊eo lai.

WATTI'U MANGA RASUL 16:25

Iraṛṛangngo alloaranete, i Paulus wuṛṛu i Silas u'al᷊iomanna wuṛṛu mangngantarin daralo su Ruata. Manga taumata tataṛṛanganna waine lai tantal᷊anna uararingikka sitarua mangngantari.

WATTI'U MANGA RASUL 5:41

Manga rasul udde nanantangngu Mallaṛṛuungngu Agama ringannu lulluassa ana waugu Ruata suete na'ola'a si mangitou naasomba aal᷊uandaga ana waugu Mawu Yesus.

ROMA 5:3

Wuṛṛu nangillembo wua isudde, i ite lai lulluassa sulal᷊ummu asasusa, ana waugu i ite masingkata manungku asasusa ma'aola'a taumata maṛṛimadda,

1 KORINTUS 3:8

itarua uassul᷊ungnga. Sangkatou-sangkatou sarun manengkamma lal᷊antake tumuṛṛuttu inasaharanne.

2 KORINTUS 4:17

Wuṛṛu asasusa apan tawe tumaniten mawakkata indi, apan tumba'u papendamanni yami tal᷊an kadio'a, sarun mangonggolu hessine si yami sambau al᷊al᷊uassa apan wahewalla wuṛṛu tawe pangudusanne. Al᷊al᷊uassa udde maggewal᷊anna marau amungkangngu isul᷊ungngu asasusa udde sassane.

FILIPI 1:29

Ana waugu Ruata suete nangonggolu al᷊amatta si yamiu, wal᷊ine tumba'u ipangimanna si Kristus, arawe lai matataṛṛangnga asasusa ana waugu Kristus.

FILIPI 2:17

Asinungka i ya'u sarun pateanna wuṛṛu ṛaṛṛa'u maola'a ere sambau sasamba manampal᷊iu wuassu sasamban kamiu su Ruata maola'a sambau tatiala manungku i yamiu mangngimanna si Tou. Amungkangu udde atonna ṛinone maola'a aroddi, ya'u maadiangkamanna su olangnge udde wuṛṛu lulluassa suaddio'a ringanni yamiu.

KOLOSE 1:24

Orassa indi ya'u mal᷊uassa matataṛṛanga hunan kamiu. Ana waugu ringannu asasusan wadangku, i ya'u manuungngu apa apan ta'e ṛinone niapendamanni Kristus su jamaan-Ne, eteudde wadang-Nge.

KOLOSE 3:24

Paanaunge manungku i yamiu sarun manengkamma lal᷊antake wuassu Ruata. Apa apan nissaddia Mawu su al᷊aṛṛanang-Nge, eteudde sarun ionggola si yamiu. Ana waugu mawu apan atonna eteudde Kristus sassane.

1 TESALONIKA 2:15

Manga taumata udde namate Mawu Yesus wuṛṛu manga nabi, see nanansara si yami. I mangitou masseettu anambon taumata, wuṛṛu Ruata atonna-tonna tawe mal᷊uassa si mangitou.

IBRANI 10:34

wuṛṛu i yamiu lai mammendama su sambau, asasusan taumata apan su tuttupanna. Wuṛṛu su tempo manga al᷊awo'a apan tatahuananni yamiu aṛṛoanna, i yamiu nanengkamma udde ringannu naungnga mal᷊uassa, ana waugu i yamiu masingkata manungku i yamiu ta'e uatahuanna sambau apan lembon mapia, apan mataṛṛanga saran mal᷊annu-l᷊annu.

IBRANI 11:26

I Musa mammendama manungku maareganne marau i tou maasomba aal᷊uandaga ana waugu Ratum Punnu Sal᷊amatta apan pina'iren Ruata udde, wuassu maasomba al᷊awo'u darotongngu wanuan Mesir, ana waugu Musa uaantima lal᷊antake su allo murine.

IBRANI 11:33

Ana waugu mangngimanna, ne i mangitou suete napaarugi manga araratuanna. I mangitou ma'ola'a apa apan su ṛinone, na'oman sara naasengkamma apa apan suete pina'iren Ruata. I mangitou nanggattumu manga moṛṛongu singa,

IBRANI 11:6

Amungkangu tawe pangangimanna, tawe saran sangkatou apan wotongnge maal᷊uassa naungngu Ruata. Ana waugu taumata apan rumanta ringannu Ruata ṛinone mangngimanna manungku pia Ruata, wuṛṛu manungku Ruata mangonggolu wawal᷊inne su taumata apan maddea'a si Tou.

YAKOBUS 1:2

Manga tuṛṛangnga! Amungkangu yamiu sumaruanna al᷊awo'u hatin bawono'a, ṛinone itarimatti yamiu ere auntunganna.

YAKOBUS 5:10

Manga tuṛṛangnga, paanaunge manga nabi apan mabbisara ringannu arannu Mawu. I mangitou masabbare wuṛṛu mataṛṛanga su asasusa. Nariaddi ola'e i mangitou ere sambau tul᷊ada.

1 PETRUS 4:13

Ewe'e ṛinone i yamiu mamendama al᷊al᷊uassa ana waugu uatataṛṛanga suaddio'a ringanni Kristus. Ne napawe awawantugi Kristus niapaal᷊iatta'a, i yamiu sarun lumuassa.

RUT 2:12

Antimanna Mawu mabbal᷊issa al᷊awo'u apapianu. Antimanna i'o manengkamma al᷊awo'a apan ṛinone ionggolu Mawu, Ruatan Israel si'o, ana waugu i'o nirumantate mangimanna wuṛṛu uasirungnga si Tou!”