MATIUS 27:60 - WUKE SUSI WATTI'U AL᷊AL᷊USASSA

⁶⁰ See i tou nangadoten winal᷊unannu Mawu Yesus sulal᷊ummu lal᷊abinganna wageangnge sassane apan suete niola'a su sambau wowon batu. Wua'udde i tou nanal᷊inggin sambau watu pinalindumma ngaran lal᷊abinganna udde, see napul᷊ete.

MATIUS 27:60 ပူးပေါင်းရင်းမြစ်များ

PANDARIADDI 50:5

‘Su tempo iamangngu allanga maranite mate, allangngu nirolokka massalu si tou, manungku allangnga sarun mallabingngi tou sulal᷊ummu labingnga apan buatte niola'a su leta'u Kanaan. Ana waugu udde, wala'awe allangngu inai mallabingngu iamangngu allangnga. Wua'udde allangnga sarun mabelengnga.’ ”

YESAYA 22:16

“Su sunnanu i'o indi isai? Apate hakkanu na'oman sara i'o namaangnga labbingngu su wuiddu watu?

YESAYA 53:9

I tou nilagginga suadio'a ringannu taumata lal᷊eo; labbinge su pattangngannu taumata ala, salaiwe i tou tawe na'ola'a al᷊al᷊eo, wuṛṛu tawe saran paassa namahia.”

MATIUS 27:59

Ne, i Yusuf nanganute winal᷊unanna udde, wuṛṛu pinapi'unnu mal᷊aṛṛenessa wuassu linen apan wakku.

MATIUS 27:66

See i mangitou inaite watukku lal᷊abinganna, nanegella watu lal᷊indumme wuṛṛu nangado mandariaga su saruanne, tadea'u tawedu maawu'a lal᷊abinganna udde.

MATIUS 28:2

Inaṛṛombanganne pia linukka apan bahewalla. Sangkatou mala'ekattu Mawu sinumossokka wuassu surga see namilingngu watu lal᷊indumme udde, wuṛṛu inuma'ianna su wowone.

LUKAS 24:2

Su lal᷊abinganna, i mangitou naaratinga watu ṛaṛṛapingnge natal᷊inggite.

YOHANES 11:38

Mawu Yesus lembo natuno naung-Nge, see inaite su lal᷊abinganna. Lal᷊abinganna udde sambau loṛṛangnga apan nitaapannu watu wahewa.

YOHANES 11:41

Ne i mangitou nangiruten batu udde. See Mawu Yesus naningngara watukku langitta wuṛṛu nabbisara, “Aadiangkamanna, Iamangnga, ana waugu I'o suete naddaringikka si Ya'u.

YOHANES 19:41

Su tampa Mawu Yesus niarussa pia sambau wailla. Su wailla udde pia sambau lal᷊abinganna wakku, apan taambe nipaatta pallabingannu taumata.

YOHANES 20:1

Su allo Misa ruaallo, su tempo ta'e marandumma, Maria Magdalena inaite watukku lal᷊abinganna. I tou naasilo watu laṛṛapingnge na'irute wuassu loṛṛangngu lal᷊abinganna udde.